पर अऊँ डरदा हा कि जियां कीड़ै अपणै चलाकी सोगी हव्वा जो बहकाऊ, तियां ही तून्दा मन तैसा सीधाई अतै पवित्रता सोगी जैड़ी भक्ति मसीह तांयै भूणा चहिन्दी, करखी भ्रष्ट ना करी गच्छा।
ठेरैतांये मिन्जो अक्क मुकुट दितिआ गाणा क्ओकि मैंई प्रभु जो खुश करू हा। तैस सही तरीकै न्याय करना अतै न्याय रै दिन मिन्जो ही ना पर तिन्या सबी जो भी मुकुट दिणा जैड़ै ऐह चाहन्दै हिन कि सो सामर्थ सोगी प्रकट भोआ।
कुछ जनानी अपणै मरुरै मणु जो फिरी जिन्दा पाऊ, कतूणैं ता मार खान्दै-खान्दै मरी गै पर विस्वास रै कारण जेला थऊँ छुटकारा ना चऊँ ठेरैतांये कि तिन्या जो वेहतर जिन्दगी मुळी सका दोबारा जी भूणै रै बाद।
ऐह सो मणु हिन जिन्या जो पैहली बरी जिन्दा करया गाणा अतै सो सच मन्ज धन्य अतै पवित्र हिन। दूई मौत रा इन्या मणु पुर कोई अधिकार निय्आ। इन्या प्रमात्मैं अतै मसीह तांयै याजक बनणा अतै इन्या सोगी हजार साल तक राज्य करना। होरी मरूरै मणु जो जिन्दा ना करया गाणा जैहणै तक हजार साल पूरै ना भूच्ची गान्दै।
