पिलिपिया 4:6 - पवित्र पोल्‍ले

⁶ बदे पोल्‍लेक पिकिर कियमट, गानि अन्‍नि पोल्‍लेनहाटीं पेनदुक पारतना कीसि मीवा अव्‍सरमतुन वेहाटु, दन्यवाद कीसि दान तल्‍कट.

पिलिपिया 4:6 Cross References

मत्‍तयाल 10:19

वळकानोर मिमेट आयो मीलोप्‍पो मनना पेनबाबाना आत्मा आंद. अदुनहाटीं मीकुन बस्के अय्ते ओरा कय्‍दे अप्‍पजेपंतुरो अस्‍के अगा बतल वळ्कना, बतल वळ्‍कानायो इंचि रंदि कियमट. वेलापोर्रेन मिमेट बतल वळकुगोमो अद मीकु पेन वेहंता.

मत्‍तयाल 13:22

बोर अय्ते पेनदा पोल्‍लेतुन केंजांतोर गानि सम्‍सारमता रंदि, दनमता आस्‍ति, इसोंटा विचाराल्क ओर केंजता पोल्‍लेतुन ओनालोप्‍पो बेर्सा हिय्यों. अस्‍के अद पोल्‍लेताल बतल पायदा आयो. असंटोर इत्‍ते, विज्‍जां अरता हाह्कुना पोदाना जेगातसंटोर आंदुर.

मत्‍तयाल 6:34

बस्केळक बद्‍दना बद रंदि मनंता. इंचि नाडीता रंदि इयालेन कियमट. नाडीता रंदि नाडीताहाटीं होळसीम्टु.

मत्‍तयाल 6:8

गानि मिमेट ओरा लेह्का आयमट. बारित्‍ते मीकु बतल गावालेनो अद तल्कका मुन्‍नेन पेनदुक एरपाट मनंता.

लूकाल 10:41

अस्‍के सामि दानकु इल्‍हा जवाब हीतोर. “मार्ता, निमे वेल्‍लेन कबाह्‍कुना बारेमते विचारम कीसि गाबर आंतिन.

लूकाल 12:22

पजा येसु ओना सिस्युल्कुंक इल्‍हा वेहालय दल्‍गतोर: “नना मीकु वेहनद बतल इत्‍ते, जीवा तिंडिकन्‍ना मुक्‍केम, मेंदुल कपडींकन्‍ना मुक्‍केम आंदु. इंचि पिस्‍सनाहाटीं तिनकोम बतल, उनकोम बतल, इंका मेंदुल्ताहेंका केर्कोम बतल इंचेके रंदि कियमट.

लूकाल 12:29

अदुनहाटीं बतल तिंदकोम, बतल उंडकोम इंचेके मिमेट रंदि कियमट. अल्‍हेने अवुन दोर्किच्‍कुनाहाटीं गाबरगुडा आयमट.

लूकाल 18:1

पजा येसु ओना सिस्युल्कुन, “रोज पारतना कीसेके मंदानां, पारतना कियानाहाटीं बस्‍केने पजोळ्क आयामन्‍नि,” इल्‍हा इंचि उंदि वेसुडि वेहातोर.

लूकाल 18:7

पेन पेरकुत्‍ता लोकुल्‍क न्‍यायम आयागोम इंचि नर्का-पल्‍हिं पेनदुन पारतना कीसेक मनांतुर, पेन ओर्क सहाय्यम कियालय आलसेम किय्‍यारा?

1 कुरेंति 7:21

निमे गिंटा दास आसि मत्‍तस्के पेन केयते, निमे अदुना पिकिर कियमा. गानि अव्टेटाल इळबळाना मोका वाते, दाना पायदा एता.

1 कुरेंति 7:32

मिमेट बदे पोल्‍लेते पिकिर किया मनि इंचि नना इनकुंचेके मंतन. मरमिं आयवोर पेनदुन बल्हा कूस इर्राना इंचि पेनदा पोल्‍लेना पिकरते मनंतोर.

2 कुरेंति 1:11

वेल्‍लेटोरा पारतनाहेंदाल पेन मापोर्रो दया हुपिच्‍चि माकुन पिसागोटता, अदुनहाटीं वेल्‍लेटुर लोकुल्‍क माहेंदाल पेनदुक दन्यवाद कीसेक मंतुर. अय्ते मिमेटगुडा अंटोर कूळसि माहाटीं पारतना कीसि माक सहायम कीम्‍टु.

इपीसि 5:20

अन्‍नि पोल्‍लेनाहाटीं, मना सामि येसु किरिस्‍तुना पोरोलते मना पेनबाबांक बस्‍केळ्‍क दन्यवाद कीसेके मंटु.

इपीसि 6:18

अन्‍नि वेलाने पवित्र आत्माते बस्‍केळ्‍क पारतनां, विनंतिं कीसेके मंटु. इंका अंटोर विस्‍वासुल्‍कुनाहाटीं आगाकोंटा बस्‍केळ्‍क पारतना कीसेके मंटु.

कुलुसि 3:15

मीवा मनसुने किरिस्‍तुना सांतिता राज्येम ताकिकांटी, इदुनहाटींगे मीकुन उंदि मेंदुल आसि केयमळ जर्गता. पेनदुक बस्‍केळ्‍क दन्यवाद कीम्‍टु.

कुलुसि 3:17

अचोने आयाका, पोल्‍ले आयि, कबळ आयि बतल किय्‍यिना मिमेट सामि येसुना पोरोलतेन कीम्‍टु. ओनाहेंदाले पेनबाबांक दन्यवाद कीम्‍टु.

कुलुसि 4:2

मिमेट बस्‍केळ्‍क पेनदुक पारतना कीसेके मंटु. दानकु दन्यवाद कीसेके जेगर्ताते मंटु.

1 तिमोति 2:1

अन्‍निटकन्‍ना मुन्‍ने नना नीकु विनंति कींतन गदा, पेनदुक विनंति कियनेंके, पारतना कियनेंके, वरोनाहाटीं वरोर पारतना कियनेंके, दन्यवाद कियनेंके अंटोर लोकुराहाटीं कियगोम.

1 तिमोति 5:5

बद मुरतळ अय्ते निजमते मुंडामोसि, बोरे दिक्‍कु हिलाका उंदे मनंता, अद मुरतळ दाना आसे पेनदापोर्रो इर्सि, नर्का-पल्हीं पेनदुक विनंतिं, पारतनां कीसेके मनंता.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

1 पत्रु 5:7

पेन मीवा रंदि कींता, अदुनहाटीं मीवा अन्‍नि रंदिं अदुनपोर्रेन होळसीम्टु.