फिलिप्पियों 3:21 - गददी

²¹ सो अपणी शक्ति रै तैस प्रभाव री व्जहा थऊँ सब चिजा जो अपणै बसा मन्ज करी सकदा, तैस इन्दी कमजोर अतै मरनहार देह रा रूप बदली करी अपणी महिमा री देह रै मुताबक बणाई दिणा।

फिलिप्पियों 3:21 Cross References

मत्ती 17:2

तैड़ी तंयारै सामणै तसेरा रूप बदली गो, अतै तसेरा मुँह सूरजा साईयें चमकणा लगा अतै तसेरै कपड़ै लौई साईयें प्रकाशमान भूच्ची गै।

मत्ती 22:29

यीशुऐ तियां जो जवाव दिता, “तुहै पवित्रग्रन्थ अतै प्रमात्मैं री सामर्थ ना जाणदै; ऐसा वजह थऊँ तुहै भूला मन्ज पैऊरै।

मत्ती 28:18

यीशुऐ तंयारै नेड़ै ईच्ची करी बल्लू, “स्वर्ग अतै धरती रा पुरा हक्क मिन्जो दितुरा हा।

रोमियो 8:29

प्रमात्मैं अपणै मणु जो पैहलै थऊँ ही जाणी लैऊ अतै तियां जो अपणै पुत्रा सांईयै भूणै तांयै चुणी लैऊ कि तसेरा पुत्र विस्वासी भाई मन्ज पैहलोठा हा।

कुलुस्सियों 3:4

जैहणै मसीह जैडा कि असिओ नोई जिन्दगी दिन्दा हा, जैहणै तैस दोबारा ईणा ता तूसु भी तैस सोगी तसेरी महिमा मन्ज सहभागी भूणा।

1 यूहन्‍ना 3:2

हे प्यारेओ, हल्ली तिकर अहै प्रमात्मैं री सन्तान हिन अतै हल्ली तिकर ऐह प्रकट ना भुआ कि असु कै कुछ भूणा! तूणा जाणदै हिन कि जैहणै तैस प्रकट भूणा ता असु भी तैस सांईयै ही भूणा, क्ओकि असु सो तिनां ही हेरना जिन्‍ना कि सो हा।

प्रकाशित वाक्य 1:8

प्रभु प्रमात्मां बलदा हा “अऊँ ही अल्फा अतै ओमेगा हा, जैडा हा अतै जैडा थू अतै जैडा ईणैबाळा हा, अऊँ सर्वशक्तिमान प्रमात्मां हा।”