फिलिप्पि 1:20 - Muria Far Western

²⁰ अदाम नना बोदायि पोल्लोते लज्जा आयोन आयका। मति नना जिवित मनका या नना हायका ते वने येसु मसि नावा जिवनतिगा मुनेटाल लेहकाय इदेक वने हजोर आयनुर इन्जोर नना पकाय हिमते आशा किन्तोना।

फिलिप्पि 1:20 Cross References

युहनाल 21:19

अनि पतरस बदामना हामुरते परमेस्वरना महानता प्रगट कियानुर इन्जोर येसु इव पोल्लोते वेहतुर: असके येसु पतरसिन इतुर, “नावा परके ताकसोर वाय।”

बुतोंग 20:24

मति नना नावा जिवातुन बाताले किमत मन्ता इदाम विचार केवोन। मति प्रबु येसु नाकुन निवळे किता ओद बुतो पुरा कियाना मुक्य पोल्लो मन्ता। परमेस्वरना हजोर दयाता सोबाता पोल्लो सबोय लोकुरकुन वेहान साटि प्रबु येसु नाकुन निवळेकितोर ओद बुतो पुरा कियाना केवल नावा लक्ष मन्ता।

बुतोंग 21:13

मति पोलुस ओरकुन उत्तर हितुर: “निमाट किल्स नावा मन्दुन बाक्या दुःख किन्तोरिट? नना ते प्रबु येसुना पोरोय साटि केवल दोहान साटिय आयो मति येरुसलेमतिगा हायिला वने तयार मन्तोना” इन्जोर इतुर।

बुतोंग 4:31

ओरक इदाम प्रार्थना किस मारिहतुर असके ओरक जमा आस मतोर ओद जागा होले मातु। अनि ओरक सबोय पवित्र आत्माता परिपूर्ण नियत्रणते आतुर अनि परमेस्वरना पोल्लो हिमतते केन्जिहसोर मतोर।

रोमि 12:1

ते नावोर बायि-दादालोरक, परमेस्वर मावा सबोयलोरकुन दया कितोर इन्जोर निमाट आपुना जिवनतुन उन्दि बलिदान लेहका परमेस्वरतुन सबोय रितिते सोपे किस परमेस्वर साटि पवित्र अनि गिरदा आयार इदाम जिवन जिवेमाम्ट। इदे परमेस्वरना आरादना कियाना मिया खरोय रिति मन्ता इन्जोर नना मिकुन विनन्ति किन्तोना।

रोमि 5:5

अनि आशा माकुन बसकेय लज्जा आयिला हेवो बाक्याकि परमेस्वर माकुन पवित्र आत्मा हितोर अनि ओर पवित्र आत्माता द्वारा परमेस्वरना मया मावा मन्दिगा पकाय हितोर।

रोमि 6:13

अनि आपुना मेन्दुलतुन पापता बुतो किस पापता सेवा साटि सोपे केमाट। मति माक हातोरिगाडाल असा जिवेमातोम इदाम समजेमास मिकुन परमेस्वरतुन सोपे किम्ट। अनि आपुना मेन्दुलतुन दारमिकताता सेवाता सादनता रुपते परमेस्वरतुन सोपे किसिम्ट।

रोमि 6:19

नना मिया मेन्दुलता कमजोरिता कारण मानेयता रितिते इन्तोना। निमाट आपुना मेन्दुलतुन व्यभिचार अनि सबोय प्रकारता खराब बुतोता दास इन्जोर मुने सोपेकिस मतोरिट। अदामे इदेक आपुना मेन्दुलतुन पवित्रता साटि दारमिकताता दास इन्जोर सोपेकिम्ट।

रोमि 8:19

बसके परमेस्वर खरोय आपुना मरक बोरक आन्दुर इद प्रगट किहानुर ओद दिया साटि इद सृष्टि पकाय आशाते हर हुळिला आता।

रोमि 9:33

अनि “हुळाट! नना येरुसलेमता सियोनतिगा उन्दि कल इरान्तोना अदेनते पकाय लोकुरक कोदोर हिस ओरक मुटानुरक। अनि अदेनिगा विस्वास कियानुरक ओरक बसकेय लज्जा आयोर आयनुरक” इन्जोर परमेस्वरना पोल्लोतिगा कोटता मन्ता अदेना अनुसार आतु।

१ कुरिन्थुस 15:31

हे नावोर बायि-दादालोरक, मावोर प्रबु येसु मसिनिगा मिया साटि नावा हजोरपण इदे मन्ता: नना दरोज हायानाता दोखाताल दान्तोना

१ कुरिन्थुस 6:20

बाक्याकि परमेस्वर पकाय किमत हिस मिकुन असतोर इन्जोर आपुना मेन्दुलता द्वारा परमेस्वरना हजोरपण किम्ट।

१ कुरिन्थुस 7:34

बोना मरमिंग आता ओर मानेयना विचार रन्ड बासा मन्ता। ओना विचार उन्दि प्रबुनिके अनि उन्दि मुतेनिके मन्ता। इदामे बोदेना मरमिंग आयो ओद आळ या कुवारि नावा मेन्दुल अनि आत्मा पवित्र मन्दान साटि प्रबुना कयदे हियाका इदाम प्रबुना बारेता चिन्ताते मन्ता। मति मरमिंग आता आळ सन्सारता पोल्लोता चिन्ताते मन्ता बाक्याकि नना बदाम आपुना मुजोन गिरदा कियाका इदाम ओद विचार किन्ता।

२ कुरिन्थुस 10:8

अनि प्रबु माकुन हितोर अदिकारता बारेते नना असा बाताले हजोरपण कियाका ते नना लज्जा आयोन आयिका। बाक्याकि मिया नाश कियान साटि आयो मति मिया आत्मिक जिवन बनेहकियान साटि प्रबु माकुन अदिकार हितोर।

२ कुरिन्थुस 3:12

इन्जोर इदाम आशा इरस माक पकायि हिमते वळकान्तरोम।

२ कुरिन्थुस 4:10

येसुना जिवन मावा मेन्दुलतिगा दिसि इन्जोर माक येसुना हायानातुन दरोज आपुना मेन्दुलतिगा अनुभव कियालातोरोम।

२ कुरिन्थुस 5:15

अनि जिवित मन्तोरक ओर लोकुरक इदेक आपुना साटि जिवेमायमाकिर मति बोर सबोय लोकुरक साटि हासुन असा जिवेमातोर ओर मसिना साटि जिवेमायिर इन्जोर मसि सबोय लोकुरक साटि हातोर।

२ कुरिन्थुस 7:14

बाक्याकि नना ओना मुने मिया बारेते बाताले हजोरपण कितान ते लज्जा आयोन, मति माक मिकुन सबोय पोल्लोंग खरोय खरोय वेहच मतोरोम अदामे तितुसिन मिया बारेते मावा हजोरपण कियाना खरोय आतु।

२ कुरिन्थुस 7:4

नाकुन मियागा पकाय विस्वास मन्ता अनि नना मिया लोकुरकनिगा पकाय हजोरपण किन्तोना इदेनते नाकुन पकाय शान्ति वने पुटान्ता अनि आपुना सबोय तकलिपतिगा नना पकाय गिरिदाते मन्तोना।

फिलिप्पि 1:14

अनि विस्वासि लोकुरकनिकेडाल पकाय लोकुरक नना जेहलदिगा मन्तोना इद कारणते प्रबु येसुनिगा असा पकाय हिमत किस येसुना सोबाता पोल्लो बिना वरेते वेहान्तोरक।

फिलिप्पि 2:17

मति प्रबुना पोरोयता मिया विस्वासता कारण निमाट किता ओद सोबाता सेवा परमेस्वर साटि उन्दि बलिदान लेहका मन्ता। परमेस्वर साटि इमान्दारिते ओद सोबाय सेवा किसोर मन्दाना साटि नावा जिवा वने बलिदान हियाला पकाय गिरदा मन्तोना। अनि मिया सबोयसंग गिरदा किन्तोना।

कुलुसि 1:24

इदेक मिया साटि पकाय तकलिप मन्ता इन्जोर नना गिरदा आतोना अनि इद पकाय तकलिपतुन सहेनकियाना जिमेदारि येसु मसिनिकेडाल ओना मेन्दुल मन्ता ओना मसिलोकुरा सभा साटि नावा मेन्दुलतिगा पुरा किन्तोना।

१ तिस्लुनि 5:23

अनि शान्ति हिसोर परमेस्वर मिकुन पवित्र बनेहकेविर, मिया आत्मा, मिया जिवा अनि मिया मेन्दुलतुन मावोर प्रबु येसु मसिना दुसरो बेरा प्रगट आयानपा पुरा निरदोष बनेकिसुन ओना मुने प्रगट आयान साटि मिकुन सुरक्षित मनि।

१ पतरस 4:16

मति मसि आयानाता कारण पकायि तकलिप पुटहिर ते लज्जा आयमाकिर, मति निमाट मसिलोकुरक आन्दिट इन्जोर परमेस्वरना महिमा कियाला पहाजे।

१ युहनाल 2:28

इन्जोर हे बालक, बसके ओर प्रगट आयनुर असके माक हिमत आयि ओना मुने लज्जा आयमाकि इन्जोर येसुनासंग मन्ट।