फिलिप्पियों 1:8 - गददी

⁸ ऐत मन्ज प्रमात्मां मेरा गवाह हा, कि अऊँ मसीह यीशु सांईं प्‍यार करीके तूसु सबी जो चाहन्दा।

फिलिप्पियों 1:8 Cross References

लूका 1:78

ऐह तियां पुर ईन्दै प्रमात्मैं री तैसा बेथाह दया री व्जहा थऊँ भूणा, जठेरी व्जहा थऊँ असु पुर स्वर्गा थऊँ जियां कि तड़कै रा प्रगड़ा चमकणा।

रोमियो 1:9

प्रमात्मां जसेरै पुत्र रै सुसमाचार रा प्रचार अऊँ मणु मन्ज अपणै पूरै दिला सोगी करदा हा। प्रमात्मां मेरा गवाह हा कि अऊँ अपणी प्रार्थना मन्ज लगातार तुसिओ याद करदा रैहन्दा हा।

रोमियो 9:1

अऊँ मसीह मन्ज सच बलदा, अऊँ झूठ ना बल्लू करदा अतै मेरा विवेक भी पवित्र आत्मा मन्ज गवाही दिन्दा हा,

2 कुरिन्थियों 13:9

जैहणै अहै कमजोर हिन अतै तुहै बलवन्त हिन, ता अहै खुश भुन्दै हिन, अतै ऐह प्रार्थना भी करदै हिन कि तुहै विस्वास मन्ज सिद्ध भूच्ची गान।

2 कुरिन्थियों 6:12

इन्दै प्यारा री तूसु तांयें कोई सीमा निय्आ पर तून्दा प्‍यार असु तांयें सीमित हा।

2 कुरिन्थियों 7:15

जैहणै तैसिओ तूसु सबी रा आज्ञाकारी भूणै री याद इन्दीआ कि कियां तुहै डरदै अतै कम्मदै तैस सोगी मुलाकात करी; ता तसेरा प्रेम तुन्दी कनारी होर बददा गान्दा।

गलातियों 1:20

जैड़ी गल्ला अऊँ तुसिओ लिखु करदा, प्रमात्मां जाणदा हा कि, ऐ सची हिन।

गलातियों 3:26

जैहणै तून्दा मसीह रै नां सितै बपतिस्मा भूआ ता तुहै मसीह रै स्वभाव जो पैहनी लैऊ। जैहणै तुहै यीशु मसीह पुर भरोसा करदै हिन ता तुहै सब प्रमात्मैं री औलाद बणी गान्दै हिन।

गलातियों 4:19

हे मेरै प्यारे बच्चेओ! अक्क बरी फिरी जिन्या अक्क माँ बच्चा जमणै रै टैमैं पीड़ा महसुस करदी हा अऊँ भी तूसु तांयै तैस तरीकै री पीड़ा महसुस करू करदा जैहणै तक कि मसीह रा स्वभाव तूसु मन्ज ना चली अईआ।

फिलिप्पियों 2:1

मसीह मन्ज तुन्दी जिन्दगी तुसिओ मजबुत करदी हा अतै तसेरा प्‍यार तुसिओ तसल्ली दिन्दा हा। तुन्दी संगति पवित्र आत्मा सोगी हा अतै तुसै अक्की दूये पुर दया अतै तरस करदै हिन।

फिलिप्पियों 2:26

तसेरा मन तूसु सबी मन्ज लगुरा थू, ठेरैतांये सो तूसु सोगी मिलणै जो व्याकुल रैहन्दा थू क्ओकि तुसै तसेरी बमारी रै बारै मन्ज हुणुरा थू।

फिलिप्पियों 4:1

ऐत तांई मेरै विस्वासी भाईओ, तूसु सोगी अऊँ बड़ा प्‍यार करदा। तूसु सोगी मिलणै री मेरी बड़ी इच्छा हा जैड़ा मेरी खुशी अतै घमण्ड़ रा कारण हा। प्यारे भाईओ प्रभु पुर ईयां ही विस्वास मन्ज मजबुत अतै आज्ञाकारी रेय्आ।

कुलुस्सियों 2:1

अऊँ चाहन्दा कि तुहै जाणी लैन कि तूसु तांई अतै तियां तांई जैड़ै कि लौदीकिया शहर मन्ज हिन अतै तियां सबी तांई जियां सोगी अऊँ हालि तक मुळुरा निय्आ, अऊँ किनी कठण मेहनत करदा।

कुलुस्सियों 3:12

प्रमात्मैं तूसु मणुओ पवित्र करीके चुणुरा हा अतै सो तूसु सोगी प्‍यार करदा हा ठेरैतांये बड़ी ज्यादा करूणा अतै भलाई अतै दीनता अतै नम्रता अतै सहनशीलता अपनाई लेय्आ।

1 थिस्सलुनीकियों 2:5

क्ओकि तुसै जाणदै हिन कि अहै ना ता कदी चापलूसी री गल्ला करदै थियै अतै ना ता लाळचा तांई बहाना करदै थियै, इन्या गल्ला रा प्रमात्मां गवाह हा।

1 थिस्सलुनीकियों 2:8

अतै तियां ही अहै तुन्दी लालसा करदै, ना सिर्फ प्रमात्मैं रा सुसमाचार बल्‍की अपणै-अपणै प्राण भी तूसु तांई दिणै जो तैयार थियै, ठेरैतांये कि तुसै इन्दै भी प्यारे भुच्‍ची गच्छुरै हिन।

2 तीमुथियुस 1:4

तिजो सोगी दोबारा मिलणै री मेरी बड़ी इच्छा हा, क्ओकि अऊँ तेरै तैस टैमैं रूणै जो याद करदा जैहणै अहै अलग भुएै थियै। जैहणै असु दोबारा मिलणा असु खुशी सितै भरी गाणा।

फिलेमोन 1:12

अऊँ उनेसिमुस सोगी बड़ा प्रेम करदा फिरी भी अऊँ तैसिओ तिजो बलै फेरी भैजु करदा हा।

फिलेमोन 1:20

हे मेरै विस्वासी भाई ऐह खुशी मिन्जो प्रभु मन्ज तेरी तरफा थऊँ मुळा कि अक्क मसीह विस्वासी भूणै रै नातै ऐस कमा जो करीके मिन्जो उत्साहित कर।

1 यूहन्‍ना 3:17

पर जैस कसी बल्लै संसारिक धन-दौलत भोआ अतै सो अपणै भाई जो कंगाल हेरा ता तैस पुर तरस ना खाणा चाह ता तैस मन्ज प्रमात्मैं रा प्‍यार कियां बणी करी रैई सकदा?