फिलिप्पि 2:30 - Muria Far Western

³⁰ बाक्याकि ओर आपुना जिवनते दोखा सहेनकिस मसिना बुतो किसोर किसोर हायनुर अचोन बिमारिते आतोर। इदाम निमाट नावा साटि किया परविट ओद सेवातुन ओर इगा नावा संगे मन्ज नाकुन हितुर।

फिलिप्पि 2:30 Cross References

बुतोंग 20:24

मति नना नावा जिवातुन बाताले किमत मन्ता इदाम विचार केवोन। मति प्रबु येसु नाकुन निवळे किता ओद बुतो पुरा कियाना मुक्य पोल्लो मन्ता। परमेस्वरना हजोर दयाता सोबाता पोल्लो सबोय लोकुरकुन वेहान साटि प्रबु येसु नाकुन निवळेकितोर ओद बुतो पुरा कियाना केवल नावा लक्ष मन्ता।

रोमि 16:4

ओरक नाकुन पिसहान साटि आपुना जिवा वने हियाला तयार मन्तोर। ओरा साटि केवल ननाय आयो मति यहुदि आयोर लोकुरा सबोय मसिलोकुरा सभाता विस्वासि लोकुरक वने ओरा धन्यवाद किन्तोरक।

१ कुरिन्थुस 15:53

बाक्याकि मावा दुनियातिगा मन्दाना योग्य मन्ता, इद कळियवाल मेन्दुल पयस माक स्वरगतिगा हन्दिला परोम इन्जोर स्वरगतिगा हन्दान साटि मावा इद कळियवाल मेन्दुल स्वरगतिगा मन्दाना योग्य मन्ता कळियवो ओद मेन्दुल आस बदलेकियाना जरुरि मन्ता।

१ कुरिन्थुस 16:10

तिमुथियुस मिया हेरे वायनुर असके निमाट ओना सोबाय स्वागत किम्ट, निमाट इदाम सोबाय वेवहार कियाकिट ते ओर बिना वरेते मियासंग मन्दिला परानुर। बाक्याकि नना मन्तोना अदामे ओर वने प्रबुना सेवा केवाल मन्तोर।

१ कुरिन्थुस 16:17

अनि मियागडाल स्तिफानुस, फोरत्तुनात्तुस अनि अखायिकुस येर तमो लोकुरक नाकुन मिलेमायान साटि वातुरक इन्जोर नाकुन पकाय गिरदा आतु। बाक्याकि निमाट नावासंग हिलविट इन्जोर नाकुन किया परविट मिया मदत ओरक नाकुन कितोरक।

२ कुरिन्थुस 12:15

नना पकाय गिरिदाते नावा कयते बाताल मन्ता ओद सबोय मिया लोकुरक साटि खरचा कियाका अनि आपुनतुन वने सोपेकियाका। नना मिया लोकुरकुन पकाय मया किन्तोना ते निमाट लोकुरक नाकुन कमि मया कियाकिट बहे?

२ कुरिन्थुस 4:12

इदाम माक ते हायानासंग लळेमासोर मन्तोरोम मति इदेनते मिया आत्मिक जिवन बरसोर दान्ता।

फिलिप्पि 2:17

मति प्रबुना पोरोयता मिया विस्वासता कारण निमाट किता ओद सोबाता सेवा परमेस्वर साटि उन्दि बलिदान लेहका मन्ता। परमेस्वर साटि इमान्दारिते ओद सोबाय सेवा किसोर मन्दाना साटि नावा जिवा वने बलिदान हियाला पकाय गिरदा मन्तोना। अनि मिया सबोयसंग गिरदा किन्तोना।

फिलिप्पि 2:27

इंगो, ओर हायनुर इचोन पकाय बिमारि ते मतोर ते वने परमेस्वर ओनागा दया कितुर अनि केवल ओनाय पोरो आयो मति नाकुन दुःखतिगा दुःख पुटमाकि इन्जोर नावागा वने दया कितुर।

फिलिप्पि 4:10

इदेक इचोक दियांगना पजा मिया चिन्ता नावा बारेते असा चेतेमाता इन्जोर नना प्रबुनिगा पकाय गिरदाते मन्तोना। खरोय मुनेटाले निमाट इदाम नावा बारेते विचार मता, मति नाकुन मदत कियान साटि मिकुन सन्दि पुटो आत।

फिलिप्पि 4:18

इदेक नावा जरुरता सबोय चिज नावा हेरे मन्ता अनि पकाय वने मन्ता। निमाट लोहता ओद दान परमेस्वर साटि सोबाय मन्ता उन्दि दयमुर बलिदान लेहका परमेस्वरिन गिरदा किन्ता ओना येताना योग्य बलिदान लेहका इप्पफ्रुदितुसना कयदाल स्विकार किस नना पकाय संतुष्ट आतान।

फिलेमोन 1:13

येसु मसिना सोबाता पोल्लोता कारण जेहलतिगा मन्तोना नावा सेवाकियाला ओर ओनेसिमुस निया बदला नावा हेरे मन्दानुर इदाम नाकुन इच्चा मता।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 12:11

ओरक बेळा पिलाता बलिदानता नतुरता कारण अनि आपुना वेहता परमेस्वरना पोल्लोता कारण ओर दोष लावे केवालिन जिकतुरक। अनि ओरक हायाना साटि वने वरियोर आतुरक।