फिलिप्पियों 2:14 - गददी

¹⁴ सब कम बिना कुड़कुड़ अतै बिना विवाद करदै करू करा।

फिलिप्पियों 2:14 Cross References

मत्ती 20:11

ता सो मणु मालका पुर कुड़कुड़ाई करी बलणा लगै,

मरकुस 14:5

क्ओकि ऐह इत्र त्राई सौ दीनार थऊँ भी मती किमता मन्ज बेचीकरी कंगाला मन्ज बण्ड़ी सकदै थियै।” अतै सो तैहा जो झिड़कणा लगै।

मरकुस 9:14

जैहणै यीशु तियां त्रीं चेलै सोगी बाकी चेलै बलै फिरी आ ता हेरू कि तंयारै चऊँ कनारै मणु री बड़ी भीड़ लगुरी हा अतै कुछ शास्त्री तियां सोगी बैंहसणा लगुरै हिन।

लूका 5:30

पर शास्त्री जैड़ै फरीसी थियै, यीशु रै चेलै सोगी बुडबुड़ान्दै कि, “तुहै वेईमानी सितै चुंगी लैणैबाळै अतै पापी सोगी कजो खाऊ करदै हिन?”

चेलै रै कम 15:2

जैहणै पौलुस अतै बरनबास रा बड़ा झगड़ा अतै वाद-विवाद भुआ ता ऐह फैसला करू कि पौलुस अतै बरनबास अतै तियां मन्ज कुछ मणु इन्या गल्ला रै बारै मन्ज प्रेरिता अतै स्याणै वलै यरूशलेम जो गान।

चेलै रै कम 15:39

ता ऐसी बैहंस बाजी छिड़ी कि सो अक्की दुँयै थऊँ अलग भूच्ची गै; अतै बरनबास, मरकुस जो लेई करी जहाज पुर साइप्रस टापू चली गो।

चेलै रै कम 15:7

ता पतरसै बड़ी बैहंस-बाजी भूच्ची गाणै थऊँ बाद खड़ी करी तियां सितै बल्लू, “हे भाईओ, तुहै जाणदै हिन कि बड़ै दिन भुएै प्रमात्मैं मिन्जो चुणी लैऊरा कि मेरै मुँहा थऊँ गैर यहूदी भी सुसमाचार रा बचन हुणी करी विस्वास करन।

चेलै रै कम 6:1

तियां दिन जैहणै चेलै री गिणती ज्यादा बदणा लगी, ता यूनानी भाषा बलणैवाळै यहूदी चेलै इब्रानी भाषा बलणैवाळै यहूदी चेलै पुर कुडकुडाणा लगै, कि रोजा री सेवकाई मन्ज इन्दी विधवा री सुधि ना लैन्दै।

रोमियो 12:18

जैड़ी तक भूच्ची सका, तुहै भरसक सब मणु सोगी मेल मिलाप रखा।

रोमियो 14:1

जैडा विस्‍वासा मन्ज कमजोर हा, तैसिओ अपणी संगति मन्ज ग्रहण करी लेय्आ, पर तसेरै गलत अतै सही सोचणै पुर बैहंस मत करा।

रोमियो 16:17

अबै हे विस्वासी भाईओ, अऊँ तूसु सोगी बिनती करदा कि जैड़ै मणु तैहा खरी शिक्षा रै उलटै, जैड़ी तुहै पाऊरी हा सो फूट पाणै अतै प्रमात्मैं थऊँ भटकाणै रा कारण भुन्दै, तियां जो ताड़ी लैऊ करा अतै तियां थऊँ दूर रेय्आ।

1 कुरिन्थियों 10:10

अतै ना तुहै कुडकुडा, जैस तरीकै तियां मन्ज कैई कुड़कुड़ाए अतै स्वर्गदूता रै द्धारा नष्‍ट करै गै।

2 कुरिन्थियों 12:20

क्ओकि मिन्जो ड़र हा, करखी ऐसा ना भोआ कि अऊँ ईच्ची करी जियां चाहन्दा हा, तियां ही तुसिओ ना पाऊ; अतै मिन्जो भी जियां तुहै ना चाहन्दै तियां ही पान। मिन्जो ड़र हा जैहणै मुँ ईणा ता करखी ऐसा ना भोआ कि तूसु मन्ज लड़ाई, डाह, क्रोध, विरोध, ईर्ष्या, चुगली, अभिमान अतै बखेड़ै भून।

गलातियों 5:15

पर अगर तुहै जंगली जानवरा सांईयै अक्की दूये जो कटदै अतै नूकसान पुजादैं हिन ता चौकनै रेय्आ ना ता तूसु अक्की दूये रा सत्यनाश करी दिणा।

गलातियों 5:26

अहै घमण्‍ड़ी भूच्ची करी अक्की दूये जो ना छेड़ण, अतै ना अक्की दूये सोगी जलन रखन।

फिलिप्पियों 2:3

स्वार्थ अतै झूठी प्रशंसा तांई कुछ मत करा पर दीन मनां सितै अक्की दुऐ जो अप्पू थऊँ खरा समझा।

1 थिस्सलुनीकियों 5:13

सो जैड़ा ऐह कम तूसु तांयै करदै हिन ता तुहै तियां सोगी प्रेम सोगी रेय्आ अतै तंयारा आदर करा, अतै अप्पू मन्ज मेल-मिलाप सोगी रेय्आ।

1 थिस्सलुनीकियों 5:15

पर चौकनै रेय्आ! कोई कसी सोगी बुराई रै बदलै बुराई ना करा; पर सदा भलाई करनै तांयें तैयार रेय्आ, अप्पू मन्ज अतै सबी सोगी भी भलाई ही करनै री कोशिश करा।

इब्रानियों 12:14

सबी सितै मेल-मिलाप रखा अतै पवित्र जिन्दगी जिणै री कोशिश करा, जठेरै बिना कोई भी प्रभु जो कदी ना हेरी सकदा।

याकूब 1:20

क्ओकि जैहणै मणु जो गुस्सा इन्दा ता प्रमात्मां जियां चाहन्दा तियां सो मणु धर्मी जिन्दगी ना जी सकदा।

याकूब 3:14

पर अगर तुसै अपणै-अपणै मनां मन्ज कड़वापन रखदै अतै खुदगर्ज हिन ता ऐसा सच्चाई रा इन्कार मत करदै अतै ना ही झूठ बल्लै।

याकूब 5:9

हे विस्वासी भाईओ अक्की दुऐ पुर दोष मत ला ताकि तुसै भी दोषी ना ठैहरन, हेरा न्याय करनै तांयें यीशु ता जल्दी ईणै बाळा हा।

1 पतरस 3:11

सो बुराई रा साथ छड़ी देय्आ, अतै भलाई ही करा; सो मेल मिलाप जो तोपा, अतै तसेरै यत्न मन्ज रेय्आ।

1 पतरस 4:9

बिना कुड़कुड़ाए अक्की दूये रा अतिथी सत्कार करा।

यहूदा 1:16

ऐह अधर्मी मणु सदा कुड़कुड़ करदै रैहन्दै हिन, अतै तिन्या सोगी जैड़ा कुछ भुन्दा सो तैत तांयै प्रमात्मैं जो दोषी ठहरान्दै हिन। सो अपणी इच्छा अनुसार बुरै कमा जो करदै हिन अतै अपणै आपा रा घमण्ड़ करदै हिन। सो दूये री तरीफ करनै रा ढोंग करदै हिन ताकि सो तिन्या थऊँ सो पाई सकन जैड़ा सो चाहन्दै हिन।