फिलिप्पियों 3:2 - गददी

² जंगली कुत्रा सांईयै खतरनाक मणु थऊँ चौकनै रेय्आ, ऐसै मणु थऊँ भी चौकनै रेय्आ जैड़ै दूये रै शरीरा जो कटदै हिन। तियां तून्दा जबरदस्ती खतना करवाणा ताकि तुहै प्रमात्मैं रा जन वणी सकै।

फिलिप्पियों 3:2 Cross References

मत्ती 24:10

ता मतै मणु विस्वास करना छड़ी दिणा, अतै अक्की दूये जो पकड़वाणा, अतै अक्की दूये सितै बैर रखणा।

मत्ती 7:15

“झूठै भविष्‍यवक्ता थऊँ बची करी रेय्आ, जैड़ै तूसु बल्लै भैड़ा रै भेषा मन्ज इन्दै हिन, पर अन्दरा थऊँ फाड़ी करी खाणैबाळै भेड़िये हिन।

मत्ती 7:6

“तियां मणु जो जैड़ै प्रमात्मैं रा बचन हुणना ना चाहन्दै तियां जो मत हुणा, तियां जो बचन हुणाणा ऐस तरीकै हा कि पवित्र चिजा कुत्रा अगो फैंकणा। तियां जो बचन हुणाणा मतलब अपणै मोती सूंरा अगो फैंकणा, ता ऐसा भूणा कि सो तियां पैरा थलै दरड़ी दिणै अतै पलटी करी तुसिओ ही फाड़ी खान।”

रोमियो 2:28

क्ओकि यहूदी सो ना हिन जैड़ै जन्मजात यहूदी हिन; अतै सचा यहूदी भी सो निय्आ जसेरा खतना भच्छुरा हा।

2 कुरिन्थियों 11:13

क्ओकि ऐह झूठै मणु हिन अतै छल सितै कम करनैवाळै हिन जैड़ै मसीह रा प्रेरित भूणै रा दावा करदै हिन।

गलातियों 5:13

हे विस्वासी भाईओ, तुहै आजाद भूणै तांयें हैदै गै हिन; पर अपणै पापी स्वभाव जो सन्तुष्‍ट करनै तांयै आजादी रा इस्तेमाल मत करा, बल्कि प्रेम सोगी अक्की दूये रै दास बणनै तांयै आजादी रा इस्तेमाल करा।

गलातियों 5:15

पर अगर तुहै जंगली जानवरा सांईयै अक्की दूये जो कटदै अतै नूकसान पुजादैं हिन ता चौकनै रेय्आ ना ता तूसु अक्की दूये रा सत्यनाश करी दिणा।

गलातियों 5:6

जैहणै अहै यीशु मसीह पुर विस्वास करदै हिन तैहणै खतना करना या ना करना ऐत मन्ज कोई फायदा निय्आ। जरूरी गल्ल ऐह हा कि विस्वास जो प्रेम सोगी प्रकट करन।

फिलिप्पियों 3:19

तआंरा अन्त विनाश हा, तआंरी शरीरी इच्छा ही तंयारा प्रमात्मां हा, सो अपणी लज्जा री गल्ला पुर घमण्ड़ करदै हिन अतै धरती री चिजा पुर अपणा मन लाई रखदै हिन।

फिलिप्पियों 3:3

क्ओकि असली खतना बाळै ता अहै ही हिन जैड़ै प्रमात्मैं री आत्मिक अगुवाई सितै भजन करदै हिन अतै मसीह यीशु पुर घमण्ड़ करदै हिन अतै मणु रै कर्मा पुर भरोसा ना रखदै हिन।

1 तीमुथियुस 1:19

यीशु मसीह मन्ज अपणै विस्वास जो बणाई रख अतै विवेक जो शुद्ध रख कुछ मणुऐ अपणै विवेक रै विरोध मन्ज जाणी बूझी करी कम करू जठेरी वजह थऊँ तंयारा विस्वास टूटी गो।

तीतुस 1:16

ऐसै मणु बल्‍दै हिन कि अहै प्रमात्मैं जो जाणदै हिन पर तंयारै कम्मा थऊँ पता लगदा कि सो प्रमात्मैं जो ना जाणदै क्ओकि सो घृणित अतै आज्ञा जो ना मनणै बाळै हिन अतै कोई खरा कम ना करी पान्दै।

2 पतरस 2:22

ऐह झूठै शिक्षक इन्या पखैणा री सच्चाई जो सच सावित करदै हिन, “जियां कुत्र अपणी करूरी उलटी जो चटदा,” अतै “सूअंर साफ करनै थऊँ बाद भी चिकड़ा मन्ज लिमिणै तांई फिरी गाहन्‍दा हा।”

यहूदा 1:4

अऊँ ऐसा ठेरैतांये बल्लू करदा हा कि कुछ अधर्मी मणु चुप-चाप तुन्दी कलीसिया मन्ज चली छुरै हिन जैड़ै ऐह सखान्दै हिन कि प्रमात्मैं रा अदभुत अनुग्रह असिओ ऐह इजाजत दिन्दा हा कि अहै पापी जिन्दगी जी सकन। ऐसै मणु रै विनाश रै बारै मन्ज पैहलै थऊँ ही पवित्रग्रन्था मन्ज लिखुरा हा क्ओकि इन्यै इन्दै इकलोतै मालक अतै प्रभु यीशु मसीह रा इन्कार करूरा हा।

प्रकाशित वाक्य 2:9

अऊँ जाणदा हा कि तू क्‍लेश सहू करदा अतै तू गरीब हा पर आत्मिक तौर पुर तू अमीर हा। अऊँ तिन्या मणु जो जाणदा हा जैड़ै ऐह बलदै हिन कि सो यहूदी हिन जैड़ै प्रमात्मैं रै चुणुरै मणु हिन पर असल मन्ज सो ना हिन। सो तेरै बारै मन्ज बुरी गल्ला बलदै हिन, पर सो तैहा मण्ड़ळी रै सदस्य हिन जैडा शैतान री हा।

प्रकाशित वाक्य 21:8

पर डरपोका, अविस्वासी, घिनौनै, हत्यारै, व्यभिचारी, टोन्णै, मूर्तिपूजक, अतै सब झूठ रा हेस्सा तैसा झीला मन्ज मिलणा जैडा अगी अतै गन्धक सोगी फुक्किदीं रैहन्‍दी हा ऐह दूई मौत हा।”

प्रकाशित वाक्य 22:15

पर दुष्‍ट, टोन्णै, व्यभिचारी, हत्यारै, मूर्तिपूजक, अतै हरेक झूठ रा चाहणैवाळै अतै धोखा दिणैबाळै शहर रै बाहर रैहणा।

प्रकाशित वाक्य 3:9

हेर, अऊँ तिन्या मणु जो जाणदा हा जैड़ै ऐह बलदै हिन कि सो यहूदी प्रमात्मैं रै चुणुरै मणु हिन पर असल मन्ज ना हिन पर सो तैहा मण्ड़ळी रै सदस्य हिन जैडा शैतान री हा। मुँ ऐसा करना कि तियां ईच्ची करी तेरै पैरा पुर झुकी गाणा, अतै तियां ऐ जाणी गाणा कि तुहै ही सो मणु हिन जिन्या सोगी अऊँ प्रेम करदा हा।