فِلِبِيَنْکٛعٜنْ 2:9 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

⁹ نغَمْ نٛنْ، اَللَّه حٛکِّمٛ مَنْغُ ٻُرْطُمْ طُمْ کٛو مٛيٜ، ندٜنْ حٛکِّمٛ اِنْدٜ ٻُرْندٜ کٛو ندٜيٜ اِنْدٜ؞

فِلِبِيَنْکٛعٜنْ 2:9 Cross References

مَاتِيُ 11:27

سٜيْ اٛ وِعِ يِمْٻٜ، ‏«‏ݧَاکٛ اَمْ حٛکِّييَمْ کٛو طُمٜ؞ وَلَا اَنْدُطٛ مٛيٜ وٛنِ ٻِطّٛ اٛنْ سٜيْ نِ ݧَاکٛ اٛنْ، نٛنْ مَا وَلَا اَنْدُطٛ ݧَاکٛ اٛنْ سٜيْ نِ ٻِطّٛ اٛنْ، اٜ مٛ ٻِطّٛ اٛنْ يِطِ اَنْدِنَ ݧَاکٛ اٛنْ؞

مَاتِيُ 28:18

سٜيْ يٜىٰسُ ٻَدِّي حَادٜ مَٻّٜ، وِعِٻٜ، ‏«‏طُمْ حٛکِّييَمْ فُو لَامُ دٛوْ اٜ لٜيْ؞

لُکَ 10:22

سٜيْ اٛ وِعِ يِمْٻٜ، ‏«‏ݧَاکٛ اَمْ حٛکِّييَمْ کٛو طُمٜ؞ وَلَا اَنْدُطٛ مٛيٜ وٛنِ ٻِطّٛ اٛنْ سٜيْ نِ ݧَاکٛ اٛنْ، نٛنْ مَا وَلَا اَنْدُطٛ مٛيٜ وٛنِ ݧَاکٛ اٛنْ سٜيْ نِ ٻِطّٛ اٛنْ، اٜ مٛ ٻِطّٛ اٛنْ يِطِ اَنْدِنَ ݧَاکٛ اٛنْ؞»‏

يَحَيَ 13:3

يٜىٰسُ اٜ اَنْدِ ݧَاکٛ مٛ دٛوْ وَطِي کٛو طُمٜ ندٜرْ جُوطٜ مُوطُمْ، کَدِنْ اٜ مٛ اَنْدِ دَغَ تٛ اَللَّه اٛ پِوٛيِ، تٛ اَللَّه کَدِنْ اٛ سٛعّٛتٛو؞

يَحَيَ 17:11

جٛونِ نَاع کٛ نٜىٰٻِ مِ اَلَيْ دُونِيَارُ مِ وَرٛيَ تٛ مَاطَ، اَمَّا کَمْٻٜ اٜ ٻٜ ندٜرْ دُونِيَارُ؞ ݧَاکٛ اَمْ شٜنِيطٛ، سُرِرْٻٜ بَوْطٜ اِنْدٜ مَاطَ، اِنْدٜ ندٜ کٛکُّطَايَمْ، نغَمْ ٻٜ نغَرْتَ غٛعٛ نٛنْ نٛ اَنْ اٜ مِنْ اٜنْ غٛعٛ؞

يَحَيَ 17:12

کٛ نغٛنْدُنٛومِ اٜ مَٻّٜ مِ سُرِرِيٻٜ بَوْطٜ اِنْدٜ مَاطَ، اِنْدٜ ندٜ کٛکُّطَايَمْ؞ مِ رٜىٰنِيٻٜ، وَلَا کٛو غٛعٛتٛ مَٻّٜ مَجُّطٛ، سٜيْ نِ نٜطّٛ کَلْکَتٜىٰطٛ نغَمْ کٛ اَايَارٜ وِعِ حٜىٰوَ؞

يَحَيَ 17:5

ݧَاکٛ اَمْ، جٛونِ تٜدِّنَمْ يٜىٰسٛ مَاطَ تٜدُّنغَلْ نغَلْ نغٛودُنٛومِ يٜىٰسٛ مَاطَ کٛ دُونِيَارُ تَغٜىٰ؞

کُوطٜ لِلَاٻٜ 5:31

اَللَّه حٛکِّيمٛ مَنْغُ، جٛعِّنِيمٛ اٜ جُنْغٛ مُوطُمْ ݧَامٛ، وَرْتِرِيمٛ لَامِيطٛ اٜ کِسْنٛووٛ، نغَمْ يِمْٻٜ اِسْرَاعِيلَ تُوبَ، ٻٜ کٜٻَ يَافَنٜىٰکِ حَکّٜ مَٻّٜ؞

اَافِسَنْکٛعٜنْ 1:10

فِي طُعُمْ طُمْ اَللَّه يِطِ وَطُکِ اٛ وَطَيْطُمْ تٛ شَرٜلْ وَطِي؞ کٛ اٛ يِطِ وَطُکِ کَنْجُمْ وٛنِ اٛ حَوْتَ کٛو طُمٜ کٛ وٛنِ اٜ لٜيْ اٜ کٛ وٛنِ اٜ دٛوْ وَرْتَ لٜيْ لَامُ اَلْمَسِيحُ؞

کٛلٛوسِيَنْکٛعٜنْ 1:18

اَلْمَسِيحُ وٛنِ حٛورٜ ٻَنْدُ، وَاتٛ تٛکُّٻٜمٛ؞ کَنْکٛ حٛکِّ ٻَنْدُ ندُنْ يٛنْکِ؞ کَنْکٛ وٛنِ اَرْتُطٛ اُمَّاکِ دَغَ مَيْدٜ، نغَمْ اٛ وَرْتَ مَوْطٛ دٛوْ کٛو طُمٜ؞

2 تَسَلٛونِکَنْکٛعٜنْ 1:12

اٜ مِنْ نغَطَ دٛعَارٜ ندٜعٜ نغَمْ اِنْدٜ جٛومِرَاوٛ مٜىٰطٜنْ يٜىٰسُ مَوْنِنٜىٰ ندٜرْ مٛوطٛنْ، کَنْکٛ بٛو اٛ مَوْنِنَعٛنْ بَرْکَ يِدّٜ اَللَّه مٜىٰطٜنْ اٜ يٜىٰسُ اَلْمَسِيحُ جٛومِرَاوٛ؞

اِبْرَانِيَنْکٛعٜنْ 1:4

اَللَّه حٛکِّي ٻِطّٛ مُوطُمْ لَامُ ٻُرْطُمْ طُمْ مَلَاعِکَعٜنْ، نٛنْ نٛ اِنْدٜ ندٜ اَللَّه حٛکِّمٛ ندٜ ٻُرِي اِنْطٜ مَٻّٜ؞

اِبْرَانِيَنْکٛعٜنْ 1:9

اَ يِطِ اَادِلَاکُ، اَ وَݧِي کٛ وٛوطَا؞ کَنْجُمْ وَطِ مِنْ، اَللَّه مَاطَ، شُٻُمَامِ نغَطُمِ کٜٻُطَا مَنْغُ غَدَّيْطُمْ نَنُکِ بٜلْطُمْ ٻُرْطُمْ طُمْ ٻٜ نغٛنْدُطَا؞»‏

اِبْرَانِيَنْکٛعٜنْ 12:2

اٜنْ نغَطُ حَکِّيلٛ مٜىٰطٜنْ دٛوْ يٜىٰسُ، مَٻِّتَنْطٛعٜنْ لَاوٛلْ حٛولَاکِ اَللَّه بَلَّيْطٛعٜنْ حٛولَارٜ مٜىٰطٜنْ وَرْتَ کٜوْندٜ؞ نغَمْ وٜلْوٜلٛ نغٛ اٛ حٜٻَتَ يٜىٰسٛ، اٛ مُݧِي ندٜرْ تٛرَّ ندٜ اٛ وَرَا دٛوْ غَافَانغَلْ، اٛ وَنَّايِ اٜ شٜمْتُطُمْ وَرٜىٰکِ دٛوْ غَافَانغَلْ، ندٜنْ جٛونِ اٜ مٛ تٛنْ جٛوطِي تٛ ݧَامٛ جٛوطٛرْغَلْ لَامُ اَللَّه؞

اِبْرَانِيَنْکٛعٜنْ 2:9

شَرٜلْ سٜطَّ طُمْ حٛکِّ يٜىٰسُ مَنْغُ طُمْ حٜوْتَايِ طُمْ مَلَاعِکَعٜنْ؞ اَمَّا جٛونِ اٜنْ نغِعِي اٛ حٛکَّامَ تٜدُّنغَلْ اٜ مَنْغُ نغَمْ تٛرَّ مَيْدٜ کَ اٛ يَرِ، نغَمْ بَرْکَ يِدّٜ اَللَّه اٛ مَايَ نغَمْ کٛو مٛيٜ؞

1 بِيتُرُسْ 3:22

يٜىٰسُ يَحِ دٛوْ، اٜ مٛ جٛوطِي تٛ جُنْغٛ اَللَّه ݧَامٛ، اٜ مٛ لَامٛو مَلَاعِکَعٜنْ، اٜ غٛودُٻٜ لَامُ، اٜ غٛودُٻٜ بَوْطٜ؞

2 بِيتُرُسْ 1:17

نغَمْ شَرٜلْ نغٜلْ اَللَّه ݧَاکٛ مٛ دٛوْ حٛکِّمٛ مَنْغُ اٜ تٜدُّنغَلْ، حٛنٛنْدٜ پِوٛيِي تٛنْ دٛوْ دَغَ تٛ اَللَّه اٛنْ جٛومُ مَنْغُ ندٜ وِعِ، ‏«‏اٛعٛ وٛنِ ٻِطّٛ اَمْ مٛ نغِطُمِ؞ اٜ مِ نَنَ بٜلْطُمْ مَاکٛ نَاع سٜطَّ؞»‏

3 يَحَيَ 1:7

ٻٜنْ طٛنْ يِمْٻٜ ٻٜ مبُرْتٛيَکٜ نغَمْ وَعَجِنْکِ اَلْمَسِيحُ، طٛنْمَا ٻٜ نجَٻَايِ کٛو طُمٜ تٛ جُنْغٛ ٻٜ تٛکَّايِ يٜىٰسُ؞

وَحَيُ يَحَيَ 1:5

اٜ يٜىٰسُ اَلْمَسِيحُ، شٜيْدُوجٛ اَللَّه مٛ غٛونغَ، بَرْکِطِنَعٛنْ، حٛکَّعٛنْ جَمْ؞ يٜىٰسُ اَرْتُطٛ اُمَّاکِ دَغَ مَيْدٜ کَنْکٛ وٛنِ لَامِيطٛ لَامِيٻٜ دُونِيَارُ؞ اٜ مٛ يِطِعٜنْ، اٛ حِسْنِيعٜنْ دَغَ حَکّٜىٰجِ مٜىٰطٜنْ بَرْکَ پِيپَمْ مَيْدٜ مَاکٛ؞

وَحَيُ يَحَيَ 11:15

سٜيْ مَلَاعِکَاجٛ جٛوٜىٰطِطَٻٛ دُودِ لُوَلْ مُوطُمْ، سٜيْ طُمْ نَنِ حٛنٛنْطٜ شٜمْبِطّٜ دَغَ دٛوْ اٜ مبِعَ، ‏«‏لَامُ دُونِيَارُ فُو وَرْتِي طُمْ جٛومِرَاوٛ مٜىٰطٜنْ اٜ اَلْمَسِيحُ مَاکٛ؞ اٛ لَامٛتٛ حَا اَبَدَا اَبَدِنْ!‏»‏

وَحَيُ يَحَيَ 19:16

تٛ تٛغّٛورٜ مَاکٛ اٜ دَنْغٛ مَاکٛ وٛنْدٜ اِنْدٜ اٜ وِنْدِي وِعُکِ، ‏«‏لَامِيطٛ لَمْلَمْٻٜ، جٛومِرَاوٛ جٛومِرَاٻٜ؞»‏

وَحَيُ يَحَيَ 3:21

فُو کٜٻُطٛ جَالٛرْغَلْ اٛ لَامٛدٛتٛ اٜ اَمْ ندٜرْ لَامُ اَمْ، نٛنْ نٛ کٜٻِرْمِ جَالٛرْغَلْ اٜ مِ لَامٛدٛو اٜ ݧَاکٛ اَمْ ندٜرْ لَامُ مَاکٛ؞

وَحَيُ يَحَيَ 5:12

اٜ ٻٜ نغِمَ سٜمْبٜىٰ اٜ ٻٜ مبِعَ، ‏«‏کَرٛورِ بَرَاندِ ندِنْ ندِ حٜوْتِي ندِ حٜٻَ بَوْطٜ، اٜ رِسْکُ، اٜ فَامُ، اٜ سٜمْبٜ، اٜ مَنْغُ، اٜ مَوْنِنٜىٰکِ، اٜ مَنْتٜىٰکِ!‏»‏