फिलिप्पि 4:5 - Muria Far Western

⁵ आपुनतुन हुळिला बनेकिस मन्ता मिया सोबाय स्वभाव सबोय लोकुरकनिगा प्रगट आयि। प्रबु येसु मसिना असा मल्स वायाना हेरे मन्ता इन्जोर दरोज आल्हाट।

फिलिप्पि 4:5 Cross References

मत्ति 6:25

इन्जोर नना मिकुन इन्तोना, मति माक बाताल तिन्काट अनि बाताल उन्काट इन्जोर आपुना जिवा साटि अनि बाताल करकाट इन्जोर आपुना मेन्दुल साटि चिन्ता केमाट। जेवनताल जिवा अनि सन्दराताल मेन्दुल बाताल हजोर हिले बहे?

मत्ति 6:34

इन्जोर नाळ दियाता चिन्ता नेन्ड केमाट, बाक्याकि नाळता दियाते ओद दियाता चिन्ता पकाय मन्दार इन्जोर नेटा साटि नेटाय दुःख पकाय मन्ता।”

लूका 21:34

येसु चेलालोरकुन असा इतुर, “इन्जोर मिया मन दरोज तिन्दाना अनि दाळंगो उन्डाना अनि इद दुनियाता जिवनता पोल्लोंगना बारेते चिन्ता किसुन प्रबुना वायाना दिया मिया पोरो पसा लेहका हुरहाय वायमा इन्जोर निमाट सावदान मन्ट।

१ कुरिन्थुस 16:22

अनि बोरे प्रबुनिगा मया केवोर ते ओर सरापता योग्य मन्तोर। मावोर प्रबु वायवाल मन्तोर।

१ कुरिन्थुस 6:7

निमाट विस्वासि लोकुरक वरोन दुसरोनसंग वाहचान्तोरिट ते निमाट खरोय मसि विस्वासि आयो। मिया विरोदते बोरे मानेय गुना किन्तोर ते ओद सहेन कियाना अनि मिया बोदे चिज बोरे मानेय ओन्तोर ते बाक्या अदेन ओयिला हेविट?

१ कुरिन्थुस 8:13

इन्जोर इद बलि हिता चिज तितेक मसिनिगा विस्वास कितोर नावोर तमोन दुःख आन्ता अनि इदेनते ओन पाप किन्तोर। नावोर तमो पापतिगा अरमाकिर इन्जोर नना मूरतिता मुने बलि हिता हविंग बसकेय तिनोन।

१ कुरिन्थुस 9:25

अनि वरोर वरोर कुस्टि करसवाल मानेय ओद करसनाता नियमता अनुसार पकाय ध्यानते तयार आन्तोर। ओर कुस्टि करसवाल नाश आस मारिन्ता ओद मुकुटता बकसिस मन्ता ओद बकसिस साटि सबोय किन्तोर मति माक दरोज मन्वाल बकसिसता मुकुट साटि सबोय किन्तोरोम।

२ कुरिन्थुस 10:1

मियासंग मन्दानपा नम्र स्वभावतोर मन्तोर अनि मियाताल लक मन्दानपा हिमतवाले मन्तोर इन्जोर निमाट इन्तोरिट ओर नना पोलुस मसिना नम्रता अनि दयाता पोरोयते मिकुन विनन्ति किन्तोना।

२ तिस्लुनि 2:2

अनि प्रबुना असा वायानाता दिया वातु इन्जोर इदाम केन्जिकिट ते अचानक मिया मन अस्थिर आयमाकि अनि वरियमाट। बोरे भविस्यवानितिगा इद पोल्लो वेहानुर या बोदे सन्देश या मावाकेडाल वाता पत्र लेहका इद पोल्लो वाय परान्ता।

तितुस 3:2

अनि बोनांगे चाहळिंग वळकस बदनाम केमाकिरक, मति कोमल स्वभावतोर मन्दिला पहाजे अनि सबोय लोकुरासंग दरोज हजोर नम्रताते मिलेमास मनिर।

यहुदि 10:25

हुचुलोर लोकुरक मसिलोकुरा सभातिगा मन्ता प्रार्थना कार्यक्रमतुन दरोज तासिस दान्तोर मति माक ओरा लेहका मावा प्रार्थना कार्यक्रमतुन बसकेय तासिमाट। इचोने आयो प्रबु येसुना असा मलस वायान दिया पकाय हेरे वातु इन्जोर वरोन दुसरोन मया कियाना अनि विस्वासते मजबुत मन्दाना साटि वरोन दुसरोन असा पकाय प्रोत्साहन किसोर मन्ट।

यहुदि 10:37

बाक्याकि “इदेक पकाय हुडुन्साय बेरा पिसता मन्ता वायवाल वायनुर अनि असा बेरा केवोर आयनुर।”

१ पतरस 1:11

मसि सहेन कियानुर ओद पकायि तकलिप अनि पजा दिसार ओद महिमाता बारेते ओरागा मन्तोर मसिना आत्मा मुनेटाले वेहतुर। इव पोल्लोंग इद दुनियातिगा बसके बदाम आयनुंग इन्जोर परमेस्वरना पोल्लो वेहवालोर पकाय इच्चाते पळकसोर मतोरक।

१ पतरस 4:7

सबोय पोल्लोता अन्त सान्डेय आयवाल मन्ता इदाम समजदार आस निमाट आपुनतुन काबु किस प्रार्थना कियान साटि हुशार मन्ट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:20

इव पोल्लोता गवाहि हिन्तोर “इंगो, नना सान्डेय वायवाल मन्तोना” इन्जोर ओर इन्तोर। आमिन। हे प्रबु येसु, वाय!

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:7

“हुळा, नना सान्डेय वायवाल मन्तोना। इद पुस्तकता परमेस्वरना सन्देश मानेमान्तोर ओर धन्य मन्तोर।”