फिलिप्पियों 4:11 - गददी

¹¹ ऐह ना कि मिन्जो बल्लै कसी चिजा री कमी हा, क्ओकि मैंई ऐह सिखुरा कि जैस भी हालात मन्ज अऊँ हा तैत पुर सन्तुष्‍ट ररेऊँ।

फिलिप्पियों 4:11 Cross References

लूका 3:14

फिरी सपाई भी तैस थऊँ पुछणा लगै, “अहै कै करन?” तिनी तियां जो बल्लू, “रिश्‍वत मत लैन्दै, ना ही कसी पुर झूठा मुकदमा चलान्‍दै अतै जतूणी तनखा तूसु जो मुलदीआ तैत मन्ज ही गुजारा करै।”

2 कुरिन्थियों 11:27

मेहनत अतै कष्‍ट मन्ज; बार-बार जागदै रैहणै मन्ज, भूख-प्यास मन्ज, बार बार उपवास करनै मन्ज, सर्दी मन्ज, नंगे रैहणै मन्ज

2 कुरिन्थियों 6:10

अहै मतै सारै दुख उठायै हिन पर सदा खुशी मंनादै हिन, अहै अप्पू ता कंगाल हिन, पर मतै जो आत्मिक धनवान बणाई दिन्दै हिन; अहै ऐसै हिन जियां बलै कुछ निय्आ तांभी सब कुछ रखदै हिन।

2 कुरिन्थियों 8:9

तुहै इन्दै प्रभु यीशु मसीह रै अनुग्रह जो जाणदै हिन कि सो अमीर भूच्ची करी भी तूसु तांयें कंगाल बणी गो, ताकि तसेरै कंगाल भूच्ची गाणै थऊँ तुहै आत्मिक अमीर भूच्ची गान।

2 कुरिन्थियों 9:8

प्रमात्मां तुन्दी सबी जरूरता जो तुसिओ उदारता सोगी पुरा करी सकदा हा जैत थऊँ तूसु बलै सो सब कुछ सदा भूणा जैड़ा तूसु तांयै जरूरी हा, तूसु बलै ऐतना बची गाणा कि तुहै तैतिओ होरी सोगी भी बड़ी सकदै हिन।

फिलिप्पियों 3:8

पर मैंई अपणै मसीह यीशु जो नजदीक थऊँ पछैणी लैऊ हा। मैंई इन्या सबी चिजा जो छडी दितुरा पर अबै इन्या सबी गल्ला जो बेकार अतै कूड्‍डा समझदा क्ओकि अऊँ मसीह जो जाणी गो हा।

इब्रानियों 10:34

तुसै कैदी रै दुखा मन्ज भी दुखी भुएै अतै अपणी धन-दौलत भी खुशी सितै लुटणा दिती, ऐह जाणी करी कि तूसु बलै स्वर्गा मन्ज अक्क होर भी ऐत थऊँ ज्यादा उतम अतै सदा काल तिकर ठेरनै बाळी धन-दौलत हा।