पिलिपिया 4:4 - पवित्र पोल्‍ले

⁴ मिमेट सामिना लोप्पो बस्‍केळ्‍क कुसिते मंटु, नना मर्रा इदे पोल्‍ले वेहासेक मंतन मिमेट बेस कुसिते मंटु.

पिलिपिया 4:4 Cross References

मत्‍तयाल 5:12

मीकन्‍ना मुन्‍नेटा पेनदा कबुरतोर्कुनगुडा लोकुल्‍क इल्हेने तकलिप कीतुर. अदुनहाटीं मिमेट कुसिते मंटु, आनंदमते मंटु. स्वर्गमते मीकु पेद्‍दा इनाम दोर्कंता.”

प्रेरितुल्‍कुना कबाह्‍क 16:25

नळजाम नर्काटा वेलाते पौलुस, सिलास पेनदा स्‍तुति पाटां पारसेके, पारतना कीसेक मत्‍तुर. जेलने मत्‍ता वेरेतोर केंजसेके मत्‍तुर.

प्रेरितुल्‍कुना कबाह्‍क 5:41

प्रेरितुल्कुन होळसीतस्के, येसुना पोरोलताहाटीं मोमोट देब्बां तित्‍तोम, इंचि बेस आनंदमते पंचादिताल पेय्सि होत्‍तुर.

रोम सहरतोरहाटीं पौलुसना सिट्‍टि 12:12

पेन हीता आसेते मिमेट बस्‍केळ्‍क कूस मंटु. तिप्‍पल्‍क वायिनागानि पजोळ्क होनाकोंटा ओर्सकुंटु. बस्‍केळ्‍क पारतना कीसेके मंटु.

2 कुरेंति 6:10

मोमोट दुक्‍कमतेगुडा बस्‍केळ्‍क आनंदमते मनंतोम, मोमोट गरिब मनिनागानि वेल्‍लेटोर्कुन पेनदा लोप्पो सिरमंतुल्‍क कींतोम. महगा बतल हिलाकोन्‍ना गानि अन्‍नि मत्‍तापे मंतोम.

गलातिया 1:8

ओक्‍कला मोमोट आयि स्वर्गमताल वाता पेनदा दूता आयि, मोमोट मीकु वेहता बेसता कबुर तप्‍पा इंका वेरे कबुर वेहानय्ते, असंटोर्कुन पेन नासडेम कीसि पोहि.

पिलिपिया 2:18

इल्‍हा मिमेट इरगा कूस मंटु, मीवातोनि ननागुडा कूस मनंतन.

पिलिपिया 3:1

विस्वासुल्‍कुनिटा! आकिरते नना इंकुंदि मल्का वेहांतन, पेनदापोर्रोटा मीवा विस्वासमते मिमेट कूस मंटु. रासता पोल्‍लेंगें ऊके-ऊके रासालय नाक बतल तकलिप आयो. बारित्‍ते इव पोल्‍लें मीकुन तप्‍पुड बोदानाल कापाळंतां.