फिलिप्पियों 3:8 - गददी

⁸ पर मैंई अपणै मसीह यीशु जो नजदीक थऊँ पछैणी लैऊ हा। मैंई इन्या सबी चिजा जो छडी दितुरा पर अबै इन्या सबी गल्ला जो बेकार अतै कूड्‍डा समझदा क्ओकि अऊँ मसीह जो जाणी गो हा।

फिलिप्पियों 3:8 Cross References

लूका 1:43

ऐह मेरै तांयें बड़ै सौभाग्य री गल्ला हा कि मेरै प्रभु री माँ मिन्जो वलै आई हा?

लूका 11:20

पर जे अगर अऊँ प्रमात्मैं री सामर्थ सितै दुष्‍टात्मा जो कडदा, ता समझा प्रमात्मां रा राज्य तूसु बलै ईच्ची पुजुरा हा।

यूहन्‍ना 14:20

तैस दिन तुसिओ पता लगणा कि अऊँ अपणै पिता मन्ज हा, अतै तुहै मिन्जो मन्ज, अतै अऊँ तूसु मन्ज।

यूहन्‍ना 14:7

अगर तुहै मिन्जो जाणदै ता, मेरै पितै जो भी जाणदै; अतै अबै तैसिओ जाणदै हिन, अतै तैसिओ हेरू भी हा।”

यूहन्‍ना 16:3

ऐह तियां ठेरैतांये करना कि तियैं ना ता पितै जो जाणु अतै ना मिन्जो जाणदै हिन।

यूहन्‍ना 17:3

अतै अनन्त जिन्दगी ऐह हा कि सो तिजो एकमात्र सचै प्रमात्मैं जो अतै यीशु मसीह जो जैसियो तैंई भैजुरा तैसिओ जाणन।

यूहन्‍ना 17:8

क्ओकि जैड़ै बचन तैंई मिन्जो दितुरै, मैंई तियां जो तियां तांयें पुजाई दितुरा; अतै तियैं सो ग्रहण करै, अतै सच मनी लैऊ हा कि अऊँ तेरी कनारी थऊँ छूरा हा, अतै विस्वास करू हा कि तैंई मिन्जो भैजुरा हा।

यूहन्‍ना 20:13

तियैं तैहा जो बल्लू, “ओ जनानी, तू कजो रोऊ करदी हा?” तैहै तियां सितै बल्लू, “सो मेरै प्रभु जो चुक्की लेई गै हिन अतै अऊँ ना जाणदी कि तैसिओ कड्ड़ी रखूरा हा।”

यूहन्‍ना 20:28

ऐह हुणी करी थोमे जवाव दिता, “हे मेरै प्रभु, हे मेरै प्रमात्मां!”

चेलै रै कम 20:24

पर अऊँ अपणै प्राणा जो कुछ ना समझदा कि तियां जो प्यारा जाणु, बल्कि ऐह कि अऊँ अपणी दौड़ जो अतै सेवा जो पुरा करू, जैडा मैंई प्रमात्मैं रा अनुग्रह रै सुसमाचार पुर गवाही दिणै तांयें प्रभु यीशु थऊँ पाई हा।”

रोमियो 8:18

अऊँ जाणदा हा कि ऐस युग रै दुख अतै क्‍लेश तैहा महिमा सामणै, जैड़ी प्रमात्मां असु पुर प्रकट करनै बाळा हा, कुछ भी निय्आ।

रोमियो 8:39

ना गहराई, अतै ना कोई होर धरती असिओ प्रमात्मैं रै प्रेमा थऊँ जैडा इन्दै प्रभु मसीह यीशु मन्ज हा, अलग करी सकदिआ।

1 कुरिन्थियों 2:2

क्ओकि मैंई ऐह ठाणी लैऊरा थू कि तुसिओ यीशु मसीह अतै तसेरी क्रूस पुर भच्छुरी मौत रै अलावा होर कुछ ना सखाऊ।

1 कुरिन्थियों 9:10

ना! ऐह खास करीके असु तांयें ही बलदा अतै असु तांयें ही लिखुरा हा। क्ओकि खरा हा कि जोतणैवाळा उम्मीद सोगी जोतदा रेय्आ अतै बाणैबाळा भागी भूणै री उम्मीद सितै बान्दा रेय्आ।

2 कुरिन्थियों 4:4

अतै तियां अविस्वासी तांयें, जंयारी बुद्धि शैतानै जैड़ा ऐस संसारा रा भगवान हा अंधी करी दितुरी हा, ताकि मसीह जैडा प्रमात्मैं रा प्रतिरूप हा, तसेरै तेजोमय सुसमाचार रा प्रकाश तियां पुर ना चमका।

2 कुरिन्थियों 4:6

ठेरैतांये सबी थऊँ पैहलै प्रमात्मैं बल्लू, “अन्धकार मन्ज ज्योती चमका,” अतै प्रमात्मैं सो समझ इन्दै दिला मन्ज ज्योती सांईयै दितुरी हा ताकि अहै प्रमात्मैं री महिमा जो हेरन जैड़ी यीशु मसीह द्धारा प्रकट भूई।

गलातियों 1:16

अपणै पुत्रा जो मेरै द्धारा प्रकट करा कि अऊँ गैर यहूदी मन्ज तसेरा सुसमाचार हुणाऊ, ता मैंई कसी मणु थऊँ ठेरै बारै मन्ज सलाह ना लेई।

इफिसियों 4:13

ऐह तैहणै तक भुन्दा रैहणा जैहणै तिकर कि अहै सबी रै सब विस्वास अतै प्रमात्मैं रै पुत्र रै ज्ञान री एकता मन्ज ना चली ईन, अतै जैहणै तक अहै प्रमात्मैं रै अनुसार सिद्ध ना भूच्ची गाहन अतै मसीह री पूरी भरपुरी तक ना पुजन।

फिलिप्पियों 1:1

ऐह पत्री मसीह यीशु रा दास पौलुस लिखु करदा कि मेरी अतै तीमुथियुस री तरफा थऊँ सबी पवित्र मणु जो जैड़ै फिलिप्पी शहर मन्ज अध्यक्ष अतै सेवका समेत विस्वासी मणु हिन।

फिलिप्पियों 3:10

अऊँ ऐह चाहन्दा कि अऊँ मसीह जो जाणी लैऊ। तसेरै दोबारा जी उूठणै री सामर्थ जो महसुस करूं अतै तैस सोगी सबी दुखा मन्ज सामल भूणै रै दर्द जो जाणु अतै तसेरी मौती सांईं मौत हासल करू।

फिलिप्पियों 3:12

ऐह मतलब निआं कि अऊँ इन्या सबी गल्ला जो पाई चुकुरा या सिद्व भुच्‍ची चुकुरा पर तैसा चिजा जो पाणै तांयै कठण मेहनत करू करदा कि सो मिन्जो मुळी गच्छा जैत तांयै यीशुऐ मिन्जो पकडुरा थू।

फिलिप्पियों 3:7

पैहलै इन्या गल्ला जो अऊँ किमती समझदा थू, अबै इन्या गल्ला जो बेकार समझदा क्ओकि मसीह मेरी जिन्दगी जो बदली दितुरा हा।

2 तीमुथियुस 4:6

मेरी जिन्दगी अतै प्रमात्मैं तांयै मेरी सेवा अबै खत्म भूणैबाळी हा क्ओकि अऊँ जाणदा हा कि अबै मेरा मरनै रा टैमं चली आ।

इब्रानियों 3:14

अगर अहै अन्त तक बफादार हिन अतै जियां अहै शुरू मन्ज प्रमात्मैं पुर भरोसा करू तियां ही बणी रैहन ता अहै तियां सबी चिजा रै भागीदार भूणै जैड़ी मसीह री हिन।

1 पतरस 2:7

ऐह पत्थर तूसु विस्वासी तांयै ता बड़ा किमती हा पर जैड़ै विस्वास ना करदै तिन्या तांयै पवित्रग्रन्था मन्ज लिखुरा कि, “जैस पत्थर जो राजमिस्त्रीये निकम्मा ठहराऊ थू, सो कोणै रा सिरा भूच्ची गोआ,”

2 पतरस 1:2

जिन्या तुहै इन्दै प्रमात्मां अतै प्रभु यीशु रै ज्ञान मन्ज बढ़दै गान्दै हिन अऊँ प्रार्थना करदा कि प्रमात्मां तुसिओ ज्यादा थऊँ ज्यादा अनुग्रह अतै शान्ती दिन्दा रेय्आ।

2 पतरस 1:3

प्रमात्मैं अपणै ईश्वरीय सामर्थ रै द्धारा असिओ सो सब कुछ दितुरा हा जैडा भक्ति भरी जिन्दगी जिणै तांयै जरूरी हा तसेरै ज्ञान रै द्धारा जिनी असिओ हैदुरा हा अपणी अदभुत महिमा अतै सदगुण मन्ज सहभागी भूणै तांयै।

2 पतरस 1:8

तुहै प्रभु यीशु रै बारै मन्ज जाणदै हिन अतै अगर तुहै इन्या गल्ला मन्ज ही लगातार बददै गाहलै ता इन्या तुसिओ निकम्मे अतै निष्फल ना भूणा दिणा।

2 पतरस 3:18

तुहै ऐस तरीकै जिन्दगी जिय्आ ताकि तुहै इन्दै उद्धारकर्ता यीशु मसीह अतै तसेरै अनुग्रह जो होर भी ज्यादा जाणदै रेय्आ। तसेरी ही महिमा अज भी अतै युगा-युग भुन्दी रेय्आ। आमीन।

1 यूहन्‍ना 1:3

जैड़ा कुछ अहै यीशु रै बारै मन्ज हेरू अतै हुणु तठेरा समाचार तूसु जो भी दिन्दै हिन ठेरैतांये कि तून्दा भी असु सोगी रिश्ता भूच्ची गच्छा अतै इन्दा ऐह रिश्ता पिता प्रमात्मां सितै अतै तसेरै पुत्र यीशु मसीह सोगी भी हा।

1 यूहन्‍ना 2:19

सो वरोधी निकळुरै ता इन्दै गुट थऊँ ही हिन पर असल मन्ज सो इन्दै ना थियै, क्ओकि जे असु थऊँ भुन्दै ता असु मन्ज रैहन्दै, पर निकळी ठेरैतांये गै कि ऐह सावित भूच्ची गो कि सो सच मन्ज इन्दै ना थियै।

1 यूहन्‍ना 5:20

अतै ऐह भी जाणदै हिन कि प्रमात्मैं रा पुत्र यीशु मसीह ऐस संसारा मन्ज चली छूरा अतै तिनी असु जो समझ दितुरी हा कि अहै तैस सच्चै प्रमात्मैं जो पछैणन। अहै तैस मन्ज जैडा कि सचा हा मतलब तसेरै पुत्र यीशु मसीह मन्ज बणी रैहन्दै हिन सचा प्रमात्मां अतै अनन्त जिन्दगी ऐह ही हा।