فِلِبِيَنْکٛعٜنْ 1:11 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

¹¹ نغَمْ نغِکُّ مٛوطٛنْ حٜىٰوَ اَادِلَاکُ کٜٻٜتٜىٰطُمْ تٛ يٜىٰسُ اَلْمَسِيحُ، نغَمْ اَللَّه تٜدِّنٜىٰ، مَنْتٜىٰ؞

فِلِبِيَنْکٛعٜنْ 1:11 Cross References

مَاتِيُ 5:16

نٛنْ اٛنٛنْ مَا، اَلٜىٰ جَيْنغٛلْ مٛوطٛنْ يٜيْنَنٛو يِمْٻٜ، نغَمْ ٻٜ نغِعَ کُوطٜ مٛوطٛنْ بٛطّٜ، ٻٜ مَوْنِنَ ݧَاکٛ مٛوطٛنْ مٛ دٛوْ؞

يَحَيَ 15:16

نَاع اٛنٛنْ شُٻِيَمْ، مِنْ سُٻِعٛنْ حٛکِّعٛنْ کُوغَلْ نجَحٛنْ نغَطٛنْ غٛطُّمْ طُمْ اَللَّه يِطِ تَبِتَيْطُمْ؞ ندٜنْ ݧَاکٛ مٛ دٛوْ حٛکَّيْعٛنْ کٛو طُمٜ طُمْ تٛرِيطٛنْمٛ ندٜرْ اِنْدٜ اَمْ؞

يَحَيَ 15:2

اٛ اِتَّيْ کٛو نغَلٜ لِسَلْ اَمْ نغَلْ رِمَتَا، ندٜنْ اٛ مٛعِّنَيْ کٛو نغَلٜ لِسَلْ دِمٛووَلْ، نغَمْ نغَلْ ٻٜيْدَ رِمُکِ؞

يَحَيَ 15:8

کٛ تٜدِّنْتَ ݧَاکٛ اَمْ وٛنِ نغَطٛنْ کٛ اٛ يِطِ ندٜ طُطُّمْ؞ کَنْجُمْ حٛلَّتَ اٛنْ تٛکُّٻٜيَمْ؞

رٛومَنْکٛعٜنْ 15:28

ندٜنْ تٛ مِ يٛتِّنِي کُوغَلْ نغَعَلْ، وَاتٛ مِ حٛکِّيٻٜ بَلَّلْ نغَلْ طُمْ حَوْرِتَنِٻٜ، مِ نَنْغَيْ لَاوٛلْ يَاکِ لٜيْدِ اَسْبَانِيَ؞ دٛوْ لَاوٛلْ اَمْ يَاکِ اَسْبَانِيَ مِ يَالَيْ تٛ مٛوطٛنْ؞

رٛومَنْکٛعٜنْ 6:22

اَمَّا جٛونِ ندٜ طُمْ رِمْطِنِيعٛنْ دَغَ حَکّٜ، ندٜنْ اٛنْ نغَرْتِي مَشُّٻٜ اَللَّه، ٻٜيْدَارِ ندِ کٜٻٛتٛنْ وٛنِ جٛنْدٜ لَمْندٜ، ندٜنْ اٜ رٜعِرْدٜ کٜٻٛنْ يٛنْکِ کِ رٜعَتَا؞

1 کٛرِنْتِيَنْکٛعٜنْ 10:31

تٛو، کٛو اٛنْ ݧَامَ کٛو اٛنْ نجَرَ، کٛو ندٜرْ کٛو طُمٜ طُمْ نغَطٛتٛنْ، نغَطٜىٰطُمْ نغَمْ تٜدِّنْکِ اَللَّه؞

2 کٛرِنْتِيَنْکٛعٜنْ 9:10

اَللَّه وٛنِ کٛکّٛووٛ دٜمٛووٛ اَوْدِ، کٛکّٛووٛ يِمْٻٜ کٛ ݧَامَتَ؞ اٛ حٛکَّيْعٛنْ کٛ حٜپَتَعٛنْ، اٛ طُطِّنَيْطُمْ، نغَمْ ٻٜيْدٛنْ بَلَّلْ نغَلْ کٛکّٛتٛنْ کَانُٻٜ مبَلّٜىٰ؞

اَافِسَنْکٛعٜنْ 1:12

اٛ وَطُ نٛنْ نغَمْ اٜنٜنْ، اَرْتُٻٜ نغَطِ ٻٜرْطٜ دٛوْ اَلْمَسِيحُ، نغَطٜنْ جٛنْدٜ مَنْتُکِ تٜدُّنغَلْ اَللَّه؞

اَافِسَنْکٛعٜنْ 1:14

ندٜ اٜنْ نغٛودِ رُوحُ اَللَّه، اٜنْ تَبِّتِنِي اٜنْ کٜٻَيْ کٛو طُمٜ بٛطُّمْ طُمْ اَللَّه وَطَنِعٜنْ اَلْکَوَلْ؞ ندٜنْ طُمْ رِمْطِنَيْعٜنْ نغَمْ طُمْ مَنْتَ مَنْغُ اَللَّه؞

اَافِسَنْکٛعٜنْ 2:10

اَللَّه وَرْتِرِيعٜنْ کٛ نغٛنْطٜنْ جٛونِ، بَرْکَ يٜىٰسُ اَلْمَسِيحُ اٛ تَغِتَکٜعٜنْ نغَمْ کُوٜنْ کُوطٜ بٛطّٜ طٜ اٛ يِطِ نغَطٜنْ دَغَ اَرَنْدٜ؞

اَافِسَنْکٛعٜنْ 5:9

مِ وِعُ نٛنْ نغَمْ جَيْنغٛلْ اٜ وَطَ يِمْٻٜ نغَطَ کٛ وٛوطِ، اٜ کٛ اَللَّه يِطِ، اٜ غٛونغَ؞

فِلِبِيَنْکٛعٜنْ 4:17

نَاع اٜ مِ طَٻِّتَ دٛکَّلْ تٛ مٛوطٛنْ، اَمَّا اٜ مِ طَٻِّتَنَعٛنْ ٻٜيْدَارِ دٛوْ بَرْکَ طُمْ نغٛودُطٛنْ؞

کٛلٛوسِيَنْکٛعٜنْ 1:10

اٜ مِنْ نغَطَنَعٛنْ ندٜعٜ دٛعَارٜ نغَمْ مبَاوٛنْ نغَطٛنْ جٛنْدٜ حَانُندٜ تٛکُّٻٜ جٛومِرَاوٛ نغَطَ، ندٜنْ نغَرْتٛنْ بٜلْنَنٛوٻٜمٛ ٻٜرْندٜ کٛو ندٜيٜ، جٛنْدٜ مٛوطٛنْ وُرْتِنَ کٛو اِرِ طٜيٜ کُوطٜ بٛطّٜ، ندٜنْ ٻٜيْدٛنْ اَنْدُکِ اَللَّه؞

کٛلٛوسِيَنْکٛعٜنْ 1:6

طُمْ نَنْطٛنْ؞ حَبَرُ بٜلْطُمْ طُعُمْ اٜ طُمْ بَرْکِطِنَ يِمْٻٜ اٜ طُمْ سَنْکِتٛو ندٜرْ دُونِيَارُ فُو، نٛنْ نٛ طُمْ وَطِ ندٜرْ مٛوطٛنْ، دَغَ ݧَلْندٜ ندٜ نَنْطٛنْطُمْ ݧَلْندٜ ندٜ ڤَامُطٛنْ بٛطُّمْ نٛ اَللَّه يِطِرِ يِمْٻٜ؞

2 تَسَلٛونِکَنْکٛعٜنْ 1:12

اٜ مِنْ نغَطَ دٛعَارٜ ندٜعٜ نغَمْ اِنْدٜ جٛومِرَاوٛ مٜىٰطٜنْ يٜىٰسُ مَوْنِنٜىٰ ندٜرْ مٛوطٛنْ، کَنْکٛ بٛو اٛ مَوْنِنَعٛنْ بَرْکَ يِدّٜ اَللَّه مٜىٰطٜنْ اٜ يٜىٰسُ اَلْمَسِيحُ جٛومِرَاوٛ؞

تِيتُسْ 3:14

دٛولٜ يِمْٻٜ مٜىٰطٜنْ اٜکِّتٛو وَطُکِ کُوطٜ بٛطّٜ، نغَمْ ٻٜ مبَاوَ وَلُّکِ حَانُٻٜ وَلّٜىٰکِ ندٜنْ نغَمْ تٛع ٻٜ نجٛوطٛو جٛنْدٜ مٜىٰرٜ؞

اِبْرَانِيَنْکٛعٜنْ 12:11

شَرٜلْ نغٜلْ طُمْ اٜلْتَتَ نٜطّٛ، طُمْ وٜلَا، سٜيْ نَوْطُمْ؞ اَمَّا غَطَ طٛنْ، طُمْ وَدَّيْ اَادِلَاکُ اٜ جَمْ ندٜرْ جٛنْدٜ اٜلْتَاطٛعٛنْ؞

1 بِيتُرُسْ 2:12

کٛلّٜىٰ نغِکُّ بٛطُّمْ ندٜرْ يِمْٻٜ ٻٜ اَنْدَا اَللَّه، نغَمْ تٛ ٻٜ مبِعَيْ اٛنْ کَلُّٻٜ، سٜيْ ٻٜ نغِعَ کُوطٜ مٛوطٛنْ طٜ بٛطّٜ، ٻٜ مَوْنِنَ اَللَّه ݧَلْندٜ وَرْتُکِ مَاکٛ؞

1 بِيتُرُسْ 2:5

اٛنٛنْ بٛو، بٛ کَاپٜ غٛودُطٜ يٛنْکِ، اَلٜىٰ طُمْ حُوتِرَعٛنْ طُمْ مَحَ وُرٛ شٜنِينغٛ نغَمْ رُوحُ اَللَّه؞ اٛنٛنْ نغٛنِ کَوْتَلْ اَرْدِيٻٜ دِينَ، اٛنْ کٛکَّ اَللَّه شَکِّرِ ندِ رُوحُ مَاکٛ وَلَّتَعٛنْ کٛکّٛنْ؞ اٜ مٛ جَٻَندِ لَاوٛلْ يٜىٰسُ اَلْمَسِيحُ؞

1 بِيتُرُسْ 2:9

اَمَّا اٛنٛنْ طُمْ لٜݧٛلْ نغٛلْ اَللَّه سُٻِ، اٛنْ کَوْتَلْ اَرْدِيٻٜ دِينَ کُوَنٛوٻٜ لَامِيطٛ مَوْطٛ، يِمْٻٜ شٜنِيٻٜ، ٻٜ اَللَّه جٜيِ؞ اٛ سُٻُعٛنْ نغَمْ نغَعَجِنٛنْ حَبَرُ کُوطٜ مَاکٛ کَيْطِنِيطٜ؞ اٛ وُرْتِنٛيعٛنْ ندٜرْ ݧِوْرٜ نغَمْ نَتّٛنْ جَيْنغٛلْ مَاکٛ کَيْطِنِينغٛلْ؞

1 بِيتُرُسْ 4:14

اٛنْ بَرْکِطِنَاٻٜ، تٛ اٜ طُمْ حُطَعٛنْ نغَمْ اِنْدٜ اَلْمَسِيحُ، نغَمْ رُوحُ اَللَّه غٛودُطُمْ تٜدُّنغَلْ اٜ وٛنْدِ اٜ مٛوطٛنْ؞