फिलिप्पि 2:14 - Muria Far Western

^14-15 चतराल अनि हेकळ लोकुरा नडुम निमाट परमेस्वरना निरदोष अनि पवित्र बालकना गुण तोहिला पहाजे। इन्जोर बोदे बुतो कियानपा मन्दे बळबळेमास अनि विवादते केमाट। इदाम कियाकिट ते बोरे मिकुन दोष लावे केवोर आयनुर। चतराल अनि हेकळ लोकुरा नडुम अन्दकारता जागादिगा बदाम वेळिचि मान्जता अदाम लेहका निमाट परमेस्वरना पोल्लो वेहच इद दुनियातिगा ताकसोर मन्ट।

फिलिप्पि 2:14 Cross References

मत्ति 20:11

ओद डबुंग येचुन ओरक मालकाना विरुद बळबळेमासोर इन्दिला लागतुरक,

मरकुस 14:5

ओद निय वरोर मजुरना उन्दि वरसाता मजुरिताल पकाय किमतते मोमस मनवार अनि अदाम पुटतांग डबुंग गरिब लोकुरकुन वाटे किस परन्दु इन्जोर ओरक अदेना विरोद होंगते इतुरक।”

मरकुस 9:14

बसके येसु चेलालोकुरा हेरे वातुर ते ओरा सबोयबासा पकाय भीळ आता अनि नियमतुन करिहवालोरक ओरासंग विवाद कियाला आतोरक इन्जोर ओर हुळतुर।

लूका 5:30

असके परीसि अनि मूसाना नियमतुन करिहवालोरक येसुना चेलालोकुरा हेरे हन्जुन, “निमाट ते चुंगि येतवालोरासंग अनि ‘पापिलोरासंग’ बाक्या निन्तोरीट-उन्टोरीट?” इन्जोर शिकायत कितुरक।

बुतोंग 15:2

पोलुस अनि बरनबास ओरा करियानाता विरोद मतोर इन्जोर ओरासंग पकाय वाद-विवाद कितुरक असके पोलुस अनि बरनबास अनि ओरागाडाल हुचुलोर मानेयक इद समस्याता बारेते येसुना खास लोकुरकुन अनि येरुसलेम सहेरता मसिलोकुरा सभाता मुक्याहलोरा हेरे वेहान साटि ओरा हेरे हनिर इन्जोर योजना कितुर।

बुतोंग 15:39

इदाम पोलुस अनि बरनाबास ओर इवुरास पकायि वाद-विवाद आतु इन्जोर ओरक अलग अलग आतुरक। अनि बरनबास मरकुसनासंग जहाजते सायिप्रस टापुतिगा हतुरक।

बुतोंग 15:7

अनि पकाय वाद-विवाद आतु पजा पतरस ओरा नडुम नितस ओरकुन इतुर: “हे दादालोरक, नावा द्वारा यहुदि आयोर लोकुरक येसुना सोबाता पोल्लो केन्जुन विस्वास केविर इन्जोर पकाय दियांग मुने मियागाडाल परमेस्वर नाकुन आचतोर इन्जोर निमाट पुन्तोरिट।

बुतोंग 6:1

अव दियाते चेलालोकुरा संख्या पकाय आसोर मता, असके जरुरि लोकुरक साटि दरोज जेवन तुसाना आपुना युनानि बोलि वळकवाल यहुदि रान्डिह आसकुन बराबर पुटोंग आन्दुंग इन्जोर युनानि बोलि वळकवालोर इब्रानि बोलि वळकवालोर यहुदि लोकुरा विरोदते बळबळ कियाला लागतुरक।

रोमि 12:18

मिया द्वारा बचोन आय परान्ता अचोन सबोय लोकुरासंग शान्तिते मन्ट।

रोमि 14:1

हे मावोर बायि-दादालोरक, मियागाडाल बोरे विस्वासते कमजोर मन्तोर ते वने ओन येताट मति बोनाय मनतिगा मावाताल बाताले अलग विचार मन्ता ते अदेना बारेते निमाट न्याय केमाट।

रोमि 16:17

हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना।

१ कुरिन्थुस 10:10

ओर लोकुरकनिगा बळबळेमान्दुर हुचुलोर लोकुरकुन नाश केवाल स्वरगदूत नाश कितुर, इन्जोर ओरा लेहका निमाट बळबळे मायमाट।

२ कुरिन्थुस 12:20

बाक्याकि नना मिया हेरे वायका असके मियाबारेते नावा इच्चा लेहका मिकुन अनि नना बदाम आयिला पहाजे इन्जोर विचार किन्तोरिट अदाम लेहका नना आयोन आस निमाट नाकुन वने मिलेमायकिट इन्जोर वने नना वरयान्तोना। अनि मिया नडुम वाहचाना, हेवा, होंग, विरोद, इरषा, चाहळिंग, अभिमानि अनि अव्यवस्ता इदाम पोल्लोंग कलियकि इन्जोर वने नाकुन वरे मन्ता।

गलाति 5:15

मति बदाम जानवर आपसते पल्क कसकुन वाहचानतांग अदामे निमाट वने वरोन दुसरोनसंग वाहचान्तोरिट ते निमाट आपसते वरोन दुसरोना नाश केवि आयकिट इन्जोर हुशयार मन्ट।

गलाति 5:26

माक वरोन दुसरोन छेळे किस, हेवा किस बेकारता घमेन्ड केवाट।

फिलिप्पि 2:3

केवल आपुना फायदा साटि अनि आपुना हजोरपण साटि बारायि बुतो केमाट मति आपुनतुन हुळिलोर बनेमास दुसरोन आपुनताल हजोर समजेमास सबोय बुतोतुन किम्ट।

१ तिस्लुनि 5:13

अनि ओर प्रबुना सेवाकिन्तोरक इन्जोर ओर लोकुरकुन निमाट पकाय मया किम्ट इन्जोर असा वने माक विनन्ति किन्तोरोम। अनि निमाट आपसते मेल-मिलाप किसोर मन्ट।

१ तिस्लुनि 5:15

अनि सावदान मन्ट! बोरे खराब बुतोता बदला खराब बुतो केमाट अनि सबोय लोकुरासंग दरोज भलायि किसोर मन्ट।

यहुदि 12:14

सबोय लोकुरासंग शान्तिते मन्दाना अनि सबोय रितिते परमेस्वरतुन सोपेकिस पवित्रता साटि कोसिस किसोर मन्ट। पवित्रताता शिवाय बोरे मानेय प्रबुना हेरे हन्दिला परोर आयनुर।

याकुब 1:20

बाक्याकि वरोर मानेय होंगते मन्दानपा परमेस्वरना मुने ओना इच्चा अनुसार खरोय बुतोतुन कियाला परोर।

याकुब 3:14

मति निमाट आपुना आपुना मन्दे दुसरो लोकुरा बारेते हेवा अनि स्वार्थ किन्तोरिट ते खरोयता विरुद घमेन्ड केमाट अनि खोटाल वळकमाट।

याकुब 5:9

हे बायि-दादालोरक, मियागा न्याय वायमाकि इन्जोर वरोर दुसरोन दोष लावे केमाट। हुळाट हजोर न्याय केवाल प्रगट आयान साटि दरवाजादिगा तयारिते नितितोर।

१ पतरस 3:11

ओर खराबता बुतो तासिस भलायि केविर, ओर शान्तितुन पळकसोर अदेन कियान साटि पकायि कोसिस केविर।

१ पतरस 4:9

बळबडेमायवाय वरोन दुसरोना गिरिदाते पाहुन्चार किम्ट।

यहुदा 1:16

येरक लोकुरक बळबळेमायाना अनि दोष पळकवालोर मन्तोरक, अनि आपुना इच्चा अनुसार ताकवालोर मन्तोरक, अनि येरक घमेन्डता पोल्लोंग वळकान्तोरक, अनि येरक आपुना फायदा साटि दुसरोनसंग चापलुसि पोल्लोंग वळकवाल मन्तोरक।