Daniyel 3:1 - Fulfulde Bible

¹ Laamiiɗo Nabukodonosor umri waɗugo suura kaŋŋeeri. Towirka maaka, baakin meetir cappanɗe tati, njaajirka maaka boo baakin meetir tati. O darni ka haa waadiwol Duura nder lesdi Baabila.

Fulfulde DC Bible

¹ Laamiiɗo Nabukodonosor umri waɗugo suura kaŋŋeeri. Towirka maaka, baakin meetir cappanɗe tati, njaajirka maaka boo baakin meetir tati. O darni ka haa waadiwol Duura nder lesdi Baabila.

Daniyel 3:1 Cross References

Habakuk 2:19

Bone laatanto bi'anɗo leggal: “Fin!” Malla hayre muukaare: “Umma!” Lawru waawi ekkitingo na? Yaasi maaru takkaama bee kaŋŋeeri e cardi, ammaa ngeendam walaa nder maaru koo seɗɗa.

Yeremiya 16:20

Goɗɗo waawan waɗango hoore mum ɗowanteeɓe na? Alhaali boo naa ɗum ɗowanteeɓe bee gooŋga!”

Esaaya 46:6

Yimɓe maɓɓitan boorooji muuɗum'en, ngurtinan kaŋŋeeri, ɓe awnan cardi bee awnorɗum. Ɓe njoɓan tappoowo kaŋŋeeri haa o wartira ɗum lawru. Nden ɓe teddina ndu, ɓe cujidana ndu.

Hose'a 8:4

Ɓe laamini laamiiɓe, ammaa naa dow umroore am. Ɓe ndarni ardiiɓe bilaa anndaaŋgal am. Ɓe mbaɗi labbi bee cardi e kaŋŋeeri maɓɓe. Bana nii Isra'iila ɗaɓɓiri halkere maɓɓe.

Kuuɗe Nelaaɓe 19:26

Onon bee ko'e mon on ɗon ngi'a, on ɗon nana ko Pol oo waɗata. O ɗon wi'a ɗowanteeɓe ɓe yimɓe mbaɗata laataaki ɗowanteeɓe sam, haa ɗuuɗɓe nder Efesus ɗo e ɓurna lesdi Asiya fuu njaɓi ɗum, tokki laawol maako.

Kuuɗe Nelaaɓe 17:29

Nde nii en danygol maako, taa en numa Allah nanndi bee suuraaji ɗi kaŋŋeeri e cardi malla hayre ko yimɓe mbaɗata bee hakkiilo e baawal muuɗum'en.

Esaaya 2:20

Nyalaade man yimɓe koo'an labbi muuɗum'en ɗi cardi e kaŋŋeeri, ɗi ɓe mbaɗino ngam sujidango ɗi, ɓe cakkina ɗi caka doombi e bilwili.

Jabuura 135:15

Labbi ummaatooje ɗi kuuwraama cardi e kaŋŋeeri, juuɗe yimɓe mbaɗi ɗi.

1 Laamiiɓe 12:28

Ɓaawo heɓugo sawari, laamiiɗo waɗi nga'oy kaŋŋeeri ɗiɗoy. O wi'i yimɓe: “Nde ɗuuɗɗum on njehi Urusaliima, Isra'iila'en, ndaa ɗowanteeɓe mon, wurtinɓe on lesdi Misra.”

Daniyel 5:23

A mawniti dow Jawmiraawo mo asama. Ɓe ngaddani ma njardukoy koy a hooci diga haykaliiru maako. An e mawɓe ma e rewɓe ma e sulaaɓe ma, on njardi inaboojam bee maakoy, on maŋgti labbi kuuwraaɗi bee kaŋŋeeri e cardi e njamndi mboɗeeri e njamndi ɓaleeri e leggal e hayre, ɗi ngi'ataa, ɗi nanataa, ɗi anndaa koo ɗume. Ammaa a teddinaay Allah jogiiɗo yoŋki ma e laabi ma fuu haa juŋngo muuɗum.

Daniyel 2:48

Nden o teddini Daniyel, o saahi mo dokke mawɗe ɗuuɗɗe. O waɗi mo ngomna dow taƴre Baabila e ardiiɗo mawɗo dow hikma'en Baabila fuu.

Yeremiya 10:9

Cardi ngam labbi maɓɓe iwi haa Tarsis, kaŋŋeeri boo haa Ufas. Baɗoowo sanaa'a e kilaajo mbaɗi ɗi. Ɗi ɗon ɓorni limce carwinaaɗe e boɗeeje, baɗaaɗe bee juuɗe waawɓe.

Esaaya 30:22

Labbi mon cuddaaɗi bee cardi, on karminan ɗi, non boo labbi mon ɓolinaaɗi, kuuwraaɗi bee kaŋŋeeri. A sakkinan ɗi bana limce tunwuɗe, a wi'an: “Haa yaasi!”

Tooktaaki Tawreeta 7:25

Ngule suuraaji labbi maɓɓe. Taa cuune cardi e kaŋŋeeri ngonndi haa labbi man, taa kooce ndi. To naa non, on nastan nder tuuforgol, ngam ɗum nyidduɗum haa Jawmiraawo, Allah mooɗon.

Gurtaaki 32:31

Muusa lorti haa Jawmiraawo, wi'i mo: “Kayto, yimɓe ɓe'e mbaɗi hakkewol maŋngol! Ɓe mbaɗani ko'e maɓɓe ɗowanteeɗo bee kaŋŋeeri.

Gurtaaki 20:23

Taa mbaɗane ko'e mon labbi ɗi cardi malla kaŋŋeeri, taa kawte ɗi bee am.

Wahayu Yuhanna 9:20

Bee non fuu yimɓe luttuɓe ɓe masiibooji ɗi'i mbaraay, tuubaay dow kuuɗe muuɗum'en. Ɓe accaay sujidango ginnaaji e labbi kuuwraaɗi bee kaŋŋeeri e cardi e njamndi mboɗeeri e kaa'e e leɗɗe, ɗi mbaawataa laarugo koo nanugo e yahugo.

Daniyel 3:30

Ɓaawo man laamiiɗo ɓesdi mawningo baawɗe Sadarak e Meesak e Abed-Nego dow taƴre lesdi Baabila.

Asta 1:1

Ndaa ko laati nder zamanu Ahasuwerus: Wakkati man o laamani lesɗe teemerre e noogas e joweeɗiɗi (127), diga Indiya haa yotti Etiyopiya.

Daniyel 3:14

Nden o ƴami ɓe: “Sadarak e Meesak e Abed-Nego, gooŋga on cali teddingo ɗowanteeɗo am e sujidango suura kaŋŋeeri ka ndarnumi na?

Daniyel 5:4

Ɓe njari inaboojam, ɓe maŋgti labbi kuuwraaɗi bee kaŋŋeeri e cardi e njamndi mboɗeeri e njamndi ɓaleeri e leggal e hayre.

Hose'a 2:8

Ngam maajum cukkanmi laawol maako bee gi'e, mi maɓɓan ngol bee paddirɗum, ngam taa o heɓta laabi maako.

Daniyel 2:49

Dow ƴamol Daniyel, laamiiɗo waɗi Sadarak e Meesak e Abed-Nego ardiiɓe mawɓe dow taƴre Baabila. Ammaa Daniyel bee hoore muuɗum jooɗi haa laamorde.