फिलिप्पि 1:11 - Muria Far Western

¹¹ अनि येसु मसिताल पुटिहच परमेस्वरना मुने येताना योग्य बुतोंगता सोबाय गुणक आपुना जिवनते येचुन आपुना बुतोते प्रगट कियाकिट अनि अदेनते परमेस्वरना महिमा अनि स्तुति आसोर मनि इन्जोर नना इद प्रार्थना किन्तोना।

फिलिप्पि 1:11 Cross References

मत्ति 5:16

अदामे दुसरो लोकुरक मिया सोबाय बुतोतुन हुळसुन स्वरगतिगा मन्तोर मिया बाबोना महिमा केविर इन्जोर मिया वेळिचि मानेयकना मुने मान्जि।”

युहनाल 15:16

अनि निमाट नाकुन आचविट मति निमाट हन्जुन सोबाय बुतो किम्ट अनि मिया सोबाय बुतोता कायांग दरोज मियासंग मनि इन्जोर नना मिकुन आचतोना। इदाम कियाकिट ते निमाट नावा पोरोयते बारायि बाबोन तलकिकिट ते ओर मिकुन हियानुर।

युहनाल 15:2

अनि नावागा मन्तांग हादोंग ओद सबोय कोहकुन ओर कदिस वाटान्तोर, अनि बोद हादिन्तांग अदेन असा सोबाय कायांग हादिला पहाजे इन्जोर ओर पोरो पोरोडाल कदियान्तोर।

युहनाल 15:8

अनि निमाट पकाय कायांग हादिहकिट ते नावोर बाबोन हजोर मान पुटान्ता, अदाम निमाट नावोर चेला ठहरे मायकिट।

रोमि 15:28

इन्जोर नना इद बुतो पुरा किस मन्जे इद दान ओरा कयदे सोपेकिस मिकुन मिलेमास इसपानिया देशतिगा दाका।

रोमि 6:22

मति इदेक पापताल स्वतन्त्र आस अनि परमेस्वरना दास आयानाता कारण निमाट पवित्रतातुन पुटिहतोरिट। अदेना परिणाम अनन्त जिवन मन्ता।

१ कुरिन्थुस 10:31

इन्जोर निमा बातालाय तिन या उन्ड या बाताले किम ते ओद परमेस्वरना महिमासाटि किम।

२ कुरिन्थुस 9:10

मति विजा वीतवालेन विजा अनि तिन्दान साटि रोटि परमेस्वर हिन्तोर। ओर परमेस्वर मिकुन वीतान साटि विजा हियानुर अनि ओद विजातुन हादिहनुर अनि सबोय मन्दे हियाना मिया मन्दुन परमेस्वर आशिष किस बरसाहनुर।

इफिसुस 1:12

मुनेटाले मसिनिगा आशा इरस मता माक ओना पकाय हजोर महिमाता स्तुति आयान साटि इदाम कितुर।

इफिसुस 1:14

परमेस्वर आपुना लोकुरा संपुर्ण पिसाना साटि मावा वारिसता बयाना मन्ता इन्जोर पवित्र आत्माता द्वारा ओर माकुन शिक्का किस मतोर। ओना महिमाता स्तुति आयि।

इफिसुस 2:10

बाक्याकि माक ओनोर बनेहकितोर मन्तोरोम। माक सोबाय बुतो कियाला पहाजे इन्जोर परमेस्वर येसु मसिना द्वारा माकुन पुनाल जिवन बनेहकितुर; माक पकाय सोबाय बुतो किसोर आपुना जिवन ताकिहिला पहाजे इन्जोर परमेस्वर मुनेटाले योजना तयार कितोर।

इफिसुस 5:9

(बाक्याकि वेळिचितिगा मन्वालोर लोकुरा बुतोता कायांग सबोय प्रकारता भलायि अनि दारमिकता अनि खरोय मन्ता।)

फिलिप्पि 4:17

नना असा दानता इच्चा किन्तोना इदाम आयो मति निमा इदाम हियानाता द्वारा परमेस्वरताल आशिष मिकुन पुटहिला पहाजे इदाम नावा इच्चा मन्ता।

कुलुसि 1:10

निमाट प्रबुना योग्य चाल-चलन किस पवित्र आत्मा हिन्तोर ओद सबोय ग्यान अनि समजेमायानातासंग परमेस्वरना इच्चातुन पुरा रितिते पुन्ज मियागा सबोय प्रकारतांग भल्लो बुतोता कायांग प्रगट किस सबोय प्रकारते ओन प्रसन्न किस निमाट परमेस्वरिन बराबर पुन्ज बरसोरिंग हन्ट।

कुलुसि 1:6

निमाट अदे सोबाता पोल्लो केन्जतिट अनि परमेस्वरना दयाता बारेता खरोयतुन सबोय रितिते समजेमातोरिट ओद दियाताल मिया जिवन बदाम बदलेमातु अनि परमेस्वरना स्वभावतुन मिया जिवाते सोबाता कायांग लेहका प्रगट किन्ता अदामे सबोय जागातिगा वने ओद सोबाता पोल्लो लोकुरा जिवनतुन बदलेहकिस सोबाता कायांग ततसोर मन्ता।

२ तिस्लुनि 1:12

अनि मावोर प्रबु येसु मसिना पोरोय मियागा महिमा आयि अनि निमाट येसु मसिनिगा महिमा आम्ट अनि ओद महिमा मावोर परमेस्वरना दयाताल अनि प्रबु येसु मसिनिकेडाल वान्ता।

तितुस 3:14

अनि ओरक सोबाय बुतो केविर इन्जोर निमा सबोयलोर विस्वासि लोकुरकुन करहा, बाक्याकि ओरक वरोन दुसरोना जरुरितुन पुरा केविर, अनि इदाम ओरक बिना फयदाते मनमाकिर।

यहुदि 12:11

अनि बोरे माकुन दन्ड किस सुदरे कियाना ओद बेरा ओद गिरदाता पोल्लो आयो मति दुःखताय पोल्लो आस लागान्ता, ते वने अदेन सहन किसोर किसोर पका आतोरक सबोय लोकुरकुन शान्तितासंग परमेस्वरना मुने येताना योग्य बुतो किया परान्तोरक।

१ पतरस 2:12

बोर येसु मसिनिगा विस्वास केवोर ओर लोकुरासंग निमाट जिवित मन्दानपा मिया चाल-चलन सोबाय मनि। ओर मिकुन बोव बोव पोल्लोतिगा खराब बुतो केवालोरक इदाम दोष लावेकिस बदनाम किन्तोरक, ओरक मिया सोबाय बुतोतुन हुळस परमेस्वर माकुन न्याय कियाना ओद दिया परमेस्वरना महिमा केविर।

१ पतरस 2:5

निमाट वने आपुनास जितो कल लेहका आत्मिक लोन आस बनेमासोर दान्तोरिट, अनि येसु मसिना कारण परमेस्वरतुन स्विकार मन्ता ओद आत्मिक बलि कियान साटि योग्य याजकलोरा पवित्र समाज आस बनेमासोर दान्तोरिट।

१ पतरस 2:9

मति निमाट ते अन्दकारताल आपुना अत्भुत वेळिचितिगा मिकुन केयतोर ओना गुणांग प्रगट कियान साटि आचतोर वरोर वंश, अनि राजालना याजक लोकुरा समाज, अनि पवित्र लोकुरा दल, अनि परमेस्वरना निच लोकुरक आन्दिट।

१ पतरस 4:14

अनि मसिना पोरोय साटि मिया निन्दा आन्ता ते निमाट धन्य मन्तोरिट, बाक्याकि महिमाता आत्मा मन्जे परमेस्वरना आत्मा मियागा वास मन्तोर।