फिलिप्पि 1:10 - Muria Far Western

¹⁰ इदाम निमाट सोबाय अनि खराबतुन समजेमास दरोज भलायितुन आचोर हन्ट अनि मसिना असा मल्स वायाना दियांगवनाह आपुना जिवनते पवित्र बनेमास बोरायि मिकुन दोष हेमाकिर,

फिलिप्पि 1:10 Cross References

मत्ति 16:23

येसु पतरसतुन हुळस, “निमा सयतान लेहका वळकान्तोन, नावा मुनेटाल लक आम; निमा परमेस्वरना योजनाता विरोद किन्तोन; बाक्याकि निमा परमेस्वरना विचार लेहका आयो मति मानेयकना लेहका विचार किन्तोन” इदाम इतुर।

मत्ति 26:33

असके पतरस, “सबोय लोकुरक निया विस्वास तासिस निया हेरेटाल वितानुर ते वने नना निया विस्वास तासोन आयका” इन्जोर उत्तर हितुर।

युहनाल 1:47

येसु नतन्येलतुन आपुनिके वायाना हुळसि ओना बारेते इतुर, “हुळा येर खरोय इस्रयेलि आन्दुर: येनागा बोदे कपट हिले।”

युहनाल 3:20

बाक्याकि बोरायि पाप किन्तोर ओर वेळिचिता विरोद किन्तोरक अनि ओरा खराब बुतो लोकुरा मुने प्रगट आयार इन्जोर वेळिचिता हेरे वायोर।

बुतोंग 24:16

इन्जोर परमेस्वरना मुने अनि मानेयना मुने खरोय मन्ता इदाम नना विस्वास किन्तोना ओद पोल्लो कियान साटि नना दरोज आपुनास कोसिस किन्तोना।

रोमि 12:2

अनि निमाट इद सन्सारता लोकुरक लेहका बनेमायमाट मति परमेस्वरतुन मिया मन्दुन बदले किया हिम्ट। अनि ओर मिकुन पुनाल मानेय बनेकियानुर असके परमेस्वर साटि सोबाय अनि ओना गिरदा कियाना बुतो बाताल मन्ता इन्जोर मिया बारेता ओना सबोय इच्चातुन मिकुन समजेमायार।

रोमि 12:9

निमाट वरोर दुसरोन खरोय मन्दे मया किम्ट। खराब बुतोतुन विरोद किम्ट अनि सोबाय बुतोतुन गिरदाते किसोर मन्ट।

रोमि 16:17

हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना।

रोमि 2:18

अनि निकुन नियमताल करिहतोर इन्जोर निमा बाताल कियाला पहाजे ओद परमेस्वरना इच्चातुन सोबाय पुन्तोन अनि मुक्य पोल्लोनुंग मानेमान्तोन ते,

रोमि 7:16

अनि नना बोद पोलो कियाना इच्चा केवोन ओदे गलति पोल्लो किन्तोना ते नियम सोबाय मन्ता इन्जोर नना मानेमान्तोना।

रोमि 7:22

अनि नावा मन्दे परमेस्वरना नियम पालन कियान साटि पकाय गिरदा मन्ता।

रोमि 8:7

पापि स्वभावता अनुसार जिवे मान्तोरक ओर लोकुरक परमेस्वरना दुश्मन मन्दानुरक बाक्याकि ओरक परमेस्वरना नियमता अदिकारते मनोरक अनि परमेस्वरना नियमता अदिकारते मन परोरक।

१ कुरिन्थुस 1:8

मावोर प्रबु येसु मसि न्याय कियान साटि असा मलस वायाना दिया निमाट निरदोष मनकिट इन्जोर परमेस्वर मिकुन आकरिवनाह मजबुत इरानुर।

१ कुरिन्थुस 10:32

यहुदिलोकुरक साटि अनि यहुदि आयोर लोकुरक साटि अनि मसिलोकुरा सभातुन साटि बोदे दोखाता कारण निमाट बनेमायमाट।

१ कुरिन्थुस 8:13

इन्जोर इद बलि हिता चिज तितेक मसिनिगा विस्वास कितोर नावोर तमोन दुःख आन्ता अनि इदेनते ओन पाप किन्तोर। नावोर तमो पापतिगा अरमाकिर इन्जोर नना मूरतिता मुने बलि हिता हविंग बसकेय तिनोन।

२ कुरिन्थुस 1:12

माक इद दुनियातिगा, खास किस मिया नडुम, मेन्दुलता ग्यान ते आयो मति परमेस्वरना दयातासंग, पवित्रता अनि इमानदारितासंग परमेस्वरना योग्य चालचलन कितोम इन्जोर मावा मन्दा गवाहितिगा माक हजोरपण किन्तोरोम।

२ कुरिन्थुस 2:17

बाक्याकि आपुना फायदा साटि परमेस्वरना पोल्लोतिगा बाताले मिलेकिस वेहान्तोरक पकाय लोकुरक लेहका माक आयो। मति परमेस्वरिन मुने खरोय मन्दते अनि परमेस्वर निवळे कितोर इदाम समजेमास मसिना अदिकारते माक वळकान्तोरोम।

२ कुरिन्थुस 6:3

येसु मसिना सोबाता पोल्लो वेहाना मावा बुतोतुन बोरे दोष हेमाकिर इन्जोर माक बोदे पोल्लोतिगा बोनाय तकलिप आयार इदाम बोदे सन्दि हेवोम।

२ कुरिन्थुस 8:8

इद नना आग्या लेहका आयो मति दुसरो लोकुरकुन मदत कियाना साटि मिया मया बचोन खरोय मता इदाम परिक्षा किस तोहान साटि मन्ता।

गलाति 5:11

मति हे बायि-दादालोरक, नना इदेकवनाह कतनाता प्रचार किन्तोना ते नाकुन बाक्या पकाय तकलिप हियाला आतोरक? येसु मसि कुरुस पोरो मावा पापताल पिसान साटि हातोर इन्जोर प्रचार कियानुर ते बोरे नाकुन विरुद केवोर आयनुर।

इफिसुस 4:15

मति मयातिगा दुसरो लोकुरकुन खरोय करिहिनातुन वळकस सबोय पोल्लोतिगा येसु मसिना लेहका बरसोरिंग हन्ट ओर येसु मसि आपुना विस्वासि लोकुरकुन नियन्त्रन किन्ता तला लेहका मन्तोर। विस्वासि लोकुरक ओना मेन्दुल लेहका मन्तोरक।

इफिसुस 5:10

अनि प्रबुन गिरदा कियाना पोल्लो बाताल मन्ता इदेन निमाट समजेमाम्ट।

इफिसुस 5:27

बाक्याकि अदेन बोदायि डाग, कोमजेमाता अनि इदाम बोदायि प्रकारता दोष मनमाकि। मति पवित्र अनि निरदोष आस आपुना साटि उन्दि मसिलोकुरा उन्दि मान्जता सभा बनेहकिस आपुना हेरे मन्दान साटि अदेन आपुनतुन सोपे कितुर।

इफिसुस 6:24

बोर मावोर प्रबु येसु मसिनिगा बसके अन्त आयो आयार इदाम मया इरान्तोर ओरक सबोय लोकुरासंग दया आसोर मनि।

फिलिप्पि 1:16

मसिना सोबाता पोल्लोता रक्षण कियान साटि नना इगा जेहलतिगा मन्तोना इन्जोर पुन्जुन येर लोकुरक मयाते इदाम किन्तोरक।

फिलिप्पि 1:6

इन्जोर, परमेस्वर मियागा सोबाय सेवा कियाना सुरु कितोर, ओर अदेन येसु मसिना असा मल्स वायानावनाह कियानुर अनि ओना असा मल्स वायानाते ओद बुतो पुरा आयार इन्जोर नाकुन इद पोल्लोता बारेते भरोसा मन्ता।

फिलिप्पि 2:16

इदाम निमाट कियाकिट ते नना मिया साटि किता ओद सबोय बुतो अनि मेहनत बेकार हनो इन्जोर येसु मसिना असा मल्स वायाना दियांग इद हुळस मिया हजोरपण किया परका।

१ तिस्लुनि 3:13

अनि बदाम मावोर प्रबु येसु आपुना पवित्र लोकुरासंग वायनुर असके निमाट बाबो परमेस्वरना मुने पवित्र जिवाते निरदोष आयिर इन्जोर मिया मन्दुन प्रबु स्थिर केविर।

१ तिस्लुनि 5:21

अनि सबोय पोल्लोतुन परिक्षाकिसुन सोबाय पोल्लोतुन पयिस मन्ट।

१ तिस्लुनि 5:23

अनि शान्ति हिसोर परमेस्वर मिकुन पवित्र बनेहकेविर, मिया आत्मा, मिया जिवा अनि मिया मेन्दुलतुन मावोर प्रबु येसु मसिना दुसरो बेरा प्रगट आयानपा पुरा निरदोष बनेकिसुन ओना मुने प्रगट आयान साटि मिकुन सुरक्षित मनि।

१ युहनाल 4:1

हे प्रिया गोतियालोरक, पकाय खोटाल परमेस्वरना पोल्लो वेहवालोरक दुनियातिगा पसियतोर इन्जोर परमेस्वरना आत्माताल पुटतु इदाम वेहचुन बोरे करिहता बोदे पोल्लोतिगा सान्डेय विस्वास केमाट। मति पकाय ध्यान किस ओद करिहना परमेस्वरनिकेडाल मन्ता या हिले इन्जोर विचार किस समजेमायिला पहाजे।

युहन्नानिन प्रबु येसु मसि तोहतांग वायवाल मन्तांग ओव पोल्लोतांग वर्णन 2:2

नना निया बुतोंग, अनि निया मेहनत, अनि निया पोसोरिंगे सहेन कियाना पुन्तोना; अनि निमा खराब लोकुरकुन सहेन किया परवि, अनि येसु मसिना खास चेलालोरक आयोर ते वने आपुनतुन येसु मसिना खास चेलालोरक इदाम खोटाल इन्वालोर लोकुरकुन परिक्षा किस ओरक खोटाल इदाम समजेमातोरिट।