फिलिप्पि 2:20 - Muria Far Western

²⁰ बाक्याकि खरोय मन्दते मिया मदत कियान साटि नाकुन तिमुथियुसिन लेहका दुसरो बोरे मानेय हिलेर।

फिलिप्पि 2:20 Cross References

युहनाल 10:13

बाक्याकि रोजिते बेळांग मेहवाल ओर केवल रोजिसाटि बुतो किन्तोर अनि ओर ओना बेळांगना बारेते बारायि विचार हिले।

युहनाल 12:6

अनि ओन गरिब लोकुरा बारेता चिन्ता मता इन्जोर ओर इद पोल्लो इनोर मति ओना हेरे डबुंग इराना जोरिया मता अनि ओर वरोर कलेर मतोर। अनि ओद जोरियातिगा बोद पयसांग निहिन्दुर ओर आपुना साटि टन्डिन्दुर इन्जोर इदाम इतुर।

रोमि 15:5

मावोर परमेस्वर माकुन धीरज अनि शान्ति हिस निमाट वरोर दुसरोनासंग शान्तिते मन्दान साटि ओर मिकुन मदत केविर इन्जोर परमेस्वरनिके नना प्रार्थना किन्तोना बाक्याकि येसु मसिना चेला लोकुरकुन इदामे कियाला पहाजे।

१ कुरिन्थुस 16:10

तिमुथियुस मिया हेरे वायनुर असके निमाट ओना सोबाय स्वागत किम्ट, निमाट इदाम सोबाय वेवहार कियाकिट ते ओर बिना वरेते मियासंग मन्दिला परानुर। बाक्याकि नना मन्तोना अदामे ओर वने प्रबुना सेवा केवाल मन्तोर।

फिलिप्पि 2:2

इन्जोर निमाट उन्दि मन्दते, उन्दि मयाते, उन्दिय विचारते मन्ज अनि उन्दिय इच्चाते मन्दाना; इदाम नावा गिरदा पुरा किम्ट।

फिलिप्पि 2:22

मति तिमुथियुसिन अदाम आयो; वरोर मरि आपुना बाबोनसंग बुतो किन्तोर लेहका ओर येसु मसिना सोबाता पोल्लो वेहान साटि नावासंग मेहनत किस ओना सोबाय स्वभावतुन तोहतोर इन्जोर निमाट वने पुन्तोरिट।

कुलुसि 4:11

युस्तुस इन्तोर ओर येसुना वने मिकुन नमस्कार किन्तोर। यहुदिलोकुरक निगाडाल केवल येरे परमेस्वरना राज्य साटि नावासंग बुतो कियाला आतोर। ओरक नाकुन प्रोत्साहनता कारण आस मतोर।

१ तिमुति 1:2

अनि बाबो परमेस्वर अनि मावोर प्रबु येसु मसिनिकेडाल निकुन कृपा, दया अनि शान्ति हेविर।

१ तिमुति 4:6

अनि हे तिमुथियुस, नना निकुन वेहता सबोय पोल्लोंग विस्वासि लोकुरकुन समजेहकिस परमेस्वरना खरोय पोल्लो अनि अदेना बारेता खरोय उपदेश निमा पालन कियाकि ते निमा परमेस्वरना सोबाय सेवक बनेमायकि।

२ तिमुति 1:5

अनि निया खरोय विस्वासतुन नना आलहान्तोना, ओद खरोय विस्वास पहले निया आजि लोयिस अनि निया याल युनिकनिगा मता। अनि ओद खरोय विस्वास इदेक नियागा वने मन्ता इन्जोर नना पका मन्तोना।

२ तिमुति 3:10

मति हे तिमुथियुस, इव सबोय पोल्लोंग निमा सोबाय पुन्तोन बाक्याकि लोकुरकुन नना करिहता नावा जिवन जगेमायाना ओद रिति परमेस्वरना इच्चाता अनुसार मता। अनि नावा लक्ष्य लोकुरकुन परमेस्वरना पोल्लो करहाना मता। अनि बदाम नना येसु मसिनिगा विस्वास कितान अनि बदाम नना लोकुरासंगे धीरज अनि मया किसोर मतान। अनि नना सबोय कटिन परिस्थितितिगा बदाम सहेन किन्दान, इव सबोय पोल्लोतुन निमा सोबाय पुन्तोन।