फिलिप्पियों 1:15 - गददी

¹⁵ कुछ मणु ता जळणी अतै झगड़ालू भूणै री व्जहा थऊँ मसीह रा प्रचार करदै हिन, पर कुछ मणु मिन्जो सोगी भली मनसा सितै प्रचार करदै।

फिलिप्पियों 1:15 Cross References

मत्ती 23:5

“सो अपणै सब कम मणु जो दसणै तांयें करदै हिन; सो अपणै तबीजा जो चौड़ा करदै हिन अतै कपड़ै रै कोणै री झालरा जो ज्यादा करदै हिन।

चेलै रै कम 10:36

जैडा बचन तिनी इस्त्राएलिओ भैजुरा, जैहणै तिनी यीशु मसीह रै द्धारा (जैडा सबी रा प्रभु हा) शान्ती रा सुसमाचार हुणाऊ,

चेलै रै कम 11:20

पर तियां मन्ज कुछ साइप्रसवासी अतै कुरैनी थियै, जैड़ै अन्ताकिया मन्ज ईच्ची करी गैर यहूदी जो भी प्रभु यीशु रै सुसमाचार री गल्ला हुणाणा लगै।

चेलै रै कम 5:42

सो रोज मन्दरा मन्ज अतै घर-घर गिच्ची करी ऐसा गल्ला जो सखादैं अतै ऐह सुसमाचार हुणनै थऊँ ना रूकै कि यीशु ही मसीहा हा।

चेलै रै कम 8:35

ता फिलिप्पुस बलणा लगा अतै पवित्रग्रन्थ रा शुरू थऊँ यीशु रा सुसमाचार हुणाऊ। ता तिनी ऐह सब हुणी करी यीशु पुर विस्वास करू।

चेलै रै कम 8:5

फिलिप्पुस सामरिया मन्ज गिच्ची करी मणु जो मसीह रा प्रचार करना लगा।

चेलै रै कम 9:20

ता शाऊल झट दमिशक शहर मन्ज यहूदी रै सभागार मन्ज यीशु रा प्रचार करना लगा कि सो प्रमात्मैं रा पुत्र हा।

रोमियो 2:8

पर जैड़ै स्‍वार्थी हिन अतै सच्चाई जो ना मन्दै, बल्कि अधर्म रै कम करदै हिन, प्रमात्मैं रा क्रोध अतै कोप तियां पुर पैणा।

1 कुरिन्थियों 1:23

पर अहै ता तैस क्रूस पुर चढ़ाऊरै मसीह रा प्रचार करदै हिन, जैडा यहूदी तांयें ठोकर अतै गैर यहूदी तांयें मूर्खता हा।

1 कुरिन्थियों 13:3

अगर अऊँ अपणी पूरी जायदात कंगाला जो खुआई दिच्छु अतै अपणै शरीरा जो फुक्णै तांयें दी दिच्छु, अतै प्रेम ना रखूं, ता मेरा कोई भी फायदा निय्आ।

2 कुरिन्थियों 1:19

क्ओकि प्रमात्मैं रा पुत्र यीशु मसीह जैसेरा इन्दै द्धारा अर्थात मेरै अतै सिलवानुस अतै तीमुथियुस रै द्धारा तून्दै मन्जै प्रचार भच्छुरा, सो सब गल्ला जैड़ी यीशुऐ बलुरी थी सची थी।

2 कुरिन्थियों 11:13

क्ओकि ऐह झूठै मणु हिन अतै छल सितै कम करनैवाळै हिन जैड़ै मसीह रा प्रेरित भूणै रा दावा करदै हिन।

2 कुरिन्थियों 12:20

क्ओकि मिन्जो ड़र हा, करखी ऐसा ना भोआ कि अऊँ ईच्ची करी जियां चाहन्दा हा, तियां ही तुसिओ ना पाऊ; अतै मिन्जो भी जियां तुहै ना चाहन्दै तियां ही पान। मिन्जो ड़र हा जैहणै मुँ ईणा ता करखी ऐसा ना भोआ कि तूसु मन्ज लड़ाई, डाह, क्रोध, विरोध, ईर्ष्या, चुगली, अभिमान अतै बखेड़ै भून।

2 कुरिन्थियों 4:5

क्ओकि अहै अपणा ना पर यीशु मसीह रा प्रचार करदै हिन कि सो प्रभु हा; अतै अपणै बारै मन्ज ऐह बलदै हिन कि अहै यीशु री वजह थऊँ तून्दै सेवक हिन।

गलातियों 2:4

तीतुस रै खतनै रै बारै मन्ज ऐह तियां झूठै यहूदी विस्वासी मन्ज बैहंस बाजी री गल्ल बणी गैई। सो झूठै यहूदी विस्वासी इन्दी कलीसिया मन्ज चोरी छिपे चली आये थियै। जैड़ी आजादी असिओ मसीह यीशु मन्ज मुळुरी हा, तैतिओ नाश करनै री कोशिश करना लगै ताकि अहै फिरी यहूदी व्यवस्था रा गुलाम बणी गाहन।

फिलिप्पियों 2:3

स्वार्थ अतै झूठी प्रशंसा तांई कुछ मत करा पर दीन मनां सितै अक्की दुऐ जो अप्पू थऊँ खरा समझा।

1 तीमुथियुस 3:16

अतै ऐत मन्ज कोई शक निआं कि जैड़ी शिक्षा प्रमात्मैं प्रकट करूरी हिन सो सच्ची हिन मतलब कि, मसीह मणु रै रूपा मन्ज प्रकट भुआ, पवित्र आत्मा रै द्धारा सावित भुआ कि सो प्रमात्मैं रा पुत्र हा, स्वर्गदूतै तैसिओ हेरू, गैर यहूदी मन्ज तसेरा प्रचार भुआ, संसार रै मणुऐ तैस पुर विस्वास करू अतै प्रमात्मैं तैसिओ स्वर्गा मन्ज ऊपरा जो चुकी लैऊ।