फिलिप्पियों 3:7 - गददी

⁷ पैहलै इन्या गल्ला जो अऊँ किमती समझदा थू, अबै इन्या गल्ला जो बेकार समझदा क्ओकि मसीह मेरी जिन्दगी जो बदली दितुरा हा।

फिलिप्पियों 3:7 Cross References

मत्ती 16:26

अगर मणु सब कुछ जैडा तसेरी इच्छा हा पाई लेय्आ अतै अपणै प्राणा जो खोई देय्आ ता तठेरा कै फायदा? अतै मणु अपणै प्राणा रै बदलै कै दिणा?

मरकुस 10:50

सो अपणी चादर फैंकी करी झट ऊठु, अतै यीशु बलै आ।

लूका 14:26

“अगर कोई मिन्जो बल्लै अईआ अतै अपणै माता, पिता, घरावाळी, औलादा, भाई-बैहणी अतै अपणै प्राणा थऊँ बढ़ीकरी मिन्जो समझा ता सो मेरा चेला भुच्‍ची सकदा हा।

लूका 14:33

इन्‍नी साभै जैडा कोई सब कुछ त्यागी देआ ता सो ही मेरा चेला भुच्‍ची सकदा हा।

लूका 16:8

यीशुऐ बल्लू, “तिनी मालकै तैस अधर्मी भण्डारी री सराहणा करी, कजो कि तिनी बड़ी चलाकी सितै कम करू। ऐस संसार रै मणु अपणै जमानै रै मणु सोगी रीति रवाजा मन्ज यीशु सितै चलनै बाळै मणु थऊँ ज्यादा चलाक हिन।”

चेलै रै कम 27:38

जैहणै सो खाई करी रजी गै, ता कणका जो समुंद्र मन्ज फैंकी करी जहाजा जो हल्का करना लगै।

इब्रानियों 11:26

मूसा अपणै आपा जो मसीह री व्जहा थऊँ बेईजत भूणा मिस्र रै खजानै थऊँ मता धन समझू क्ओकि सो इनाम पाणै री भाळ करू करदा थू।