फिलिप्पियों 3:15 - गददी

¹⁵ ता असु मन्ज जैड़ै भी विस्वास मन्ज पक्कै हिन सो ऐह हि विचार रखन अतै जे कसी गल्ला मन्ज तून्दा होर विचार भोआ ता प्रमात्मैं तैत जो भी तूसु पुर प्रकट करी दिणा।

फिलिप्पियों 3:15 Cross References

मत्ती 5:48

ठेरैतांये तुहै भी काबल बणा, जियां तून्दा पिता प्रमात्मां काबल हा।

लूका 11:13

हेरा जे, तुहै बुरै भूच्ची करी अपणी औलादा जो खरी चिजा दिणा जाणदै, ता तून्दा स्वर्गीय पिता अपणै मंगणै बाळै जो पवित्र आत्मा कओ न देला।”

यूहन्‍ना 6:45

भविष्‍यवक्ता रै पवित्रग्रन्था मन्ज ऐह लिखुरा, ‘सो सब प्रमात्मैं री तरफा थऊँ सिखाऊरै भूणै।’ सो हरेक जिनी पिता थऊँ हुणुरा अतै सिखुरा सो मिन्जो बलै इन्दा हा।

यूहन्‍ना 7:17

अगर कोई मणु तसेरी इच्छा पूरी करनै जो तैयार हा, सो ही ऐसा शिक्षा रै बारै मन्ज जाणी सकदा कि ऐह प्रमात्मैं री तरफा थऊँ हा, कि अऊँ अपणी तरफा थऊँ बलदा।

रोमियो 15:1

अगर इन्दा विस्वास मजबुत हा ता असिओ तियां विस्वासी सोगी धीरज सोगी व्यवहार करना चहिन्दा जैड़ा विस्वास मन्ज कमजोर हिन। असिओ अपणै आपा जो ना पर होरी जो खुश करनै री कोशिश करना चहिन्दी हा।

1 कुरिन्थियों 14:20

हे विस्वासी भाईओ, तुन्दी समझ बच्चै सांईयै ना भोआ, जैड़ी तक बुराई री गल्ल हा ता ऐत मन्ज तुहै बच्चै सांईयै भोळै रेय्आ, पर अपणी समझ मन्ज स्याणै भूच्ची गच्छा।

1 कुरिन्थियों 2:6

फिरी भी अहै आत्मिक रूपा सोगी सिद्ध मणु मन्ज ज्ञान हुणादै हिन, पर ऐस संसारा रा अतै ऐस संसारा रै नाश भूणैवाळै हाकमा रा ज्ञान ना, जैड़ा पल भर रा हा,

गलातियों 5:10

अऊँ प्रभु पुर भरोसा रखदा कि सो तुसिओ झूठी शिक्षा पुर विस्वास करनै थऊँ दूर रखा। जैडा तुसिओ उलझन मन्ज पान्दा हा प्रमात्मैं तैस मणु रा न्याय करना चाहे सो कोई भी भोआ।

इफिसियों 1:17

अऊँ महिमा रा पिता अतै प्रभु यीशु रै प्रमात्मैं सोगी प्रार्थना करदा हा कि सो तुसिओ अपणी आत्मिक बुद्धि अतै प्रकाशन रा आत्मा देय्आ जैत सितै तुसै प्रमात्मैं जो पूरी रीति सोगी जाणी सकन।

कुलुस्सियों 1:28

मसीह रा प्रचार करीके अहै हरेक मणु जो दस्सी दिन्दै हिन अतै सारी अक्ल सोगी जैड़ी प्रमात्मैं असिओ दितुरी हा, हरेक मणु जो सखान्दै अतै चेतावनी दिन्दै हिन ताकि तियां जो मसीह यीशु मन्ज सिद्व करीके प्रमात्मैं सामणै हाजिर करन।

कुलुस्सियों 4:12

इपफ्रास जैडा कि तून्दै ही ग्राँ रा हा, अतै मसीह यीशु रा दास हा, तूसु जो नमस्ते बलदा हा। सो हमेशा दिला थऊँ तूसु तांई प्रार्थना करनै री कोशिश करदा हा ताकि तुहै सिद्व भूच्ची करी पूरै विस्वास सितै प्रमात्मैं री इच्छा पुर टिकी रैहन।

1 थिस्सलुनीकियों 4:9

पर होरी विस्वासी रै प्रति प्‍यार रै बारै मन्ज ऐह जरूरी निआं कि अऊँ तुसिओ कुछ लिखु क्ओकि अप्पू मन्ज प्‍यार रखणा तुसै अपणै आप ही प्रमात्मैं थऊँ सिखुरा हा।

2 तीमुथियुस 3:17

ताकि प्रमात्मैं रा भक्त सिद्व बणा अतै हरेक भलै कमां करनै तांयै तैयार भूच्ची गच्छा।

इब्रानियों 5:14

पर अनाज तियां मणु तांयै हा जैड़ै स्याणै हिन क्ओकि तजुरबा करदै-करदै, भलै अतै बुरै रै बारै रा भेद करनै री समझ तियैं पाई लैऊरी हा।

1 यूहन्‍ना 2:5

पर जैडा कोई प्रमात्मैं रै बचना जो मन्दा, तैस मन्ज सचमुच ही प्रमात्मैं रा प्रेम सिद्व भछुरा असु जो ऐत थऊँ ही पता लगदा कि अहै तैस मन्ज हिन।