5 मसि येसुना ओदे स्वभाव मियागा वने मनि।
नना शान्त अनि नम्र स्वभावतोर मन्तोना इन्जोर नावा जुवा आपुना पोरो ताहच नावाकेडाल करयाट ते निमाट आपुना मन्दे शान्ति पुटिहकिट।
अनि जेवेकियाला उदितोर ओर या सेवा किन्तोर ओरिगा बोर हजोर आन्दुर? जेवेकियाला उदितोर हजोर मन्तोर, मति नना वरोर सेवा केवाल लेहका मिया नडुम मन्तोना।”
नासरितोर येसुन पवित्र आत्मा अनि लावदे परमेस्वर बदाम अभिषेक कितुर अनि ओर बदाम सोबाय किसोर सयताना कारण सतेहकिस मतोर सबोयलोरकुन सुदरे किसोर वलियतुर इन्जोर निमाट पुन्तोरिट। परमेस्वर ओनासंग मतोर।
इदाम मेहनत किस जरुरि लोकुरकुन मदत कियाला पहाजे इन्जोर तोहान साटि सबोय पोल्लोतिगा नना मिकुन नमुना कितान। ‘येतानाताल हियाना पकाय धन्य मन्ता’ इदाम प्रबु येसु इतोर ओद पोल्लो नना मिकुन करिहतान।”
नियोर बायहि या दादालोरक निया जेवनता कारण दुःखि मन्दानुर ते ओनासंग निया संबन्द मयाता अनुसार आयो। निमा तिन्दाना द्वारा बोनाय विस्वासता नाश केमा बाक्याकि ओना साटि वने मसिहा आपुना जिवा हितोर।
बाक्याकि “निया बारेते बोव खराब पोल्लोंग लोकुरक इन्तोरक ओव पोल्लोंग नावा पोरो वातांग” इदाम पवित्र पुस्तकतिगा परमेस्वरना बारेते कोटता लेहका मसिहाल वने आपुना गिरदा साटि जिवन जिवेमायोर मति ओर परमेस्वरतुन गिरदा कियान साटि जिवेमातुर।
मावोर परमेस्वर माकुन धीरज अनि शान्ति हिस निमाट वरोर दुसरोनासंग शान्तिते मन्दान साटि ओर मिकुन मदत केविर इन्जोर परमेस्वरनिके नना प्रार्थना किन्तोना बाक्याकि येसु मसिना चेला लोकुरकुन इदामे कियाला पहाजे।
नना आपुना फायदा आयो मति सबोय लोकुरक पापताल पिसिहला पहाजे इन्जोर दुसरो लोकुरा फायदा साटि सबोय लोकुरकुन सबोय पोल्लोतिगा गिरदा कियाना कोसिस किन्तोना।
अनि मावा पिसाना साटि मसि आपुनतुन मधुर दयमुरता रुपते परमेस्वरतुन भेटता अनि बलिदान किस अर्पण कितुर। इन्जोर मसिहाल मिकुन बदाम मया कितुर अदामे निमाट वने वरोन दुसरोन मया किस जिवेमाम्ट।
मसि येसुनोर सेवा केवालोरक पोलुस अनि तिमुथियुस फिलिप्पि सहेरतिगा मन्वालोर मसि येसुनिगा विस्वास किन्तोरक सबोय पवित्र लोकुरक अनि मसिलोकुरा सभाता मुक्यालोरक अनि ओरकुन मदत केवालोर सेवक लोकुरकुन साटि इद पत्र कोटान्तोरोम।
अनि निमाट इदेन साटिय केयतोर मन्तोरिट, बाक्याकि मसि वने मिया साटि दुःख ताहतुर अनि निमाट वने ओना हरिते इन्जोर मिकुन उन्दि आदर्श हिस हतोर।
मसि आपुना मेन्दुलते पकाय तकलिप सहेन कितुर इन्जोक निमाट वने ओदे विचारतुन हत्यारता रुपते स्विकार किम्ट।
नना ओनासंग मन्तोना इदाम बोरायि इन्तोर ते बदाम येसु ताकिन्दुर अदामे ओर वने ताकिला पहाजे।
