फिलिप्पियों 4:3 - गददी

³ अतै मिन्जो सोगी सच्चाई सितै कम करनै बाळै साथी सोगी भी बिनती करदा कि, तू तियां जनानी री मेल-मिलाप करनै मन्ज मदद कर। क्ओकि तिऐं मिन्जो सोगी सुसमाचार फैलाणै मन्ज, दुखा क्‍लेशा मन्ज अतै मेरै साथी कलेमेंस सोगी मेहनत करूरी हा, जिआंरै कि नां जिन्दगी री कताबा मन्ज लिखुरै हिन।

फिलिप्पियों 4:3 Cross References

लूका 10:20

फिरी भी ऐसा गल्ला थऊँ खुश मत भोआ कि दुष्‍टात्मा तुदैं वशा मन्ज हिन पर ठेरैतांये खुश भोआ कि तून्दै नां स्वर्गा मन्ज लिखुरै हिन।”

रोमियो 12:1

ठेरैतांये हे विस्वासी भाईओ, अऊँ तुसिओ प्रमात्मैं री दया याद दुआई करी बिनती करदा कि अपणी जिन्दगी जो पवित्र अतै प्रमात्मैं री पसन्द रा बलिदान करीके चढ़ा। ऐह ही सही तरीका हा प्रमात्मैं री सेवा करनै रा।

रोमियो 16:12

त्रूफेना अतै त्रूफोसा जो जैड़ी प्रभु मन्ज मेहनत करदी हिन, नमस्कार। प्यारी पिरसिस बैहण जो, जैहै प्रभु मन्ज बडी मेहनत करी, नमस्कार।

रोमियो 16:9

उरबानुस जो, जैडा मसीह मन्ज सहकर्मी हा, अतै मेरै प्यारे इस्तखुस जो नमस्कार।

फिलिप्पियों 1:12

मेरै विस्वासी भाईओ अऊँ चाहन्दा कि तुसै ऐह जाणी लेय्आ कि मिन्जो पुर जैड़ी बीतुरी हा तैत सितै सुसमाचारा री ही बढ़ोतरी भच्छुरी हा।

फिलिप्पियों 1:16

जैड़ै भली मनसा सितै प्रेम रै द्धारा प्रचार करदै हिन सो जाणदै हिन कि अऊँ कैद मन्ज ठेरैतांये हा क्ओकि अऊँ सुसमाचार रा समर्थन करदा हा।

फिलिप्पियों 1:27

तूणा करा कि तून्दा चाल चलन मसीह यीशु रै सुसमाचारा रै मुताबक भोआ। अऊँ ईच्ची करी हेरू चाहे ना हेरू तून्दै बारै मन्ज बस ऐह हुणु कि तुसै अक्की ही मकसद मन्ज टिकुरै हिन अतै अक्क मन भूच्ची करी सुसमाचार तांई मेहनत करदै हिन।

फिलिप्पियों 1:5

जैहणै भी तूसु सबी तांई बिनती करदा ता सदा खुशी सितै बिनती करदा।

फिलिप्पियों 1:7

ऐह ठीक हा कि, अऊँ तूसु सबी तांई इन्‍ना विचार करूं क्ओकि अऊँ तूसु सितै बड़ा प्‍यार करदा हा। तुहै सब मेरी कैदा मन्ज अतै सुसमाचार तांई समर्थन अतै सवूत दीणैं तांई मिन्जो सोगी अनुग्रह सितै सहभागी हिन।

फिलिप्पियों 4:2

अऊँ यूओदिया अतै सुन्‍तुखे दूनी बैहणी सोगी बिनती करदा कि सो प्रभु मन्ज एक मन भूच्ची करी अप्पू मन्ज मेल-मिलाप करी लेय्आ, क्ओकि तुहै प्रभु सोगी जुडुरै हिन।

कुलुस्सियों 1:7

तसेरी ही शिक्षा तुहै इन्दै प्यारे विस्वासी भाई इपफ्रास थऊँ सिखुरी हा, जैडा असु तांई मसीह रा विस्वासयोग्य सेवक हा।

प्रकाशित वाक्य 13:8

धरती रै तिन्या सबी रैहणैवाळै तैस पशु री पूजा करनी हा, जंयारै नां तैस मेम्नै री जिन्दगी री कताबा मन्ज लिखै ना गै, जैडा संसार री उत्पति थऊँ घात करूरा हा।

प्रकाशित वाक्य 17:8

जैडा पशु तैंई हेरू हा, सो पैहलै ता थू पर अबै निय्आ, अतै अथाह कुण्ड़ थऊँ निकळी करी विनाश मन्ज पैणा, अतै धरती रै रैहणैवाळै जंयारै नां संसारा री उत्पति रै टैमां थऊँ जिन्दगी री कताबा मन्ज ना लिखै गै, तिन्या ऐस पशु जो जैड़ा मरी गच्छुरा थू दोबारा हेरी करी हैरान भूच्ची गै”।

प्रकाशित वाक्य 20:12

फिरी मैंई हल्कै बड़ै सब मरूरै जो सिंहासन रै सामणै खडुरै हेरू, फिरी कई कताबा खोली गई अतै फिरी जिन्दगी री कताब जो खोलया गो, जिन्या तैहा कताबा मन्ज लिखुरा थू, तिन्या ही तंयारै कम्मा रै अनुसार मरूरै रा न्याय करआ गो।

प्रकाशित वाक्य 20:15

अतै जैस कसी रा नां जिन्दगी री कताबा मन्ज लिखुरा ना मूळु, सो अगी री झीला मन्ज पाई दिता।

प्रकाशित वाक्य 21:27

पर तियां मन्ज कोई अपवित्र चिजा या घृणित कम करनैवाळै या झूठ गढणैवाळा कसी रीति सोगी प्रवेश ना करना, पर सिर्फ सो मणु जंयारै नां मेम्नै री जिन्दगी री कताबा मन्ज लिखुरै हिन।

प्रकाशित वाक्य 3:5

जैडा जय पान तैसिओ तियां ही चिट्टै ओढण पहनाणै हिन, अतै मुँ तसेरा ना जिन्दगी री कताबा थऊँ कसी भी रीति सितै ना कटणा, पर तसेरा नां अपणै पितै अतै स्वर्गदूता रै सामणै मनी लैणा।