फिलिप्पि 4:7 - Muria Far Western

⁷ इदेनतेय लोकुरकुन बसकेय समजेमाय परो अचोन हजोर शान्ति परमेस्वरनिकेडाल पुटस मिया मन अनि मिया विचारतुन मसि येसु मसिनिगा सुरक्षित इरानुर।

फिलिप्पि 4:7 Cross References

लूका 1:79

आन्दारतिगा मनवालोरकुन वेळिचि बदाम मुने हन्दाना साटि मदत किन्ता अदामे खरोय परमेस्वरतुन पुनोर आस पाप किसोर मन्तोरक, अनि हायानातुन वरियवालोरकुन परमेस्वर मदत कियान साटि अनि माकुन शान्तिता हरिते ओयान साटि इदाम किन्तोर।”

लूका 2:14

“स्वरगतिगा परमेस्वरना हजोरपण दिसिर अनि दरतितिगा परमेस्वर बोनिगा गिरिदा आन्तोर ओरकुन शान्ति पुटि” इदाम इतोरक।

युहनाल 14:27

अनि नना मिकुन शान्ति हिस दान्तोना, अनि नना आपुना शान्ति मिकुन हिन्तोना। दुनिया हिन्ता लेहका आयो नना मिकुन हिन्तोना। अनि मिया मन दुःखि आयमाकि अनि वरियमाकि।

युहनाल 16:33

अनि मिकुन नावागा शान्ति पुटि इन्जोर नना इव पोल्लोंग मिकुन इतोना। अनि दुनियातिगा मिकुन तकलिप आन्ता मति हिमत किम्ट बाक्याकि नना दुनियातुन जिकतोना।”

रोमि 1:7

मावोर बाबो परमेस्वरनिकेडाल अनि प्रबु येसु मसिनिकेडाल मिकुन दया अनि शान्ति पुटि।

रोमि 14:17

बाक्याकि परमेस्वरना राज्य तिन्दान उन्डानातिगा आयो मति सबोयनासंग पवित्र आत्माता द्वारा पुटता शान्तिते अनि गिरदाते परमेस्वरतुन गिरिदा आन्ता इदाम बुतो किसोर जिवन जिवे मायिर ते परमेस्वर मावा जिवनतिगा राज्य कियानुर।

रोमि 15:13

अनि आशा हिन्तोर ओर परमेस्वर ओनिगा निमाट विस्वास इरान्तोरिट इन्जोर ओर मिकुन गिरदा अनि शान्तिते निहचिविर। इदाम पवित्र आत्माता लावते बोद आशा निमाट इरान्तोरिट ओद आशा बरसोरिंग हनि इन्जोर नना प्रार्थना किन्तोना।

रोमि 5:1

इन्जोर माक आपुना विस्वासता कारण परमेस्वर साटि येताना योग्य ठहरे मास मावोर प्रबु येसु मसिना द्वारा मावोर परमेस्वरनासंग सोबाय संबन्द आतु।

रोमि 8:6

पापता इच्चातिगा मन लावेकियाकिट ते हायानाता योग्य दन्ड पुटार मति पवित्र आत्माता अनुसार जिवेमायकिट ते जिवन अनि शान्ति पुटार।

२ कुरिन्थुस 10:5

इन्जोर माक परमेस्वरना ग्यानता विरोद आन्ता ओद गमन्डता सबोय पकायि हजोर पोल्लोनुंग अनि सबोय विचारतुन नाश किस मन्दा सबोय विचारतुन मसि साटि कयदि किस मसिना आग्या मानेमायवाल बने किन्तोरोम।

२ कुरिन्थुस 13:11

हे बायि-दादालोरक, इदेक नना मिकुन नमस्कार किस मियागडाल दान्तोना। नना कियान साटि मिकुन वेहतान ओद सबोय पोल्लोंग अदामे किसोर मन्ट। वरोर दुसरोन मानेमास उन्दि मन्दे विचार किस शान्तिते मन्ट अदेनते मया अनि शान्ति हेवाल परमेस्वर मियासंग मन्दानुर।

गलाति 5:22

मति पवित्र आत्माता बुतो इव मन्तांग: आपसते मया कियाना, गिरदाते मन्दाना, शान्तिते मन्दाना, दिरजते प्रगटकियाना, दया कियाना, भलायि कियाना, इम्मानदारिते मन्दाना,

इफिसुस 3:19

अनि बोरे बसकेय पुरा समजेमाय परोर परमेस्वरना ओद मायातुन समजेमाम्ट अनि निमाट परमेस्वरना सबोय गुणते निन्दाट इन्जोर नना प्रार्थना किन्तोना।

फिलिप्पि 1:1

मसि येसुनोर सेवा केवालोरक पोलुस अनि तिमुथियुस फिलिप्पि सहेरतिगा मन्वालोर मसि येसुनिगा विस्वास किन्तोरक सबोय पवित्र लोकुरक अनि मसिलोकुरा सभाता मुक्यालोरक अनि ओरकुन मदत केवालोर सेवक लोकुरकुन साटि इद पत्र कोटान्तोरोम।

फिलिप्पि 1:2

मावोर बाबो परमेस्वर अनि प्रबु येसु मसिनिकेडाल मिकुन दया-माया अनि सुख-शान्ति पुटसोर मनि।

फिलिप्पि 4:19

नावोर परमेस्वर येसु मसिना कारण मिया सबोय कमितुन परमेस्वर ओना पकाय हजोर धनसंपतिता अनुसार पुरा कियानुर।

फिलिप्पि 4:21

येसु मसिनिगा विस्वास किन्तोरक ओरक सबोय पवित्र लोकुरकुन नमस्कार इन्तोना। अनि नावासंग मन्तोर ओर तमोलोरक मिकुन नमस्कार इन्तोरक।

फिलिप्पि 4:9

बोव पोल्लोंग निमाट नावागा हुळतिट, अनि केन्जतिट, अनि करियतोरिट, अनि स्विकार कितिट, अदेनाय पालन किसोर मन्ट, असके शान्तिता झरा मन्तोर ओर परमेस्वर मियासंग मन्दानुर।

कुलुसि 3:15

निमाट सबोय लोकुरक मसिना मेन्दुलता भाग मन्तोरिट। अनि शान्तिते मन्दान साटि परमेस्वर मिकुन आचतुर इन्जोर मसिना शान्ति मिया विचारतुन नियत्रण केवि। अनि दरोज धन्यवाद किसोर मन्ट।

२ तिस्लुनि 3:16

अनि शान्ति हेवाल प्रबु बोदे परिस्थितितिगा मिकुन दरोज शान्ति हिसोर मियासंग मनिर।

यहुदि 13:20

इदेक वरोर हजोर मेहवाल लेहका मसिलोकुरा सभाता मुक्याल मन्तोर मावोर प्रबु येसुन हातोरिगाडाल असा जिवेहकितोर शान्ति हेवाल परमेस्वर अनन्त काळदा करारता नतुरते सबोय सोबाय पोल्लो हिस मिकुन परिपूर्ण केविर! अदाम येसु मसिना द्वारा मावागा बुतो किसोर मन्ता परमेस्वरना इच्चा ओना योजना अनुसार पुरा कियान साटि मिकुन मदत केवि। सबोय काळदे ओना हजोरपण आसोर मनि। आमिन।

यहुदा 1:1

येसु मसिनोर सेवक अनि याकुबनोर तमो यहुदा, बाबो परमेस्वर मया किन्तोर अनि येसु मसि साटि सुरक्षित इरान्तोर ओर सबोय केयतोर लोकुरक साटि इद पत्र कोटान्तोना।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:4

युहन्नाल आसिया प्रदेशता सात मसिलोकुरा सभातुन कोटान्तोर: इदेक मन्तोर अनि पहले मन्दुर अनि वायवाल मन्तोर ओर परमेस्वरनिकेडाल अनि ओना सिंहासनता मुने मन्तोरक ओव सात आत्मानिकेडाल,

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:17

पवित्र आत्मा सबोय मसिलोकुरा सभातुन बाताल इन्ता अदेन पकाय ध्यानते केन्जुन सम्जेमाम्ट। विजय आयनुर ओन नना स्वरगतिगा मकता मन्नातिगाडाल हियाका, अनि ओन उन्दि पान्डरि कल वने सम्मान हियाका, अनि ओद कलतिगा उन्दि पुनाल पोरोय कोटता मन्दार, अदेन पुटिहवालना शिवाय दुसरो बोरे ओद पोरोय पुनोर आयनुर।”