फिलिप्पि 2:16 - Muria Far Western

¹⁶ इदाम निमाट कियाकिट ते नना मिया साटि किता ओद सबोय बुतो अनि मेहनत बेकार हनो इन्जोर येसु मसिना असा मल्स वायाना दियांग इद हुळस मिया हजोरपण किया परका।

फिलिप्पि 2:16 Cross References

मत्ति 10:27

नना बोद मिकुन आन्दारते इन्तोना अदेन निमाट वेळिचितिगा इन्ट, नना बाताले मिया कविदिगा पुसपुस इतोना अदेन निमाट ओरा लोन पोरो अन्जुन वेहाट।

लूका 12:8

अनि येसु लोकुरकुन इन्तोर, “नाकुन मानेयकना मुने बोर आयि मानेमायनुर ते ओन नना मानेयतोर मरि वने स्वरगदूतकना मुने मानेमायका।

युहनाल 6:63

अनि परमेस्वरना आत्मा जिवन हिन्ता; मानेयता लावते बाराय बुतोता हिले। मानेयतुन ओद जिवन हिया परो। नना मिकुन इतान अव पोल्लोंग मिकुन जिवन हिन्ता बाक्याकि परमेस्वरना आत्माताल इव पोल्लोंग वान्तांग।

युहनाल 6:68

अनि शमोन पतरस येसुन उत्तर हितुर, “हे प्रबु माक बोना हेरे दाकोम? अनन्त जिवनता पोल्लो नियाय हेरे मन्ता।

बुतोंग 13:26

पोलुस असा इतुर, “हे दादालोरक, अब्रहामनोर सन्तान, अनि परमेस्वरतुन वरियवालोरक सबोय लोकुरक, मावा हेरेय पिसानाता इद पोल्लो लोहता मन्तोर।

१ कुरिन्थुस 1:8

मावोर प्रबु येसु मसि न्याय कियान साटि असा मलस वायाना दिया निमाट निरदोष मनकिट इन्जोर परमेस्वर मिकुन आकरिवनाह मजबुत इरानुर।

१ कुरिन्थुस 9:26

इन्जोर नना बिना लक्षते वितोन। बोदे लक्ष हिले इदाम आपुना कयदे वळियतिगा हेवाल कुस्टि करसवाल मानेयना लेहका नना लळायि केवोन मन्जे नना बेकारते बोदे बुतो केवोन।

२ कुरिन्थुस 1:14

इदेक निमाट मावा बारेते हुचुक पोल्लोंग समजेमातोरिट अदाम लेहका प्रबु येसुना असा मलस वायाना दिया मावा हजोरपणता कारण निमाट मन्तोरिट अनि माक वने मिया हजोरपणता कारण मन्तोरोम इन्जोर निमाट संपुर्ण रितिते समजेमायकिट इदाम नना आशा किन्तोना।

गलाति 2:2

नना परमेस्वरना दरशनता अनुसार अगा हन्ज मतोना। नना किन्तोना ओद बुतो बेकार हन्माकि इन्जोर नना यहुदि आयोर लोकुरा नडुम प्रचार कियालाता ओदे सुसमाचारतुन नना अगा उन्दि सभातिगा, मसिलोकुरा सभाता केवल मुक्याह लोकुरकुने वेहतान।

गलाति 4:11

नना मिया साटि किता मेहनत बेकार आत इन्जोर नना मिया बारेते वरयान्तोना।

फिलिप्पि 1:10

इदाम निमाट सोबाय अनि खराबतुन समजेमास दरोज भलायितुन आचोर हन्ट अनि मसिना असा मल्स वायाना दियांगवनाह आपुना जिवनते पवित्र बनेमास बोरायि मिकुन दोष हेमाकिर,

फिलिप्पि 1:6

इन्जोर, परमेस्वर मियागा सोबाय सेवा कियाना सुरु कितोर, ओर अदेन येसु मसिना असा मल्स वायानावनाह कियानुर अनि ओना असा मल्स वायानाते ओद बुतो पुरा आयार इन्जोर नाकुन इद पोल्लोता बारेते भरोसा मन्ता।

१ तिस्लुनि 2:19

अनि मावा सोबाय आशा अनि महिमा आयानाता मुकुट बाताल मन्ता? ओद निमाटेय मन्तोरिट बहे? प्रबु येसु दुसरो बेरा असा प्रगट आयनुर असके ओना मुने माक नितकोम। असके मिकुन हुळसुन माक अभिमानि आयार।

१ तिस्लुनि 3:5

इन्जोर परिक्षा एतवाल सयतान मियाय विस्वासतुन परिक्षा केविर अनि मावा मेहनत बेकार आयमाकि इन्जोर नना असा मन परोन आतान। अनि मिया विस्वासता हालचाल पुन्दान साटि नना तिमुथियुसिन मिया हेरे लोहतान।

यहुदि 4:12

परमेस्वरना पोल्लो जिवित अनि लाववाले मन्ता। ओद बोदायि रन्ड धारवाले तलवारताल वने पकाय होळता मन्ता। ओद मावा आत्मा अनि जिवा, अनि पळेकाना जोळक अनि पळेकाना लोपा मन्ता मज्जाताल वने आरपार पसियस दान्ता। अनि ओद मन्दा इच्चा अनि विचारतुन समजेमान्तोर।

१ पतरस 1:23

निमाट नाश आन्ता ओद बिजाताल आयो मति नाश आयो ओद बिजाताल, जिवित अनि दरोज मन्वाल परमेस्वरना पोल्लोता द्वारा पुनाल जनमा येतितोरिट।

१ युहनाल 1:1

सबोय बनेमायानाता मुने जिवन हेवाल पोल्लो मता, ओद जिवन हेवाल पोल्लोतुन माक केन्जतोम अनि ओदेन माक आपुना कोन्डाते हुळस ओदेन मावांग कयकने इटस बेस हुळतोम इन्जोर ओद जिवन हेवाल पोल्लोता बारेते माक मिकुन कोटान्तोरोम।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 22:17

आत्मा अनि दुल्हि इवुरास इन्तांग, “वाय!”; अनि केन्जवाल वने, “वाय!” इन्जोर इनिर; एर उन्डावसता मन्ता ओर वायिर, अनि इच्चा मन्ता ओर जिवनता एर फुकोटते येतिर।