फिलिप्पियों 2:21 - गददी

²¹ क्ओकि सब अपणै-अपणै स्वार्थ मन्ज रैहन्दै हिन, सो यीशु मसीह रै कमां री चिन्ता ना करदै।

फिलिप्पियों 2:21 Cross References

मत्ती 16:24

ता यीशुऐ अपणै चेलै सोगी बल्लू, “अगर कोई मेरै पिचो ईणा चाह ता अपणै आपा रा इन्कार करा अतै अपणा क्रूस चुकी करी मेरै पिचो चला।

लूका 14:26

“अगर कोई मिन्जो बल्लै अईआ अतै अपणै माता, पिता, घरावाळी, औलादा, भाई-बैहणी अतै अपणै प्राणा थऊँ बढ़ीकरी मिन्जो समझा ता सो मेरा चेला भुच्‍ची सकदा हा।

चेलै रै कम 13:13

पौलुस अतै तसेरै साथी पाफुस नगर थऊँ जहाज मन्ज पंफूलिया रै पिरगा शहर मन्ज आये; अतै यूहन्‍ना तियां जो छड़ी करी यरूशलेम जो फिरी गो।

चेलै रै कम 15:38

पर पौलुसै तैसिओ जैडा पंफूलिया परदेस मन्ज तियां थऊँ अलग भूच्ची गच्छुरा थू, अतै कम्मा पुर तियां सोगी ना गो, तैसिओ सोगी निणा खरा ना समझू।

1 कुरिन्थियों 10:24

अपणी ही भलाई जो ना सोचा, बल्कि दूये री भलाई रै बारै मन्ज भी सोचा।

1 कुरिन्थियों 10:33

अऊँ सदा ऐह कोशिश करदा कि अऊँ होरी जो खुश रखू ना कि अपणै आपा जो सिर्फ ऐसा उम्मीद पुर की कईआ रा उद्धार भूच्ची गच्छा।

1 कुरिन्थियों 13:5

प्रेम दूये री बेईज्ती ना करदा, प्रेम अपणी भलाई ना चाहन्दा, प्रेम झूँझलांदा निय्आ, प्रेम बुरा ना मन्दा।

2 कुरिन्थियों 1:5

क्ओकि जियां अहै मसीह रै दुखा मन्ज अहै मतै साझी भुन्दै हिन, तियां ही अहै शान्ती मन्ज भी मसीह रै द्धारा मतै साझी भुन्दै हिन।

फिलिप्पियों 2:4

हर कोई अपणै ही बारै मन्ज ना पर दुऐ रै बारै मन्ज भी चिन्ता करा।

2 तीमुथियुस 1:15

तू जाणदा कि आसिया परदेस रै कई विस्वासी मिन्जो छडी दितुरा हा जिआं मन्ज फूगिलुस अतै हिरमुगिनेस भाई भी हिन।

2 तीमुथियुस 3:2

कजो कि मणु स्‍वार्थी, लोभी, डींगमार, घमण्‍ड़ी, निन्दा करनै बाळै, माँ पिता री आज्ञा जो टालनै बाळा, जैड़ा धन्यवादी निय्आ, अपवित्र,

2 तीमुथियुस 4:10

क्ओकि विस्वासी भाई देमास जो ऐस संसारा री चिजा प्यारी लगी अतै सो मिन्जो छड़ी करी थिस्सलुनीके शहर जो चली गछूरा। तिन्या ही विस्वासी भाई क्रैसकैंस भी गलातिआ परदेस जो अतै तीतुस दलमतिआ परदेस जो चली गै हिन।

2 तीमुथियुस 4:16

पैहली बरी जैहणै मिन्जो जजा बलै खडेरू ता कोई भी मिन्जो सोगी ना थू। सबीये मिन्जो छड़ी दिता अतै अऊँ प्रार्थना करदा कि प्रमात्मां तिन्या जो ऐहा गल्ला तांयै माफ करा।