ፒሊጲሲዮሴ ኣሳስ 3:1 - ጋሞ ማጻፋ

¹ ታ ኢሻቶ! ሃይሳፌ ሃራ ታ ኢንቴና ጊዛይ ጎዳን ኡፋዬቲቴ፤ ሃኢካ ዛራዳ ኢዞ ታ ኢንቴስ ጻፊኮ ታና ሳሌና፤ ኢንቴናካ ጎኣና።

Geeshsha Maxaafa

¹ Ta ishatoo! Hayssafe hara ta inttena gizay Godaan ufayettite; ha7ikka zaarada izo ta inttes xaafikko tana saleththenna; inttenakka go7ana.

Gamo Geesha Maxxafa New Testamen

¹ Ta ishato hayssafe hara ta intena gizay Godan ufa7etite. Ha7ika zaarada izo ta intes xaafiko tana salethena. Intenaka go7ana.

ፒሊጲሲዮሴ ኣሳስ 3:1 Cross References

1ታሪኬ ማጻፋ 15:28

ሂስቲዲ ኢስራኤሌ ኡባይ ሆምቦጪሼ ጹሩምባኔ ዛዬ ፑኒሼ፥ ዳላ ጊሪሲሼ፥ ዲኔ ማሲንቆ ዲጺሼ ጎዳ ታቦታ ኤሂዳ።

1ታሪኬ ማጻፋ 16:10

ኢዛ ጌሻ ሱንን ቦንቺቴ፤ ጎዳ ኮይዛይታ ዎዚናይ ኡፋዬቶ።

1ታሪኬ ማጻፋ 29:22

ኣሳይ ሄ ጋላስ ጎዳ ሲንን ኬሂፔ ኡፋዬቲሼ ሚዴሲኔ ኡዪዴስ፤ ሂስቲዲ ኣሳይ ካዎ ዳዊቴ ና ሶሎሞኔይ ካዎቲዳይሳ ናምኣን ቆንጬራ ኤሪዳ፤ ኢዚ ዴራ ኣይሳና ማላ ጎዳ ጾሳ ሲንን ዛይቴን ቲይዳ፤ ሳዶቄካ ኢስታስ ቄሴ ጊዳና ማላ ጎዳ ሲንን ቲይዳ።

ናሂሚያ ማጻፋ 8:10

ናሂሚያይ፥ «ቢዲ ሎኦ ካ ሚቴ፤ ቃሴ ማልኢዛ ኡሹ ኡዪ ኡፋዬቲቴ፤ ኣይኮይ ባይንዳይታስ ኢንቴስ ዲዛይሳፌ ኢሚቴ፤ ሃይሲ ኑ ጾሳስ ኣንጄቲዳ ጋላሳ፤ ጾሳ ኡፋይሳይ ኢንቴስ ዎልቃ ጊዲዳ ጊሻስ ጬጮፒቴ» ጊዴስ።

ኢዮቤ ማጻፋ 22:26

ሄ ዎዴ ኡባ ዳንዳይዛ ጾሳን ኔኒ ኡፋዬታና፤ ኢዛን ኣማኔታዳ ኔ ዳና።

ዬ ማጻፋ 149:2

ኢስራኤሌ ኣሳቲ ባና ሜዳይሳን ኡፋዬቴቶ፤ ጺዮኔ ኣሳቲ ባ ካዎዛን ኬሂፔ ኡፋዬቴቶ።

ዬ ማጻፋ 32:11

ኢንቴኖ ጺሎቶ! ጎዳን ኡፋዬቲቴኔ «ሃሹ!» ጊቴ፤ ኢንቴኖ ዎዚና ሱሬቶ! ኡፋይሳን ኢሊሊቴ!

ዬ ማጻፋ 33:1

ኢንቴኖ ጺሎቶ! ጎዳን ኡፋዬቲቴ፤ ሱሬ ኣሳቲ ኡፋይሳን ኢሊሊቴ።

ዬ ማጻፋ 37:4

ጎዳን ኡፋዬታ፤ ኢዚ ኔስ ኔ ዎዚና ኣሞ ኢማና።

ዬ ማጻፋ 42:4

ታ ዎዚናያ ጬጬን ጊዶራ ሴራሼ ሃይታንታ ኣኬካዱስ፤ ዳሮ ዎዴ ታ ጾሳ ኬ ካሌሼ ኢሊሊሳኒኔ ጋላታ ዬን ባኣሌ ቦንቻና ሺቂዳ ዳሮ ኣሳ ጊዶራ ታ ዋና ቢዛኮ ኣሙሳዲስ።

ዬ ማጻፋ 5:11

ጊዶ ኣቲን ኔናን ዜምፒዳ ኡባቲ ኡፋዬቴቶ፤ ኢስቲ ሜርናስ ኡፋይሳን ዬጼቶ። ኔ ሱን ሲቂዛ ኡባቲ ኡፋዬቴቶ፤ ኢስቲካ ኔናን ናጌቴቶ።

ዬ ማጻፋ 97:1

ጎዳይ ካዎቲዴስ፤ ሳኣን ዴኢዛ ኣሳይ ኡፋዬቶ፤ ኣባ ጊዶን ዴኢዛ ሃሩሮቲ ኡፋዬቴቶ።

ኢሳያሳ ቲንቢቴ 41:16

ኔኒ ኢስታ ሱራጋና፤ ጫርኮይ ኢስታ ፒቲ ኤፋና፤ ጎቴይካ ኢስታ ላላና። ጊዶ ኣቲን ኔኒ ጎዳን ኡፋዬታና፤ ቃሴ ኢስራኤሌ ጌሻን ቦንቼታና።

ኢሳያሳ ቲንቢቴ 61:10

ታኒ ጎዳን ኬሂፔ ኡፋዬታይስ፤ ታ ሼምፖያካ ታ ጾሳን ሆምቦጫዉስ፤ ሚሺራይ ባ ሁኤን ካላቻ ጎጺዛ ማላ፥ ሚሺራያካ ባና ኢንቁን ሴሌዛ ማላ ኣቶቴ ማይኦ ታና ማይዚዴስ፤ ጺሎቴ ሴሎካ ታ ቦላ ጎጲዴስ።

ኢሳያሳ ቲንቢቴ 65:14

ታ ኣሽካራቲ ዎዚናፔ ኡፋይሳን ዬጻና፤ ኢንቴ ጊዲኮ ዎዚናይ ሜቂን ኢንቴ ዋሳና፤ ኢንቴ ኣያናይ ሜቂዳ ጊሻስ ኢንቴ ዎ ዎ ጊዲ ዋሳና።

ኢዩኤሌ ቲንቢቴ 2:23

ኢንቴኖ ጺዮኔ ዴሬቶ፥ ጎዳን ኢንቴ ጾሳን ኡፋይሲ ኦቴ፤ ኢዚ ቱሙ ፒርዲዲ ባሳ ኢራኔ ኦፊን ኢራ ዎጋራ ኢሚዴስ።

ሶፎናሳ ቲንቢቴ 3:14

ሃኔ ጺዮኔ ናዬ ኣኔ ዬጻ! ኢስራኤሌ ኣሳዉ ኣኔ ኢሊሊቴ! ሃኔ ዬሩሳላሜ ናዬ! ኩሜ ዎዚናፔ ኡፋዬታ! ኡፋዬታሼ ሃሹ ጋ!

ሶፎናሳ ቲንቢቴ 3:17

ጎዳ ኔ ጾሳይ ኔናራ ዴስ፤ ኢዚ ኣሺዛ ሚኖ ኦላንቻ። ኢዚ ኔናን ዳሮ ኡፋዬቴስ፤ ኢዚ ባ ሲቆን ኔና ዎፒሳና፤ ኔ ዬን ኢዚ ቦንቼቲዲ ኡፋዬታና› ጋና።

ዛካራሳ ቲንቢቴ 10:7

ኤፍሬሜ ኣሳይ ዎልቃማ ኣሳ ማላ ጊዳና፤ ኢስታ ዎዚናይ ዎይኔ ኡሹ ኡዪዳ ኣሳ ማላ ኡፋዬታና፤ ኢስታ ናይቲ ኢስታ ቤያናኔ ኡፋዬታና፤ ኢስቲካ ጎዳን ኡፋዬታና።

Maatosa 5:12

ኢንቴ ሳሎን ዴማና ዋጋይ ኬሂ ጊታ ጊዲዳ ጊሻስ ኡፋይሳን ጉፒቴ። ኢንቴፌ ሲንን ዲዛ ናቤታካ ሄሳ ጎዲዳ።

ኦሮሜ ኣሳስ 5:11

ሄሳ ጻላላ ጊዴና፤ ቃሴካ ኑኒ ሃኢ ኢዛራ ጊጋ ዴሚዳ ኑ ጎዳ ዬሱስ ኪርስቶሳ ባጋራ ጾሳንካ ኡፋይስ ኦስ።

2ቆሮንቶሴ ኣሳስ 13:11

ኣኔ ሃኢ ታ ኢሻቶ! ሳሮ ዲቴ፤ ኢንቴ ዱሳ ሎኤቴ፤ ታ ኢንቴና ዞሮይሳ ካሊቴ፤ ኣሳይ ኢሶይ ኢሳራ ሲጌቲቴ፤ ሳሮን ዲቴ፤ ሲቆኔ ሳሮ ጎዳይ ኢንቴናራ ጊዳና።

ኤፌሶኔ ኣሳስ 6:10

ሃራ ባጋራ ሚኖ ጎዳኒኔ ኢዛ ጊታ ዎልቃን ሚኒቴ።

ዛሬ ማጻፋ 12:18

ጎዳ ኢንቴ ጾሳይ ዶሪዳሶን ኢንቴ ማጫ ናይታራኔ ኣቱማ ናይታራ፥ ኢንቴ ማጫ ኣይሌታራኔ ኣቱማ ኣይሌታራ፥ ሄሳካ ኢንቴ ካታማታን ዲዛ ሌዌ ቆሞታራ ኢሲፌ ጎዳ ኢንቴ ጾሳ ሲንን ሚቴ፤ ኢንቴ ዳቡርዲ ሺሺዳ ሚሽ ኡባን ጎዳ ኢንቴ ጾሳ ሲንን ሄን ኡፋዬታና።

ዛሬ ማጻፋ 16:11

ሄሳን ኢንቴ ኢንቴ ኣቱማ ናይታራኔ ኢንቴ ማጫ ናይታራ፥ ኢንቴ ኣቱማ ኣይሌታራኔ ማጫ ኣይሌታራ፥ ኢንቴ ካታማን ዲዛ ሌዌታራኔ ቤቴ ኣሳታራ፥ ኢንቴ ጊዶን ዲዛ ዪኦታራኔ ኣምኤታራ ኡባይ ጎዳ ኢንቴ ጾሲ ባ ሱን ጼይጌታና ማላ ዶሪዳሶን ኡፋዬቲቴ።

ፒሊጲሲዮሴ ኣሳስ 3:3

ቱሙ ቃጻሬቲዳይቲ፥ ጾስ ዎሲዛይቲ፥ ዬሱስ ኪርስቶሳን ጬቂዛይቲ፥ ኣሾን ጬቄቶንታይቲኔ ኣሾንካ ኣማኔቶንታይቲ ኑና።

ፒሊጲሲዮሴ ኣሳስ 4:4

ኣይ ዎዴካ ጎዳን ኡፋዬቲቴ፤ ቃሴካ ታ ኢንቴና ኡፋዬቲቴ ጋይስ።

ፒሊጲሲዮሴ ኣሳስ 4:8

ዉርሴ ቦላ ታ ኢሻቶ! ቱሙ ጊዲዳ ዮኦ ኡባ፥ ቦንቾ ጊዲዳ ዮኦ ኡባ፥ ኣዳ ጊዲዳ ዮኦ ኡባ፥ ጌሺ ጊዲዳ ዮኦ ኡባ፥ ዶሴቲዳ ሚሽ ኡባ፥ ሎኦ ጊዲዳ ዮኦ ኡባ፥ ሎኤቴ ጊዲንካ ጋላታካ ሃይታንታ ሚሳቲዛዝ ኡባ ቆፒቴ።

1ታሶሎንቄ ኣሳስ 4:1

ሃኢ ዉርሴን ታ ኢሻቶ! ኢንቴ ጾሳ ኡፋይሳናስ ኢንቴ ዋኒ ዋኒ ዳና ቤሲዛኮ ኑ ኢንቴና ታማርሲዶስ፤ ቱማፔካ ኑ ታማርሲዳ ማላ ዴታ፤ ሄሳ ጊሻስ ጎዳ ዬሱስ ኪርስቶሳን ኑ ኢንቴና ዎሲዛይኔ ዞሪዛይ ሃይሳፌካ ኣዛ ሃኖራ ኢንቴ ሲን ጉጃና ማላሳ።

1ታሶሎንቄ ኣሳስ 5:16

ኡባ ዎዴ ኡፋዬቲቴ።

ያቆቤ ኪታ 1:2

ታ ኢሻቶ! ኢንቴ ቦላ ዱማ ዱማ ዋዬይ ጋኪኮ ሄሳ ዉርሲ ኡፋይሳን ቆዲቴ።

1ጴጽሮሳ ኪታ 3:8

ሄሳፌ ኣሳ ባጋራ ቃሴ ኢንቴ ኢሶይ ኢሳራ ሲቆን ዲቴ፤ ሃራ ኣሳ ቦላ ጋኪዛ ሜቶ ኢንቴ ሜቶ ማላ ጼሊቴ፤ ኢንቴ ኢንቴ ጋርሳን ኢሻንታ ማላ ሲቄቲቴ፤ ኣሽኬታኔ ኪያታ ጊዲቴ።

1ጴጽሮሳ ኪታ 4:13

ሄሳፌ ቦላራ ኪርስቶሳ ቦንቾይ ቆንጪዛ ዎዴ ኢንቴ ኬሂ ኡፋዬታና ማላ ኢንቴ ኢዛራ ኢዛ ዋዬዛ ኤኪዛይታ ጊዲዳ ማላ ኡፋዬቲቴ።

2ጴጽሮሳ ኪታ 3:1

ታ ሲቆቶ! ታኒ ኢንቴስ ጻፊሺን ሃይሲ ናምኣን ኪታ፤ ታኒ ኢንቴስ ናምኡ ኪታታካ ጻፊዳይ ሃይታ ሃ ዮኦታ ኣኬኪ ኤኪዲ ኢንቴ ሱሬ ቆፋ ቆፓና ማላ ኢንቴና ቤጎናሳ።

1ሳሜላ ማጻፋ 2:1

ሃናይ፥ «ታ ዎዚናይ ጎዳን ኡፋዬቲዴስ፤ ታ ካጬይ ጾሳን ቁ ቁ ጊዴስ፤ ኔኒ ታና ኣሺዳ ኣሾን ታኒ ኡፋዬቲዳ ጊሻስ ታ ዶናይ ታ ሞርኬታ ቦላ ዶዬቲዴስ።