फिलिप्पि 2:7 - Muria Far Western

⁷ अनि ओर आपुनतुन दासता लेहका हुडलोर बनेकिस मानेय आस जनम आतुर अनि मानेय आस जिवेमातुर।

फिलिप्पि 2:7 Cross References

मत्ति 12:18

ओर वाहचोर आयनुर, अनि जोरदे किलोर आयनुर, अनि हाटुमतिगा बोरे ओना पोल्लो केन्जोर आयनुर।

मत्ति 20:28

नना मानेयतोर मरि नावा सेवा किहाना साटि आयो मति नना दुसरोना सेवा कियान साटि अनि पापता बन्दनते मतोरक पकाय लोकुरकुन लेहचियान साटि आपुना जिवा अदेना किमत आस हेविर इन्जोर वातान।”

मरकुस 9:12

येसु ओरकुन उत्तर हितुर, “एलियाह मुनेवास सबोय सुदरे कियानुर इद खरोय पोल्लो मन्ता मति ओर पकाय तकलिप सहेनकियानुर अनि ओन तुच्च समजेमायिला पहाजे इन्जोर नना मानेयतोर मरिना बारेते इदाम बाक्या कोटतोर?

लूका 22:27

अनि जेवेकियाला उदितोर ओर या सेवा किन्तोर ओरिगा बोर हजोर आन्दुर? जेवेकियाला उदितोर हजोर मन्तोर, मति नना वरोर सेवा केवाल लेहका मिया नडुम मन्तोना।”

युहनाल 1:14

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

रोमि 1:3

आचकुन अलग किस केयस मतोर येसुना खास चेलाल अनि येसु मसिनोर दास पोलुस,

रोमि 15:3

बाक्याकि “निया बारेते बोव खराब पोल्लोंग लोकुरक इन्तोरक ओव पोल्लोंग नावा पोरो वातांग” इदाम पवित्र पुस्तकतिगा परमेस्वरना बारेते कोटता लेहका मसिहाल वने आपुना गिरदा साटि जिवन जिवेमायोर मति ओर परमेस्वरतुन गिरदा कियान साटि जिवेमातुर।

रोमि 15:8

बाक्याकि परमेस्वर यहुदि लोकुरा आजि-दादालोरकुन वाचा हिस मतोर ओद पोल्लोतुन ओर पुरा कितोर इन्जोर परमेस्वरना ओद खरोय पोल्लोतुन पका कियान साटि मसिहाल यहुदि लोकुरा साटि वरोर सेवकता रुपते वातुर।

रोमि 8:3

मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर।

२ कुरिन्थुस 13:4

कुरुस पोरो अन्जिहतुर ओद बेरा ओर कमजोर मतोर इद खरोय पोल्लो मन्ता। मति परमेस्वरना लावदे ओर जिवित मन्तोर। मसिना ओद कमजोरतिगा माक वने संगत मन्तोरोम, मति परमेस्वरना लावता कारण मिया फायदा साटि माक ओनासंग जिवेमायिकोम।

२ कुरिन्थुस 8:9

मावोर प्रबु येसु मसि सावकार मन्ज वने ओना गरिब आयानाते निमाट सावकार आयकिट इन्जोर ओर मिया साटि गरिब आतुर ओना ओद दयातुन निमाट पुन्तोरिट।

गलाति 4:4

मति आकरिते बाबो परमेस्वर निर्णय किता खरोय बेरा पुरा आत, असके ओर आपुनोर मरि मसिन लोहतुर, ओर मानेय आस आळदाल जन्मेमातुर अनि मूसाना नियमतुन पालन किसोर मतोर।

फिलिप्पि 2:6

ओर परमेस्वरना सबोय स्वभाव अनि गुणतोर मतोर ते वने परमेस्वरनासंग तुल्य मन्दाना ओद अदिकारतिगा मन्दान साटि विचार केवोर आस ओद अदिकारतुन तासितुर।

यहुदि 12:2

अनि मावा विस्वासता कारण अनि मावा विस्वासतुन परिपूर्ण केवाल येसुये मन्तोर। इन्जोर माक ओर येसुनिके हुळसोर मुने वितिला पहाजे। ओर येसु ते भविष्य काळते ओन पुटार ओद पकाय हजोर गिरिदाता बारेते विचार किस कुरुस पोरो हायाना ओद लज्जातुन ध्यान केवोर आस हिमते ओद पकाय तकलिप सहेन किस हातुर। ओर इदाम हातुर इन्जोर ओर स्वरगतिगा परमेस्वरना सिंहासनता तिन्दान कयबासा हन्जुन पकाय हजोर आदरतिगा उदितुर।

यहुदि 13:3

मसि विस्वासता कारणते जेहलतिगा मन्तोर लोकुरकुन मरिंगमाट। निमाट वने ओरासंग कयदि मन्तोरिट इदाम लेहका समजेमास ओरकुन मदत किम्ट। अनि मिया जिवनते वने पकाय तकलिप आता इन्जोर पकाय तकलिपतिगा मन्तोर लोकुरकुन वने सोबाय मदत किम्ट।

यहुदि 4:15

मावासंग मन्तोर हजोर याजक मावोर कमजोरितिगांग पका मावासंगे मन्जुन माकुन मदत किन्तोर। ओर मावा लेहकाय पाप कियान साटि सबोय रितिते परिक्षा आतोर मन्तोर ते वने ओर बसकेय पाप केवोर।