ፒሊጲሲዮሴ ኣሳስ 1:20 - ጋሞ ማጻፋ

²⁰ ታ ኣይ ኦጌራካ ዬላቶንታ ማላ ሚኖ ኡፋይሲኔ ላሞታይ ታስ ዴስ፤ ጊዶ ኣቲን ካሴካ ሃቺካ፥ ታ ሃይቂንካ ፓጻ ዲንካ ኪርስቶሲ ታ ኣሾን ቦንቼታናይሳ ታኒ ጻላቴን ሃሳያይስ።

Geeshsha Maxaafa

²⁰ Ta ay ogerakka yeellatontta mala mino ufayssinne laamotay taas dees; gido attiin kasekka hachchika, ta hayqqiinka paxa diinka Kirstoosi ta ashon bonchchettanayssa tani xalateththan haasayays.

Gamo Geesha Maxxafa New Testamen

²⁰ Ta ay ogeraka yeellatontta mala mino ufayssine laamotay taas dees. Gido attin kaseka hachchika, ta hayqqinka paxa diin kiristoosay ta ashon bonchetanayssa ta xalatethan hasa7ayss.

ፒሊጲሲዮሴ ኣሳስ 1:20 Cross References

ዬ ማጻፋ 119:116

ኔኒ ጊዳ ቃላ ማላ ታና ካፋ፤ ሂስቲኮ ታኒ ሼምፖራ ፓጻ ዴኣና፤ ታ ሂዶታይ ሃዳ ጊዲን ታና ዬላሶፓ።

ዬ ማጻፋ 119:80

ታኒ ዬላቶንታ ማላ ኔ ማራን ታ ዎዚናይ ቦሬይ ባይንዳዝ ጊዶ።

ዬ ማጻፋ 25:2

ኣቤት ታ ጾሳዉ! ታኒ ኔናን ኣማኔታይስ፤ ታና ዬላሶፓ፤ ታ ሞርኬቲካ ታ ቦላ ጬቄቶፌቶ።

ዬ ማጻፋ 62:5

ታ ሼምፖዬ! ዎፑ ጋዳ ጾሳ ጻላ ናጋ፤ ታስ ሂዶታይ ኢዛፔ ያና።

ሌሚሶ ማጻፋ 10:28

ጺሎታ ሂዶታይ ኡፋይሳን ጋስ፤ ኢታታ ሂዶታይ ጊዲኮ ሃዳ ጊዲ ኣቴስ።

ሌሚሶ ማጻፋ 23:18

ሂስቲኮ ኔስ ሲንፌ ኪያና፤ ኔ ሂዶታይ ሃዳ ጊዴና።

ኢሳያሳ ቲንቢቴ 45:17

ኢስራኤሌይ ጊዲኮ ጎዳን ሜርና ኣቶቴ ኣታና፤ ኢንቴካ ሜርናስ ዬላቴኬታኔ ካዉዬኬታ።

ኢሳያሳ ቲንቢቴ 50:7

ኡባ ሃሪዛ ጎዳይ ታና ማዲዛ ጊሻስ ታኒ ካዉይኬ፤ ሄሳ ጊሻስ ታ ኣይፌሶ ዳልዳቻ ሹቻ ማላ ኦዲስ፤ ታኒ ዬላቶንታይሳ ኤራይስ።

ኢሳያሳ ቲንቢቴ 54:4

«ኣይኮይ ባ ባቦፋ፤ ኔ ዬላታካ፤ ሂርጎፋ፤ ኔ ካዉያካ፤ ኔ ዬላጋቴ ዬላ ኔኒ ዶጋና፤ ኔ ኣምኤቴ ቦሮካ ሃይሳፌ ሲንን ሃሳኣካ።

ዮሃኒሳ ሚሺራቾ 21:19

ዬሱሲ ኢዛ ሄሳ ጊዳይ ጴጽሮሲ ኣይ ማላ ሃይቆን ጾስ ቦንቻናኮ ኢዛስ ኤሪሳናሳ፤ ሄሳፌ ጉዬ ጴጽሮሳ፥ «ኔ ታና ካላ» ጊዴስ።

ሃዋሬታ ኦሶ 20:24

ጊዶ ኣቲን ጎዳ ዬሱሲ ታስ ኢሚዳ ዎ ዎጻ ዉርሳና ጋካናሲኔ ኦሶዛ ታ ፖላና ጋካናስ ታኒ ታ ሼምፖስ ሚሼቲኬ፤ ታስ ኢሜቲዳ ኦሶይካ ጾሳ ሚሺራቾ ቃላ ዮቶኮ።

ሃዋሬታ ኦሶ 21:13

ቃሴ ጳዉሎሲ፥ «ኢንቴ ኣይስ ዬኪ ዬኪዲ ታ ዎዚና ሜንቲ? ታኒ ጎዳ ዬሱሳ ሱን ጊሻስ ዬሩሳላሜን ቃሾ ጻላላ ጊዶንታ ሃይቃናስካ ጊጌታዲስ» ጊዴስ።

ሃዋሬታ ኦሶ 4:31

ኢስቲ ዎሲዳፔ ጉዬ ኢስቲ ዲዛሶይ ቃጺዴስ፤ ዉሪካ ጺሎ ኣያናን ኩሚዲ ጾሳ ቃላ ጻላቴን ዮቲዳ።

ኦሮሜ ኣሳስ 12:1

ሄሳ ጊሻስ ታ ኢሻቶ! ኢንቴ ኣሳቴ ጌሺኔ ጾስ ኡፋይሲዛ ዴኦ ያርሾ ኦዲ ኢንቴ ሺሻና ማላ ታ ኢንቴና ጾሳ ቃታን ዎሳይስ፤ ሄሲካ ዎዚናማ ኣሳ ማላ ኢንቴ ጾሳስ ኦዛ ኦሶ።

ኦሮሜ ኣሳስ 5:5

ሄ ሂዶታይ ቃሴ ኑና ዬላቼና። ጾሲ ኑስ ኢሚዳ ጺሎ ኣያናን ባ ሲቆ ኑ ዎዚናን ጉሲዳ ጊሻስ ሄ ሂዶታይ ኑና ዬላን ጋና።

ኦሮሜ ኣሳስ 6:13

ኢንቴ ኣሳቴ ኢታ ኦሶ ኦዛ ሚሽ ኦ ናጋራስ ሃሪሶፒቴ፤ ሄሳ ማላ ኦናፔ ሃይቆፔ ጌዴ ዴኦን ፒኒዳ ኣሳታ ማላ ኢንቴና ጾሳስ ሃሪሲቴ፤ ኢንቴ ኣሳቴ ጺሎቴ ሚሻ ማላ ጾሳስ ሃሪሲቴ።

ኦሮሜ ኣሳስ 6:19

ሃይሳ ታኒ ኣሳ ቃላን ኢንቴስ ቆንጬን ዮቲዛይ ኢንቴ ዬሌቴን ዳቡራንቻ ጊዲዳ ጊሻሳ። ኢንቴ ካሴ ዎዴ ኢንቴ ኣሳቴ ኣይሌቴሲኔ ካሴፔ ኣ ኢታና ማላ ኦ ኢሚዳ ማላ ሃኢ ቃሴ ጌሻቴኮ ኤፊዛ ጺሎቴስ ኣይሌ ሂስቲ ሃሪሲቴ።

ኦሮሜ ኣሳስ 8:19

ሜቴ ዉሪካ ጾሳ ናይቲ ቆንጫናይሳ ላሞቴን ናጎን ዴስ።

ኦሮሜ ኣሳስ 9:33

ሄሲካ፥ «ሄኮ ኣስ ጲዛ ሹች ኢስታ ኩንዲሲዛ ዛላ ጺዮኔ ቦላ ታ ዎና፤ ኢዛን ኣማኒዛዴይ ዬላቴና» ጌቴቲዲ ካሴ ጌሻ ማጻፋን ጻፌቲዳይሳ ማላ ሃኒዴስ።

1ቆሮንቶሴ ኣሳስ 15:31

ታ ኢሻቶ! ሃች ሃች ሃይቆይ ታናራ ጋጌስ፤ ሄሳካ ኑ ጎዳ ዬሱስ ኪርስቶሳ ጋሶን ኢንቴ ቦላ ዲዛ ኣማኔቴ ታ ኢንቴስ ቆንጪሳይስ።

1ቆሮንቶሴ ኣሳስ 6:20

ኢንቴ ሚሻን ሻሜቲዴታ፤ ሄሳ ጊሻስ ኢንቴ ኢንቴ ኣሳቴን ጾስ ቦንቺቴ።

1ቆሮንቶሴ ኣሳስ 7:34

ሃይሳን ኢዛ ቆፋይ ናምኡ ኬዚ ሻኬቴስ፤ ጌሎንታ ማጫሳያ ዎይኮ ጌላኦያ ጎዳዝ ጻላ ቆፓዉስ፤ ኢዚስ ጊታ ቆፋይካ ኣሾንካ፥ ኣያናንካ ጎዳስ ዱማቴ፤ ጌሊዳራ ጊዲኮ ባ ኣዚና ኡፋይሳናስ ሃይሳ ኣላሜዛ ሃኖ ጻላ ቆፓዉስ።

2ቆሮንቶሴ ኣሳስ 10:8

ጎዳይ ኑስ ኢሚዳ ማታ ጊሻስ ታኒ ኢዛን ጬቂኮካ ዬላቲኬ፤ ሄሲ ማታይ ታስ ኢሜቲዳይ ኑኒ ኢንቴና ሚንናስ ኣቲን ላላናስ ጊዴና።

2ቆሮንቶሴ ኣሳስ 3:12

ሄሳ ጊሻስ ሄሳ ማላ ሂዶታይ ኑስ ዲዛ ጊሻስ ኑኒ ጻላቴን ሃሳዮስ።

2ቆሮንቶሴ ኣሳስ 4:10

ዬሱሳ ዴኦይ ኑ ኣሳቴን ቆንጫና ማላ ኑኒ ኢዛ ሃይቆ ኡባ ዎዴ ቶኪ ዩዮስ።

2ቆሮንቶሴ ኣሳስ 5:15

ሼምፖራ ፓጻ ዲዛይቲ ዉሪካ ሄ ሃይቂዳይሳሲኔ ሃይቆፔ ዴንዲዳይሳስ ዳና ማላፔ ኣቲን ሃይሳፌ ጉዬ ኢስቲ ባስ ዶንታ ማላ ኪርስቶሲ ኡባስ ሃይቂዴስ።

2ቆሮንቶሴ ኣሳስ 7:14

ታኒ ኢንቴናን ጬቄቲዛይሳ ካሴ ቲቶሳስ ዮታ ዎዲስ፤ ኢንቴካ ታና ዬላሲቤኬታ፤ ኡባ ዎዴ ታ ኢንቴስ ቱማ ጻላላ ዮታሼ ዳይስ፤ ሄሲካ ኑኒ ኢንቴ ጊሻስ ቲቶሳስ ዮቲዳ ዮኦይ ቱሙ ጊዲ ኣማኔቲዴስ።

2ቆሮንቶሴ ኣሳስ 7:4

ታስ ኢንቴ ቦላ ዲዛ ኣማኖይኔ ጬቄቴ ዳሮ ጊታ፤ ታ ኢንቴናን ሚኔታይስ፤ ኑና ጋኪዛ ሜቶ ኡባን ታኒ ኬሃ ኡፋዬታይስ።

ፒሊጲሲዮሴ ኣሳስ 1:14

ታ ቃሼቲዳይሳ ጋሶን ኣማኒዛይቲ ጾሳ ቃላ ባቦንታ ጻላቴን ኣሳስ ማርካታናስ ሚኖቴ ዴሚዳ።

ፒሊጲሲዮሴ ኣሳስ 2:17

ቃሴካ ኢንቴስ ጎዳን ዲዛ ኣማኖይ ኢንቴ ጾሳስ ሺሺዳ ዱማ ያርሾ ማላ ታ ሼምፖይ ኢንቴ ያርሾራ ኢሲፌ ያርሾ ማላ ጉኪዛኮ ኢንቴናራ ታኒካ ኡፋዬታና።

ቆላሲያሴ ኣሳስ 1:24

ታ ኢንቴ ጊሻስ ዋዬ ቤኢዳይሲ ሃኢካ ታና ኡፋይሴስ፤ ኪርስቶሲ ባ ኣሳቴ ሄሲካ ዎሳ ኬ ጊሻስ ኢዚ ኤኪዳ ዋዬዛፔ ኤኪሺን ፓጪዳይ ዲኮ ታኒ ታ ኣሾን ኩንና።

1ታሶሎንቄ ኣሳስ 5:23

ሳሮቴ ጎዳይ ኢዚ ኡባ ሚሻን ኢንቴና ዱማሶ፤ ኢንቴ ኣያናይ፥ ኢንቴ ሼምፖይኔ ኢንቴ ኣሾይ ጎዳ ዬሱስ ኪርስቶሲ ዪዛ ዎዴ ዎሶይ ባይንዳ ናጌቶ።

1ጴጽሮሳ ኪታ 4:16

ኢዚ ኣማኒዛዴ ጊዲዳ ጊሻስ ኢዛ ቦላ ጋኪዛ ሜቶይ ዲኮ ቃሴ ኪርስቶሳ ሱንን ኢዚ ጾሳ ጋላቶ ኣቲን ዬላቶፖ።

1ዮሃኒሳ ኪታ 2:28

ሃኢ ታ ናይቶ! ኢዚ ቆንጪዛ ዎዴ ኑስ ጻላቴ ዳና ማላ ኢዚ ዪዛ ዎዴካ ኑ ኢዛ ሲንን ዬላቶንታ ማላ ኢንቴ ኢዛን ዴኢቴ።