फिलिप्पियों 3:13 - गददी

¹³ मेरै विस्वासी भाईओ, मेरा विचार ऐह निआं कि मैंई ऐह पाई लैऊरा, पर अऊँ मात्र ऐह अक्क कम करदा कि जैड़ी गल्ला पिचो रैई गई तियां जो भुल्‍ली करी अगो री गल्ला तांई चलदा गाहन्‍दा।

फिलिप्पियों 3:13 Cross References

लूका 10:42

पर अक्क गप्‍प जरुरआ कि, जैड़ी खरी गल्ला मरियमें चुणी लैऊरी तियां गल्ला ऐसा थऊँ कोई ना खुस्सी सकदा।”

लूका 9:62

यीशुऐ वल्‍लु, “जैडा कोई अपणा हथ्‍थ हल्ळा पुर रखी करी पचूँह हेरदा सो प्रमात्मैं रै राज्य रै काबल नियां।”

2 कुरिन्थियों 5:16

ता अबै थऊँ अहै कसी जो भी संसारिक नजरा सितै ना हेरदै। अहै पैहलै मसीह जो भी संसारिक नजरा सितै हेरू पर अबै ऐसा ना करदै।

फिलिप्पियों 2:12

हे मेरै प्यारे मित्रो जिआं कि तुसै हमेशा प्रमात्मैं रै हूक्मा जो मन्दै आये हिन जैहणै अऊँ तूसु सोगी थू। अबै अऊँ दूर हा ता तियां कम्मा जो डरदै अतै कम्मदै करदै रेय्आ, जैड़ै प्रमात्मैं रा उद्धार पाऊरै मणु तांई सही हिन।

फिलिप्पियों 3:12

ऐह मतलब निआं कि अऊँ इन्या सबी गल्ला जो पाई चुकुरा या सिद्व भुच्‍ची चुकुरा पर तैसा चिजा जो पाणै तांयै कठण मेहनत करू करदा कि सो मिन्जो मुळी गच्छा जैत तांयै यीशुऐ मिन्जो पकडुरा थू।

फिलिप्पियों 3:8

पर मैंई अपणै मसीह यीशु जो नजदीक थऊँ पछैणी लैऊ हा। मैंई इन्या सबी चिजा जो छडी दितुरा पर अबै इन्या सबी गल्ला जो बेकार अतै कूड्‍डा समझदा क्ओकि अऊँ मसीह जो जाणी गो हा।

इब्रानियों 6:1

ठेरैतांये अईआ अहै मसीह री शुरू री गल्ला जो पिचो छड़ी करी मसीह री गूढ़ शिक्षा री कनारी अगो बढण। असिओ जरूरत निय्आ कि अहै बार बार तियां गल्ला रै बारै मन्ज दसन कि क्ओ असिओ मौत जो पैदा करनै बाळै कमा थऊँ मुडना अतै प्रमात्मैं पुर विस्वास करना।

2 पतरस 3:8

मेरै प्यारेओ, ऐह अक्क गल्ला तूसु थऊँ छिपी ना रेय्आ, कि प्रभु तांयै अक्क दिन हजार साला रै बराबर हा अतै हजार साला अक्की साला रै मुताबक हा।