16 ٻٜعٜ يِمْٻٜ اٜ ٻٜ نغَعَجِنَ نغَمْ يِدّٜ، اٜ ٻٜ اَنْدِ مِ سُرَ طٛعٛ نغَمْ سُرُکِ غٛونغَ حَبَرُ بٜلْطُمْ؞
دَا مِنْ اٜ حٛورٜ اَمْ سُٻِ مِ وَعَجِنَ، دَا مِ حٜٻَيْ نجٛٻَارِ؞ اَمَّا تٛ نَاع مِنْ سُٻِ مِ وَعَجِنَ، کٛ نغَطَيْمِ وٛنِ اٜ مِ حُوَ کُوغَلْ نغَلْ طُمْ تَمْبِنِيَمْ؞
مِنْ نغَعَجِنْتَا وٛلْدٜ اَللَّه نغَمْ مِنْ کٜٻَ شٜىٰدٜ نٛ طُطْٻٜ نغَطَتَ؞ اَمَّا اٜ مِنْ مٜتَ غٛونغَ يٜىٰسٛ اَللَّه، نغَمْ اَلْمَسِيحُ جٜيِمِنْ، ندٜنْ اَللَّه لِلٛيِمِنْ؞
نغَمْ مبَاوٛنْ سُٻُکِ کٛ ٻُرِ وٛوطُکِ، نغَرْتٛنْ ٻٜ ٻٜرْطٜ لَٻْطٜ، نغَرْتٛنْ ٻٜ نغَلَا کٛ طُمْ حُطِرْتَعٛنْ حَا يَاکِ ݧَلْندٜ غَرْتٛلْ يٜىٰسُ اَلْمَسِيحُ،
بَنْدِرَاٻٜ اَمْ، اٜ مِ يِطِ اَنْدٛنْ کٛ حٜٻِيَمْ وَطِي حَبَرُ بٜلْطُمْ ٻٜيْدِي سَنْکِتَاکِ،
نغَمْ اٛنْ نغٛنْدِ اٜ اَمْ ندٜرْ وَعَجِنْکِ حَبَرُ بٜلْطُمْ، دَغَ ݧَلْندٜ اَرَنْدٜىٰرٜ ندٜ ڤُطُّطٛنْ نَنْکِطُمْ حَا وَرْکِ جٛونِ؞
طُمْ وٛوطَنِييَمْ مِ ݧُمِرَ نِحِ دٛوْ مٛوطٛنْ اٛنْ فُو، نغَمْ اٛنْ ندٜرْ ٻٜرْندٜ اَمْ؞ کٛو ندٜرْ سُرُکِ کِ طُمْ سُرِيَمْ، کٛو ندٜرْ سُرَنْکِ مَنْغُ حَبَرُ بٜلْطُمْ اٜ تَبِّتِنْکِطُمْ، اٛنْ فُو اٛنْ کٜٻِي بَرْکَ اَللَّه حَوْتِ اٜ اَمْ؞
اَمَّا اٛنْ اَنْدِ نٛ تِمٛوتِ حٛلِّرِ نَفُکِ مُوطُمْ، اٛ حُودِي اٜ اَمْ ندٜرْ کُوغَلْ حٛکُّکِ حَبَرُ بٜلْطُمْ بٛ ٻِطّٛ اٜ ݧَاکٛ مُوطُمْ؞
اٛنٛنْ فِلِبِيَنْکٛعٜنْ، اٛنٛنْ اٜ کٛعٜ مٛوطٛنْ اٛنْ اَنْدِ شَرٜلْ کٛ ڤُطُّطٛنْ نَنْکِ حَبَرُ بٜلْطُمْ، ندٜ اَلْمِ لٜيْدِ مَکِدٛونِيَ، وَلَا وٛٻّٜ تٛکُّٻٜ يٜىٰسُ بَلُّٻٜيَمْ سٜيْ اٛنٛنْ تَنْ؞
اَنْ حِغٛ کُوغَلْ اَمْ مٛ غٛونغَ، اٜ مِ تٛرٛمَا، وَلُّ رٜوْٻٜ ٻٜعٜ، نغَمْ ٻٜ کُودِي اٜ اَمْ کُوغَلْ شَطُنغَلْ نغَلْ وَعَجِنْکِ حَبَرُ بٜلْطُمْ، حَوْتِ اٜ کِلٜمٜنْ اٜ حٛرِيٻٜ حِغٛوٻٜ کُوغَلْ اَمْ، ٻٜ اِنْطٜ مَٻّٜ اٜ وِنْدِي ندٜرْ دٜفْتٜرٜ يٛنْکِ؞