फिलिप्पि 4:1 - Muria Far Western

¹ इन्जोर हे नावोर प्रिय अनि नना हुळान साटि पकाय विचार किन्तोना बायि-दादालोरक, निमाट नावा बुतोता गिरदा अनि मुकुट मन्तोरिट। इन्जोर नावोर प्रिय लोकुरक नना मिकुन वेहतोना अदामे प्रबुनिगा निमाट स्थिर मन्ट प्रिय लोकुरक।

फिलिप्पि 4:1 Cross References

मत्ति 10:22

नावा पोरोयता कारणते सबोय लोकुरक मिकुन होंग कियानुरक, मति बोर आकरि वनाह हिमत पयस मन्दानुर ओरे पिसानुर।

युहनाल 8:31

असके येसुनिगा विस्वास कितोर येहुदि लोकुरकुन येसु इतुरक, “निमाट नावा करहानातिगा दरोज मान किसोर मनकिट ते निमाट खरोय नावोर विस्वासि आयकिट।

बुतोंग 11:23

ओर बरनबास वरोर सोबाय मानेय मतोर; अनि ओर पवित्र आत्मातुन मानेमास परमेस्वरनिगा सोबाय विस्वास केवालोर मतोर, ओर अगा अवस परमेस्वर लोकुरा पोरो हिन्तोर आशिष हुळस गिरदा आतुर अनि जिवालावे किस प्रबुनिगा विस्वास किम्ट इन्जोर सबोयलोरकुन उपदेश हितुर। अनि दुसरो पकाय लोकुरक प्रबुनिगा विस्वास कितुरक।

बुतोंग 14:22

“विस्वासते बनेमास मन्ट अनि माकुन पकाय तकलिप ताहच परमेस्वरना राज्यतिगा हन्दा लागार” इदाम उपदेश किस येसुना चेलालोरा मन्दुन स्थिर किसोर मतोरक।

बुतोंग 2:42

अनि ओरक येसुना खास चेला लोकुरकनिकेडाल करियाना अनि संगति इराना अनि प्रबु जेवन कियाना, अनि प्रार्थना कियाना इदाम बुतो दरोज कियानातिगा ओरक आपुनतुन समरपित कितुरक।

रोमि 2:7

अनि दरोज सोबाय बुतो किसोर महिमा, आदर अनि बसकेय नाश आयो ओद जिवनतुन पळकसोरिंग मन्तोरक ओर लोकुरकुन परमेस्वर अदेना बदला अनन्त जिवन हियानुर।

१ कुरिन्थुस 15:58

इन्जोर हे नावोर प्रिय बायि-दादालोरक, निमाट विस्वासते मजबुत मन्ट अनि बोदे कारणते निमाट विस्वासताल लक हन्माट। अनि प्रबुन साटि निमाट किन्तोरिट ओद मेहनत बेकार हिले इदाम समजेमास निमाट प्रबुना बुतो पकाय लावदे मुने किसोर मन्ट।

१ कुरिन्थुस 16:13

हे नावोर बायि-दादालोरक, निमाट हुशारते मन्ट, अनि विस्वासते स्थिर मन्ट अनि हिमतवाले बनेमाम्ट। अनि विस्वासतिगा लाव वाले बनेमाम्ट।

२ कुरिन्थुस 1:14

इदेक निमाट मावा बारेते हुचुक पोल्लोंग समजेमातोरिट अदाम लेहका प्रबु येसुना असा मलस वायाना दिया मावा हजोरपणता कारण निमाट मन्तोरिट अनि माक वने मिया हजोरपणता कारण मन्तोरोम इन्जोर निमाट संपुर्ण रितिते समजेमायकिट इदाम नना आशा किन्तोना।

गलाति 5:1

मसि माकुन स्वतन्त्र कितुर इन्जोर ओद स्वतन्त्रतिगा स्थिर मन्ट अनि मूसाना नियमता दासत्वतिगा असा हिरकमाट।

फिलिप्पि 1:27

इदेक ते निमाट इद पोल्लोतिगा ध्यान किम्ट, निमाट येसु मसिना सोबाता पोल्लोता अनुसार जिवेमाम्ट। इदाम निमाट जिवेमायकिट ते नना मिया हेरे वास मिकुन हुळका या लक मन्जुन वने मिया बारेता गिरदाता पोल्लो केन्ज परान्तोना; अनि येसुना सोबाता पोल्लोता विरोद केवाल वेयरि लोकुरा मुने वने बोदे पोल्लोता बिना वरेते मन्ज निमाट सबोय लोकुरक उन्दि विचार अनि उन्दि जिवा आस सोबाता पोल्लोता विस्वास साटि पकायि बुतो किन्तोरिट इन्जोर नना केन्जिला परान्तोना। मिकुन परमेस्वरताल पुटता इद हिमत मिया पिसानाता अनि ओरा नाशता वने चिन्ह मन्ता।

फिलिप्पि 1:8

येसु मसिना मयाते मिया सबोय लोकुरकुन हुळान साटि नावा पकाय इच्चा मन्ता इन्जोर परमेस्वर गवाह मन्तोर।

फिलिप्पि 2:16

इदाम निमाट कियाकिट ते नना मिया साटि किता ओद सबोय बुतो अनि मेहनत बेकार हनो इन्जोर येसु मसिना असा मल्स वायाना दियांग इद हुळस मिया हजोरपण किया परका।

फिलिप्पि 2:26

बाक्याकि ओर निमाट सबोय लोकुरकुन हुळान साटि पकाय इच्चा किन्तोर अनि निमाट ओना बिमारिता बारेते केन्ज मतोरिट इन्जोर ओर पकाय चिन्ताते मन्तोर।

कुलुसि 4:12

अनि मियागाडाल वरोर येसु मसिहानोर दास मन्तोर ओर इपफ्रास मिकुन नमस्कार इन्तोर। निमाट परिपूर्ण आस पुरा विस्वासतासंग परमेस्वरना इच्चातिगा स्थिर मन्ट इन्जोर ओर दरोज मिया साटि मनलावेकिस प्रार्थनातिगा पकाय मेहनत किसोर मन्तोर।

१ तिस्लुनि 3:13

अनि बदाम मावोर प्रबु येसु आपुना पवित्र लोकुरासंग वायनुर असके निमाट बाबो परमेस्वरना मुने पवित्र जिवाते निरदोष आयिर इन्जोर मिया मन्दुन प्रबु स्थिर केविर।

२ तिस्लुनि 2:15

हे बायि-दादालोरक, निमाट विस्वासते कम्बिर मन्ज मावा पोल्लोता या पत्रता रुपते मिकुन पुटता करहानातुन पालन किसोर मन्ट।

२ तिमुति 2:1

इन्जोर हे नावोर प्रिय मरि, निमा येसुना दयाता द्वारा लाववाले आम।

यहुदि 10:23

अनि माकुन प्रतिज्ञा कितोर ओर खरोय मन्तोर ओर अदेन पुरा कियानुर इन्जोर माक जरुर पुटार इदाम वाचा पुटता पोल्लोता बारेते दुसरो लोकुरकुन वेहिलाय हिमतते मनिर।

यहुदि 3:14

बाक्याकि माक येसुनिगा विस्वास किता केवल ओद पहलेटा दियातांग विस्वासतिगा आपुना जिवाता आकरिवनाह मजबुते मनकाट ते माक मसिना सहभागि आसोर मनकाट।

यहुदि 4:14

स्वरगतिगा हतोर ओर वरोर महान हजोर याजक मन्जे परमेस्वरनोर मरि येसु स्वरगतिगा परमेस्वरना मुने मावा साटि मन्तोर इन्जोर माक विस्वास किन्तोरोम इदाम वेहान्ता ओद विस्वास बसकेय तासिमाट।

२ पतरस 3:17

इन्जोर हे प्रिय गोतियालोरक, निमाट पहलेटाले इव पोल्लोनुंग पुन्ज इन्जोर परमेस्वरना मुने खराब बुतो केवालोरा खोटाल करिहनाता कारण आपुना विस्वासता स्थिरतातुन तासिमाट इन्जोर हुशार मन्ट।