फिलिप्पि 3:21 - Muria Far Western

²¹ ओना हजोर लावते सबोय चिजतुन आपुना अदिकारते किया परान्तोर ओना ओद लावता द्वारा मावा कमजोर मेन्दुलतुन बदलेकिस आपुना महिमाता मेन्दुल लेहका बनेहकियानुर।

फिलिप्पि 3:21 Cross References

मत्ति 17:2

अगा ओरा मुने ओना रुपान्तर आतु, अनि ओना चेहरा पोळद लेहका मान्जतु, अनि ओना सन्दरा वेळिचि लेहका पान्डरि आतु।

मत्ति 22:29

येसु ओरकुन उत्तर हितुर, “निमाट पवित्र पुस्तकतुन अनि परमेस्वरना लावतुन पुनविट इन्जोर निमाट दोखाते अरान्तोरिट।

मत्ति 28:18

येसु ओरा हेरे वातुर, “स्वरगतिगा अनि दरतितिगा सबोय अदिकार नाकुन हिता मन्ता।

रोमि 8:29

परमेस्वर मुनेटाल आचतोर ओर लोकुरकुन आपुना मरि येसु मसि पकाय हेलाळ तमोहनिगा सबोयताल हजोर तमो आयिर इन्जोर आपुना मरिना स्वरुपता लेहका आयान साटि मुनेटाले ठहरे कितुर।

कुलुसि 3:4

मसिहा मिकुन पुनाल जिवन हेवाल आन्दुर। ओर असा प्रगट आयनुर असके निमाट वने ओनासंग हजोर महिमाते प्रगट आयकिट।

१ युहनाल 3:2

हे प्रियलोकुरक, इदेक माक परमेस्वरनोर बालक आन्दाट मति माक बाताल आयकाट इन्जोर इदेक वनाह प्रगट आयोय। अनि बसके येसु प्रगट आयनुर ओर बदाम मन्तोर अदामे माक हुळकाट इन्जोर माक ओना लेहका आयकाट इचोन पुन्तोराट।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 1:8

इदेक मन्तोर अनि पहले मन्दुर अनि वायवाल मन्तोर ओर सबोयताल लाववाले प्रबु परमेस्वर इन्तोर, “ननाय अलफा अनि ओमेगा आन्दान।”