फिलिप्पि 2:4 - Muria Far Western

⁴ निमाट सबोय लोकुरक केवल आपुनाय भलायता बारेते आयो मति दुसरोना भलायता बारेते वने चिन्ता किम्ट।

फिलिप्पि 2:4 Cross References

मत्ति 18:6

अनि येसु असा इतुर, “नावागा विस्वास किन्तोर येर हुडलोरकनिगाडाल बोरे वरोन पाप किहान साटि बोरे कारण आयनुर ते ओना गुळंगातिगा जतातुन दोहचुन ओन समुद्रतिगा दुरसानाताल पकाय हजोर दन्ड ओन पुटार।

रोमि 12:15

अनि बोर गिरदा आतोरक ओरासंग निमाट वने गिरदा आम्ट अनि बोर दुःखि मन्तोर ओरा दुःखतिगा निमाट वने संगत आम्ट।

रोमि 15:1

माक विस्वासते मजबुत मन्तोम ते माक केवल आपुना गिरदासाटि कोसिस केमाट मति विस्वासते कमजोर मन्तोर ओर लोकुरा कमजोरितुन वने सहन किम्ट।

१ कुरिन्थुस 10:24

इन्जोर मियागडाल बोरे मानेय केवल आपुनाय फायदाता बारेते विचार केमाकिर मति दुसरोना फायदा साटि वने विचार किम्ट।

२ कुरिन्थुस 11:29

बोनाय कमजोरि आयाना बेरा नाक वने ओदे कमजोर नावा मेन्दुलतिगा लाकता। अनि बोरे पापतिगा फसेमायनुर ओदबेरा नाक वने ओरा साटि दुःख आयार।

२ कुरिन्थुस 6:3

येसु मसिना सोबाता पोल्लो वेहाना मावा बुतोतुन बोरे दोष हेमाकिर इन्जोर माक बोदे पोल्लोतिगा बोनाय तकलिप आयार इदाम बोदे सन्दि हेवोम।

फिलिप्पि 2:21

बाक्याकि दुसरो सबोय लोकुरक केवल आप-आपुना सोबाय साटि बुतोते मन्तोर मति येसु मसिना इच्चाता अनुसार बोरे बुतो केवोर।

याकुब 2:8

मति “बदाम निमाट आपुनिगा मया अनि काळजि किन्तोरिट अदामे मया अनि काळजि मिया हेरेटोरकुन वने किम्ट” इन्जोर पवित्र पुस्तकता पोल्लोता अनुसार इद हजोर आग्या निमाट खरोय मन्दे पालन किन्तोरिट ते ओद मिकुन सोबाय मन्ता।