फिलिप्पियों 2:20 - गददी

²⁰ क्ओकि तीमुथियुस रै स्वभाव सांईयै कसी होरी रा स्वभाव निआं कि सो साफ मनां सितै तुन्दी चिन्ता करा।

फिलिप्पियों 2:20 Cross References

यूहन्‍ना 10:13

सो ठेरैतांये नह्ई गान्दा कि सो ता मजदूर हा, अतै तैसिओ भैड़ा री चिन्ता निय्आ।”

यूहन्‍ना 12:6

तिनी ऐह गल ठेरैतांये ना बली की गरीबा री चिन्‍द थी, पर ठेरैतांये की सो चोर थू, अतै तैस बलै अक्क थैली भुन्दी थी अतै तैत मन्ज जैडा कुछ भी पान्दै थियै सो कड़ी लैन्दा थू।

रोमियो 15:5

अऊँ प्रार्थना करदा हा कि धीरज अतै शान्ती रा दाता प्रमात्मां तुन्दी मदद करा कि तुहै अक्की दूये सोगी शान्ती मन्ज मसीह यीशु रा अनुकरण करी सकन।

1 कुरिन्थियों 16:10

अगर तीमुथियुस तूसु बलै आ, ता तैसिओ तैड़ी अपणै घरा सांईयै महसुस भोआ क्ओकि सो मिन्जो सांईयै प्रभु तांयै कम करदा हा।

फिलिप्पियों 2:2

ठेरैतांये अऊँ तूसु सोगी बिनती करदा कि मेरी ऐसा खुशी जो पूरी करा कि अक्क मन चित सोगी रेय्आ अतै अक्क ही प्‍यार, अतै अक्क ही इच्छा रखा।

फिलिप्पियों 2:22

पर तुसै तीमुथियुस जो परखी अतै जाणी भी लैऊ हा, कि जिआं पिता पुत्रा सोगी कम करदा तियां ही तिनी असु सोगी सुसमाचार जो फैलाणै री मेहनत करीआ।

कुलुस्सियों 4:11

अतै यीशु जैसिओ होर मणु यूस्तुस बल्‍दै हिन तूसु जो नमस्ते बल्‍दै हिन। यहूदी विस्वासी मन्ज ऐह त्राई मणु ही हिन जैड़ै प्रमात्मैं रै राज्य तांई मेरै साथी हिन अतै मिन्जो बड़ा हौंसला दिन्दै हिन।

1 तीमुथियुस 1:2

अऊँ तीमुथियुस जो ऐह लिखु करदा जैडा विस्वास मन्ज मेरा सचा आत्मिक पुत्र हा, अऊँ प्रार्थना करदा कि पिता प्रमात्मां अतै इन्दै मसीह यीशु री तरफा थऊँ तिजो अनुग्रह, दया अतै शान्ती मुळदी रेय्आ।

1 तीमुथियुस 4:6

अगर तू विस्वासी भाई जो इआं शिक्षा री याद दोआन्‍दा रेय्आ ता तुद मसीह यीशु रा खरा सेवक ठहरना। जिन्या तू इन्या विस्वास रै बचना अतै सही शिक्षा रै द्धारा चलदा हा, तू अपणै आपा रा आत्मिक पालन पोषण करदा हा।

2 तीमुथियुस 1:5

मिन्जो तैस निष्‍कपट विस्‍वासा री याद इन्दी हा जैडा तेरी ननी लोइस अतै तेरी माँ यूनीके मन्ज थू अतै मिन्जो ऐसा गल्ला रा पक्का पता हा कि तिजो मन्ज भी सो ही विस्वास हा।

2 तीमुथियुस 3:10

पर अबै तू तीमुथियुस, ऐ जरूर जाणदा हा कि अऊँ कै सखान्‍दा, अऊँ किनी जिन्दगी जिन्दा अतै मेरी जिन्दगी रा मकसद कै हा। तुहै मेरै विस्वास, मेरा धीरज, मेरा प्रेम अतै मेरी सहनशीलता जो जाणदै हिन।