फिलिप्पियों 4:15 - गददी

¹⁵ अतै हे फिलिप्पी शहर मन्ज रैहणै बाळैओ तुसै अप्पू ही जाणदै हिन, कि सुसमाचार प्रचार रै शुरूआत मन्ज जैहणै अऊँ तून्दै मकिदुनिया परदेस थऊँ चली गो ता तुसिओ छड़ी करी होरी कसी भी कलीसिया मेरी आर्थिक रूप सोगी मदद ना करी।

फिलिप्पियों 4:15 Cross References

चेलै रै कम 16:40

सो जेला थऊँ नकैई करी लुदिया रै घरै आये, अतै विस्वासी भाई सोगी मुळी करी तियां जो शान्ती दिती, अतै चली गै।

रोमियो 15:26

क्ओकि मकिदुनिया अतै अखया परदेस रै विस्वासी जो ऐह खरा लगा कि सो यरूशलेम रै गरीब विस्वासी तांयें कुछ दान इकट्ठा करन।

फिलिप्पियों 1:12

मेरै विस्वासी भाईओ अऊँ चाहन्दा कि तुसै ऐह जाणी लेय्आ कि मिन्जो पुर जैड़ी बीतुरी हा तैत सितै सुसमाचारा री ही बढ़ोतरी भच्छुरी हा।

फिलिप्पियों 1:16

जैड़ै भली मनसा सितै प्रेम रै द्धारा प्रचार करदै हिन सो जाणदै हिन कि अऊँ कैद मन्ज ठेरैतांये हा क्ओकि अऊँ सुसमाचार रा समर्थन करदा हा।

फिलिप्पियों 1:5

जैहणै भी तूसु सबी तांई बिनती करदा ता सदा खुशी सितै बिनती करदा।

फिलिप्पियों 1:7

ऐह ठीक हा कि, अऊँ तूसु सबी तांई इन्‍ना विचार करूं क्ओकि अऊँ तूसु सितै बड़ा प्‍यार करदा हा। तुहै सब मेरी कैदा मन्ज अतै सुसमाचार तांई समर्थन अतै सवूत दीणैं तांई मिन्जो सोगी अनुग्रह सितै सहभागी हिन।

फिलिप्पियों 2:12

हे मेरै प्यारे मित्रो जिआं कि तुसै हमेशा प्रमात्मैं रै हूक्मा जो मन्दै आये हिन जैहणै अऊँ तूसु सोगी थू। अबै अऊँ दूर हा ता तियां कम्मा जो डरदै अतै कम्मदै करदै रेय्आ, जैड़ै प्रमात्मैं रा उद्धार पाऊरै मणु तांई सही हिन।