فِلِبِيَنْکٛعٜنْ 4:8 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁸ اٜ رٜعِرْدٜ بَنْدِرَاٻٜ اَمْ، نغَطٜىٰ کَ ݧُمُکِ دٛوْ کٛو طُمٜ کٛ وٛنِ طُمْ غٛونغَ، اٜ کٛ مَوْنِنٜىٰ، اٜ کٛ حَانِ، اٜ کٛ لَاٻِ، اٜ کٛ وٜلْنَنْتَ يِمْٻٜ ٻٜرْطٜ، اٜ کٛ طُمْ يِعَتَ اٜ وٛوطِ، اٜ کٛو طُمٜ نغِکُّ بٛطُّمْ، اٜ کٛ حٜوْتِ مَنْتٜىٰکِ؞

فِلِبِيَنْکٛعٜنْ 4:8 Cross References

مَاتِيُ 22:16

سٜيْ ٻٜ لِلٛيِ تٛکُّٻٜٻٜ اٜ يِمْٻٜ حِرُدُسْ، ٻٜ مبِعِ، ‏«‏مٛودِبّٛ، اٜ مِنْ اَنْدِ کٛ مبِعَتَا اٜ کٛ نغَطَتَا طُمْ غٛونغَ، اَ اٜکِّتِنَ دٛوْ لَاوٛلْ اَللَّه اٜ غٛونغَ، اَ حُلَتَا کٛ يِمْٻٜ مبِعَتَ دٛوْ مَاطَ، اَ حٛلَّتَا فٜىٰرٛوتِرٛلْ حَکُّندٜ يِمْٻٜ؞

مَرْکُسْ 6:20

نغَمْ حِرُدُسْ اٜ حُلَ يَحَيَ اٜ سُرَنَمٛ، ندٜ اٜ مٛ اَنْدِ کَنْکٛ اٛ اَادِلِيجٛ اٛ شٜنِيطٛ؞ فُو شَرٜلْ نغٜلْ حِرُدُسْ نَنِ حَالَ يَحَيَ، اٜ مٛ نَتَّ وَنَّارٜ؞ اَمَّا فُو اٜ نٛنْ اٜ مٛ يِطِ حٜتِّندَنَاکِمٛ؞

لُکَ 16:15

اٛ وِعِٻٜ، ‏«‏اٛنٛنْ نغٛنِ کٛلّٛوٻٜ کٛعٜ مٛوطٛنْ اٛنْ غَطٛوٻٜ کٛ حَانِ يٜىٰسٛ يِمْٻٜ، اَمَّا اَللَّه اٜ اَنْدِ ٻٜرْطٜ مٛوطٛنْ؞ نغَمْ کٛ يِمْٻٜ مَوْنِنْتَ اٜ حَرْمِنِ يٜىٰسٛ اَللَّه؞

لُکَ 2:25

اٜ شَرٜلْ نغٜلْ اٜ وٛودِ غٛطّٛ نٜطّٛ ندٜرْ اُرُشَلِيمَ بِعٜتٜىٰطٛ سَامِنُ، اَادِلِيجٛ، کُلٛووٛ اَللَّه؞ اٛ حَاٻِي اٛ يِعَ غَرٛلْ اَلْمَسِيحُ نغَمْ حِسْنَ يِمْٻٜ اِسْرَاعِيلَ؞ رُوحُ اَللَّه اٜ وٛنْدِ اٜ مَاکٛ،

لُکَ 23:50

اٜ وٛودِ غٛطّٛ بِعٜتٜىٰطٛ يُسُفُ دَغَ غَرِيرِ اَرْمَاتِيَ ندٜرْ لٜيْدِ يَحُودَ، اَادِلِيجٛ؞ اٛ غٛعٛتٛ ندٜرْ کَوْتَلْ مَوْٻٜ، اَمَّا اٛ جَٻَايِ کٛ ٻٜ شُٻِ اٜ کٛ ٻٜ نغَطِ؞ اٛ حَاٻِي يِعُکِ غَرٛلْ لَامُ اَللَّه؞

يَحَيَ 7:18

کٛو مٛيٜ مٜتٛووٛ بٛلِيطٜ حٛورٜ مُوطُمْ اٜ طَٻِّتَنَ حٛورٜ مُوطُمْ مَنْغُ، اَمَّا کُوٛووٛ نغَمْ مَوْنِنَ اٛنْ طٛنْ لِلٛيْطٛمٛ اٛ نٜطّٛ مٛ غٛونغَ، وَلَا وٛنْدٜ فٜوْرٜ تٛ مَاکٛ؞

کُوطٜ لِلَاٻٜ 10:22

ٻٜ مبِعِمٛ، ‏«‏کٛنٜىٰلِيُسْ مَوْطٛ سٛوجِعٜنْ لِلٛيِمِنْ؞ اٛ اَادِلِيجٛ، کُلٛووٛ اَللَّه، مٛ لٜݧٛلْ يَحُودَنْکٛعٜنْ فُو مَنَتَ؞ مَلَاعِکَاجٛ شٜنِيطٛ وَنْغَنِيمٛ وِعِيمٛ اٛ نٛدُّمَا نغَرَا وُرٛ مَاکٛ، نغَمْ اٛ نَنَ کٛ مبِعَتَامٛ؞»‏

کُوطٜ لِلَاٻٜ 22:12

‏«‏ندٜرْ غَرِيرِ ندِنْ اٜ وٛودِ غٛطّٛ نٜطّٛ بِعٜتٜىٰطٛ حَنَانِيَ، کُلٛووٛ جٛومِرَاوٛ، تٛکُّطٛ اَتَّوْرَ، مٛ يَحُودَنْکٛعٜنْ جٛوطِيٻٜ تٛنْ فُو مَنَتَ؞

کُوطٜ لِلَاٻٜ 6:3

نغَمْ نٛنْ، بَنْدِرَاٻٜ، شُٻٜىٰ وٛرْٻٜ نجٛوٜىٰطِطٛ ندٜرْ مٛوطٛنْ ٻٜ طُمْ حٛولِي کٜىٰوُٻٜ رُوحُ اَللَّه، غٛودُٻٜ فَامُ نغَمْ مِنْ کٛکَّٻٜ کُوغَلْ نغَلْ؞

رٛومَنْکٛعٜنْ 13:13

اٜنْ نغَطُ جٛنْدٜ مٜىٰطٜنْ نٛ حَانِ بٛ يِمْٻٜ جٛوطٛتٛوٻٜ ندٜرْ جَيْنغٛلْ؞ تٛع اٜنْ نجَرُ يَرٜيَرٜىٰجِ ڤٛوطٛوجِ جٛنْدٜ مٜىٰرٜ، تٛع اٜنْ نغَطُ نجٜىٰنُ، تٛع اٜنْ نغَطُ حَلّٜىٰندٜ، تٛع اٜنْ کَٻْدُ اٜ يِمْٻٜ کٛو نَنٜنْ لَوْلِيرُ مَٻّٜ؞

رٛومَنْکٛعٜنْ 13:3

لَامٛتٛوٻٜ لَمْنَا نَاع نغَمْ ٻٜ کُلْنَ غَطٛوٻٜ کٛ وٛوطِ، اَمَّا نغَمْ ٻٜ کُلْنَ غَطٛوٻٜ کٛ حَلِّ؞ اَ يِطِ اَلَا حُلُکِ نٜطّٛ لَامٛتٛوطٛ؟ تٛو، سٜيْ نغَطَا کٛ حَانِ، کَنْکٛ بٛو اٛ مَنْتٜتٜ،

رٛومَنْکٛعٜنْ 14:18

نغَمْ کٛو مٛيٜ کُوَنٛووٛ اَلْمَسِيحُ اٜ وَطَ اِرِ نغِکُّ طُعُمْ اٛ بٜلْنَنٛووٛ اَللَّه ٻٜرْندٜ؛ يِمْٻٜ بٛو کٛکَّيْمٛ مَنْغُ؞

رٛومَنْکٛعٜنْ 2:29

نغَمْ مَاجُمْ، يَحُودَنْکٜىٰجٛ مٛ غٛونغَ، کَنْکٛ وٛنِ يَحُودَنْکٜىٰجٛ دَغَ ندٜرْ ٻٜرْندٜ، ندٜنْ نَادُکِ کِ غٛونغَ، کَنْکِ وٛنِ نَادُکِ ٻٜرْندٜ کِ رُوحُ وَطَتَ، نَاع نغَمْ تٛکُّکِ اَتَّوْرَ بِنْدَاطُمْ؞ اِرِ اٛعٛ نٜطّٛ نَاع يِمْٻٜ مَنْتَتَمٛ، اَللَّه مَنْتَتَمٛ؞

1 کٛرِنْتِيَنْکٛعٜنْ 4:5

نغَمْ نٛنْ، تٛع اٛنْ مبِعُ غٛطّٛ وَطِي کُوغَلْ نغَلْ اَللَّه حٛکِّمٛ بٛطُّمْ، کٛو اٛ وَطَايِنغَلْ بٛطُّمْ؞ کٜطٜىٰ نَا ݧَلْندٜ ندٜ جٛومِرَاوٛ وَرْتِ؞ کٛو طُمٜ شُوطِيطُمْ ندٜرْ ݧِوْرٜ اٛ وُرْتِنَيْطُمْ اٜ نجَيْرِ، ندٜنْ اٛ وُرْتِنَيْ ݧُمٛوجِ غٛنْطِ ندٜرْ ٻٜرْطٜ يِمْٻٜ اٜ نجَيْرِ؞ اٜ شَرٜلْ نغٜلْ اَللَّه وِعَيْ کٛو نٜطّٛ وَطِي کُوغَلْ نغَلْ اٛ حٛکِّمٛ بٛطُّمْ کٛو وَطَايِنغَلْ بٛطُّمْ؞

2 کٛرِنْتِيَنْکٛعٜنْ 13:7

اَمَّا اٜ مِنْ تٛرٛو اَللَّه تٛع نغَطٛنْ غٛطُّمْ کٛ وٛوطَا؞ نَاع نغَمْ يِمْٻٜ نغِعَ بٛ اٜ مِنْ نغَطَ کٛ وٛوطِ، اَمَّا نغَمْ نغَطٛنْ کٛ حَانِ، کٛو ندٜ طُمْ يِعَيْمِنْ بٛ مِنْ نغَطَايِ کُوغَلْ اَمِنْ بٛطُّمْ؞

2 کٛرِنْتِيَنْکٛعٜنْ 6:8

اٜ مِنْ کٛکّٜىٰ مَنْغُ، اٜ مِنْ شٜمْتِنٜىٰ، اٜ مِنْ کُطٜىٰ، اٜ مِنْ مَنٜىٰ؞ مِنْ کٛشَّامَ بٛ مَجِّنٛوٻٜ يِمْٻٜ، اَمَّا مِنْ غٛونغَعٜنْ؞

2 کٛرِنْتِيَنْکٛعٜنْ 8:18

مِنْ لِلْدٛيَيْمٛ اٜ بَنْدِرَاوٛ مٜىٰطٜنْ مَنٜتٜىٰطٛ کٛو تٛيٜ تٛ تٛکُّٻٜ يٜىٰسُ کَوْرِتَتَ؞ اٜ مٛ مَنٜىٰ نغَمْ وَعَجِنْکِ حَبَرُ بٜلْطُمْ؞

2 کٛرِنْتِيَنْکٛعٜنْ 8:21

اٜ مِنْ نغِطِ مِنْ نغَطَ کٛ حَانِ، نَاع يٜىٰسٛ جٛومِرَاوٛ تَنْ، اَمَّا حَا مَا اٜ يٜىٰسٛ يِمْٻٜ؞

غَلَاتِيَنْکٛعٜنْ 5:22

اَمَّا رُوحُ اَللَّه اٜ وَدَّ يِدّٜ، اٜ وٜلْوٜلٛ، اٜ جٛنْدٜ جَمْ، اٜ مُݧَلْ، اٜ يُرْمٜىٰندٜ، اٜ نغِکُّ بٛطُّمْ، اٜ وَطُکِ غٛونغَ،

اَافِسَنْکٛعٜنْ 4:25

نغَمْ مَاجُمْ اَلٜىٰ فٜوْرٜ!‏ کٛو مٛيٜ مٛوطٛنْ دٛولٜ وِعَ بَنْدِرَاوٛ مُوطُمْ غٛونغَ، نغَمْ اٜنْ فُو اٜنْ نغَرْتِي بٛ ٻَنْدُ غٛعٛ ندٜرْ تٛکُّکِ يٜىٰسُ؞

اَافِسَنْکٛعٜنْ 5:9

مِ وِعُ نٛنْ نغَمْ جَيْنغٛلْ اٜ وَطَ يِمْٻٜ نغَطَ کٛ وٛوطِ، اٜ کٛ اَللَّه يِطِ، اٜ غٛونغَ؞

اَافِسَنْکٛعٜنْ 6:14

نغَمْ نٛنْ، ندَرٜىٰ اٛنْ شِرْيِي؞ غٛونغَ وَرْتَ تَادٛرْدٜ مٛوطٛنْ، اَادِلَاکُ وَرْتَ تٛغّٛورٜ نجَمْندِ مٛوطٛنْ ندٜ کٛنُ؞

فِلِبِيَنْکٛعٜنْ 3:1

اٜ رٜعِرْدٜ بَنْدِرَاٻٜ اَمْ، نَنٜىٰ بٜلْطُمْ نغَمْ سُمْڤٛوتِرْکِ مٛوطٛنْ اٜ جٛومِرَاوٛ؞ مِ سٛمَايِ وِنْدَنْکِعٛنْ کٛ مبِنْدَنّٛومِعٛنْ ندٜنّٛ، نغَمْ طُمْ سُرُکِ نجَمُ مٛوطٛنْ؞

کٛلٛوسِيَنْکٛعٜنْ 4:5

ڤَامٜىٰ اِرِ نغِکُّ طُمْ نغَطَنْتٛنْ ٻٜ تٛکَّايِ يٜىٰسُ؛ کُوتِرٜىٰ کٛو نغٜلٜ شَرٜلْ نغٜلْ کَوْرُطٛنْ اٜ مَٻّٜ بٛطُّمْ؞

1 تَسَلٛونِکَنْکٛعٜنْ 4:12

نٛنْ وَطَيْ ٻٜ تٛکَّايِ يٜىٰسُ ندَرْدَعٛنْ اٜ مَنْغُ، ندٜنْ اٛنْ نجٛوَتَا کَمُّندٜ مٛوطٛنْ دٛوْ کٛو مٛيٜ نغَمْ کٛ نغِطّٛنْ؞

1 تِمٛوتِ 2:2

طُمْ وَطَنَ لَامِيٻٜ دٛعَارٜ، اٜ کٛو مٛيٜ اَرْدِيطٛ نغَمْ نجٛوطٛوطٜنْ جَمْ حَکِّيلٛ مٜىٰطٜنْ اٜ فُکِّي، اٜنْ مَوْنِنَ اَللَّه، اٜنْ نغَطَ کٛ اٛ وِعِ؞

1 تِمٛوتِ 3:11

نٛنْ مَا رٜوْٻٜ ٻٜنْ نغَرْتَ ٻٜ نغِکُّ بٛطُّمْ، تٛع ٻٜ نغَرْتَ بِعٛوٻٜ حَالَاجِ کَلُّطِ دٛوْ وٛٻّٜ، اَمَّا ٻٜ نغَرْتَ شُرْٻٜ کٛعٜ مَٻّٜ، غَطٛوٻٜ غٛونغَ دٛوْ کٛو طُمٜ؞

1 تِمٛوتِ 3:4

دٛولٜ اٛ جٛغٛو وُرٛ مَاکٛ بٛطُّمْ، اٛ اٜکِّتِنَ ٻِٻّٜ مَاکٛ نغَطَ کٛ اٛ وِعِ، ٻٜ کٛکَّمٛ مَنْغُ؞

1 تِمٛوتِ 4:12

تَاع جَٻُ کٛو مٛيٜ يَوَنَ سُکَاکُ مَاطَ، اَمَّا وَرْتُ مِسَالُ تٛ تٛکُّٻٜ يٜىٰسُ ندٜرْ مٜتٛ مَاطَ، اٜ نغِکُّ مَاطَ، اٜ يِدّٜ مَاطَ، اٜ حٛولَارٜ مَاطَ، اٜ جٛنْدٜ مَاطَ لَمْندٜ؞

1 تِمٛوتِ 5:10

دٛولٜ اٛ وَرْتَ مٛ طُمْ اَنْدِرِ وَطُکِ کُوطٜ بٛطّٜ، اٜکِّتِنْطٛ ٻِٻّٜ مَاکٛ بٛطُّمْ، جَٻّٛتٛوطٛ حٛٻّٜ، غَطَنٛووٛ تٛکُّٻٜ يٜىٰسُ فِي بٛطُّمْ ندٜرْ لٜسْنُکِ حٛورٜ، بَلّٛووٛ يِمْٻٜ نَتُّٻٜ تٛرَّ، غَطُطٛ حٛورٜ مُوطُمْ دٛوْ وَطُکِ بٛطُّمْ ندٜرْ کٛو طُمٜ؞

1 تِمٛوتِ 5:2

رٜوْٻٜ نَيٜعٜنْ بٛو، بٛ مَدُعٜنْ مَاطَ، سُرْبَاٻٜ بٛو، بٛ مِݧِرَاٻٜ مَاطَ رٜوْٻٜ ندٜرْ ٻٜرْندٜ لَمْندٜ؞

تِيتُسْ 1:8

اٛ وَرْتَ جَٻّٛتٛوطٛ حٛٻّٜ، غِطّٛ وَطُکِ بٛطُّمْ، شُرْطٛ حٛورٜ مُوطُمْ، اَادِلِيجٛ، شٜنِيطٛ، مٛ حَکِّيلٛ؞

تِيتُسْ 2:14

يٜىٰسُ حٛکِّي حٛورٜ مُوطُمْ نغَمْ مٜىٰطٜنْ نغَمْ اٛ رِمْطِنَعٜنْ دَغَ کٛو ندٜيٜ حَلّٜىٰندٜ، اٛ وَرْتِرَعٜنْ يِمْٻٜ مَاکٛ لَٻّٜ، غِطْٻٜ وَطُکِ بٛطُّمْ؞

تِيتُسْ 2:2

وِعُ ندٛتِّعٜنْ تٛع ٻٜ نغَرْتَ جَرٛوٻٜ، اَمَّا ٻٜ نغَرْتَ ٻٜ حَکِّيلٛ، ٻٜ شُرَ کٛعٜ مَٻّٜ؞ اٜ حَانِ ٻٜ کٛولٛو اَللَّه نَاع سٜطَّ، ٻٜ کٜىٰوَ يِدّٜ اٜ مُݧَلْ؞

تِيتُسْ 2:7

اَمَّا اَنْ وَرْتُ کٛ ٻٜ اٜکِّتٛتٛو ندٜرْ کٛ نغَطَتَا فُو؞ وَطُ حَکِّيلٛ اٜ غٛونغَ ندٜرْ اٜکِّتِنْکِ مَاطَ؞

تِيتُسْ 3:14

دٛولٜ يِمْٻٜ مٜىٰطٜنْ اٜکِّتٛو وَطُکِ کُوطٜ بٛطّٜ، نغَمْ ٻٜ مبَاوَ وَلُّکِ حَانُٻٜ وَلّٜىٰکِ ندٜنْ نغَمْ تٛع ٻٜ نجٛوطٛو جٛنْدٜ مٜىٰرٜ؞

اِبْرَانِيَنْکٛعٜنْ 11:2

نغَمْ يِمْٻٜ اَرَنْدٜعٜنْ کٛولَکٜ اَللَّه وَطِ اٛ جَٻِٻٜ؞

اِبْرَانِيَنْکٛعٜنْ 13:18

نغَطٜىٰ کَ وَطَنْکِمِنْ دٛعَارٜ؞ مِنْ تَبِّتِنِي ٻٜرْطٜ اَمِنْ طٜ لَٻْطٜ، اٜ مِنْ نغِطِ وَطُکِ کٛ حَانِ ندٜرْ کٛو طُمٜ؞

يَاکُبُ 1:27

دِينَ لَاٻُکَ کَ اَللَّه ݧَاکٛ مٜىٰطٜنْ مٛ دٛوْ يِطِ، کَنْکَ وٛنِ وَلُّکِ مَرَايَعٜنْ اٜ رٜوْٻٜ ٻٜ وٛرْٻٜ مُعّٜنْ مَايِ تٛرّٛتٛوٻٜ، ندٜنْ اٜ سُرُکِ حٛورٜ دَغَ حٛشُّکِ تُوندِ دُونِيَارُ؞

يَاکُبُ 3:17

اَمَّا اَنْدَلْ پِوٛيْنغَلْ دَغَ دٛوْ، اَرَنْدٜ نغَلْ لَمْنغَلْ، ندٜنْ نغَلْ وَدَّتَا وَنَّارٜ، اٜ نغَلْ وَدَّ حَکِّيلٛ، نغَلْ وَلَا مَنْغُ حٛورٜ، اٜ نغَلْ حٜىٰوِ يُرْمٜىٰندٜ اٜ کُوطٜ بٛطّٜ؞ نغَلْ حٛلَّتَا فٜىٰرٛوتِرٛلْ، نغَلْ وَلَا شِيَ غٛونغَ؞

1 بِيتُرُسْ 1:22

تٛکُّکِ غٛونغَ لَاٻِنَنِيعٛنْ ٻٜرْطٜ اٛنْ نغِطِندِرِ يِدّٜ ندٜ غٛونغَ؞ نغَمْ مَاجُمْ، نغِطِندِرٜىٰ اٜ ٻٜرْندٜ غٛعٛ؞

1 بِيتُرُسْ 2:12

کٛلّٜىٰ نغِکُّ بٛطُّمْ ندٜرْ يِمْٻٜ ٻٜ اَنْدَا اَللَّه، نغَمْ تٛ ٻٜ مبِعَيْ اٛنْ کَلُّٻٜ، سٜيْ ٻٜ نغِعَ کُوطٜ مٛوطٛنْ طٜ بٛطّٜ، ٻٜ مَوْنِنَ اَللَّه ݧَلْندٜ وَرْتُکِ مَاکٛ؞

1 بِيتُرُسْ 4:8

کٛ ٻُرِ کٛو طُمٜ وٛنِ، نغِطِندِرٜىٰ نَاع سٜطَّ، نغَمْ يِدّٜ اٜ وَطَ طُمْ يَافٛو حَکّٜىٰجِ طُطِّ؞

2 بِيتُرُسْ 3:1

اٛنٛنْ ٻٜ نغِطُمِ، نغٛعٛلْ وٛنِ طٜرٜوٛلْ اَمْ طِطَٻٛلْ نغٛلْ مبِنْدَنْمِعٛنْ؞ ندٜرْ طٜرٜىٰجِ اَمْ طِ فُو طِطِ مِ سِفْتٛرَنِيعٛنْ کٛ اَنْدُطٛنْ نغَمْ ݧُمٛوجِ مٛوطٛنْ نغَرْتَ لَٻْطِ؞

1 يَحَيَ 3:18

اٛنٛنْ ٻِٻّٜ اَمْ، تٛع اٜنْ کٛلُّ يِدّٜ مٜىٰطٜنْ اٜ حٛنْدُکٛ تَنْ، اَمَّا اٜنْ کٛلُّ يِدّٜ مٜىٰطٜنْ اٜ غٛونغَ ندٜرْ کُوطٜ؞

1 يَحَيَ 3:3

فُو غَطُطٛ ٻٜرْندٜ دٛوْ اَلْمَسِيحُ نٛنْ، اٛ لَاٻِنَ حٛورٜ مَاکٛ نٛ اَلْمَسِيحُ لَاٻِرِ؞

1 يَحَيَ 4:1

اٛنٛنْ ٻٜ نغِطُمِ، نَاع کٛو مٛيٜ بِيطٛ اٜ وٛودِ رُوحُ اَللَّه کٛولٛتٛوطٛنْ؞ اَمَّا ڤٛوندٜىٰٻٜ نغِعٛنْ کٛو رُوحُ اَللَّه اٜ ندٜرْ مَٻّٜ کٛو وَلَا ندٜرْ مَٻّٜ، نغَمْ اَنَّبٛعٜنْ فٜوْرٜ طُطْٻٜ شَنْکِتَکٜ کٛو تٛيٜ ندٜرْ دُونِيَارُ؞