फिलिप्पियों 4:20 - गददी

²⁰ इन्दै पिता प्रमात्मैं री महिमा जुगा-जुगा तिकर भुन्दी रेय्आ। आमीन।

फिलिप्पियों 4:20 Cross References

मत्ती 28:20

अतै तियां जो सब गल्ला जैड़ी मैंई तुसिओ हूक्म दितुरै मनणा सिखा अतै हेरा, अऊँ संसार रै अन्त तक तून्दै सोगी हा।”

मत्ती 6:9

ता तुहै ऐस तरीकै प्रार्थना करा कि : “हे इन्दै पिता, तू जैडा स्वर्गा मन्ज हा; तेरा नां पवित्र मनया गच्छा।

रोमियो 11:36

क्ओकि सब कुछ प्रमात्मैं री तरफा थऊँ इन्दा अतै तिनी ही सब कुछ बणाऊ अतै सब कुछ तसेरा ही हा। तसेरी महिमा युगायुग भुन्दी रेय्आ। आमीन।

रोमियो 16:27

तैस ही एकमात्र बुद्धिमान प्रमात्मैं री यीशु मसीह रै द्धारा युगायुग महिमा भुन्दी रेय्आ। आमीन।

इफिसियों 3:21

कलीसिया मन्ज, अतै मसीह यीशु मन्ज, प्रमात्मैं री महिमा पीढ़ी थऊँ पीढ़ी मन्ज युगा-युग तिकर भुन्दी रेय्आ। आमीन।

फिलिप्पियों 1:11

अतै तैस धर्मी चरित्र सोगी तुहै बढ़दै रेय्आ जैड़ा कि यीशु मसीह री व्जहा थऊँ तून्दै अन्दर पैदा भुआ, ऐत थऊँ प्रमात्मैं री महिमा अतै स्तुति भुन्दी रेय्आ।

फिलिप्पियों 4:23

ईन्दै प्रभु यीशु मसीह रा अनुग्रह तूसु पुर बणी रेय्आ। आमीन।

1 तीमुथियुस 1:17

अबै सदा काल रा राजा मतलब कि अविनाशी अणहेरा एकमात्र प्रमात्मैं रा आदर अतै महिमा युगा-युग तिकर भुन्दी रेय्आ। आमीन।

यहूदा 1:25

सो ही एकमात्र प्रमात्मां हा जिनी असिओ यीशु मसीह रै कमा रै द्धारा बचाऊ हा। तैस अक्कमात्र प्रमात्मैं तांयै, इन्दै उद्धारकर्ता यीशु मसीह री महिमा, गौरव, पराक्रम अतै अधिकार सदा काल थऊँ हा, अबै भी भोआ अतै युगा-युगा तक भुन्दा रेय्आ। आमीन।

प्रकाशित वाक्य 1:6

मसीह असिओ अपणी प्रजा अतै अपणै पिता प्रमात्मैं तांयै याजक बणाई दिता। तैसिओ युगायुग सब आदर अतै महिमा मुळदी रेय्आ। आमीन।

प्रकाशित वाक्य 11:13

फिरी तैहणै ही अक्क हिल्‍लण भूआ अतै यरूशलेम नगरा रा दसवां हेस्सा नाश भूच्ची गो, अतै तैस हिल्‍लण थऊँ सत हजार मणु मरी गै, बाकी डरी गै अतै स्वर्गा रै प्रमात्मैं री महिमा करना लगै।

प्रकाशित वाक्य 14:7

तिनी बड़ै शब्दा मन्ज बल्लू, “प्रमात्मैं थऊँ डरा, अतै तसेरी महिमा करा, क्ओकि तसेरा न्याय करनै रा टैमं चली आ, अतै तसेरा भजन करा, जिनी स्वर्ग, धरती, समुंद्र अतै पाणी रै झरनै बणाऐ।”

प्रकाशित वाक्य 5:12

सो जोरा जोरा सितै गाऊ करदै थियै, “बलिदान करूरा मेम्ना ही सामर्थ, धन, ज्ञान, शक्ति, आदर, महिमा अतै धन्यवाद रै योग्य हा।”

प्रकाशित वाक्य 7:12

“आमीन, इंदै प्रमात्मैं री स्तुति, महिमा, ज्ञान, धन्यवाद, आदर, सामर्थ अतै शक्ति युगायुग बणी रेय्आ। आमीन।”