पिलिपिया 4:19 - पवित्र पोल्‍ले

¹⁹ नना सेवा कियना पेनदागा मनाकु गावाले मत्‍तादुंकन्‍ना एक्‍को संपत्‍ति मंता. अदुनहाटीं मनाकु बतल अव्‍सरम मनिनागानि, मनम किरिस्‍तु येसुना लोकुल्‍क आताहाटीं पेने दाना महिमाहेंदाल अदुन पूरा कींता.

पिलिपिया 4:19 Cross References

मत्‍तयाल 6:32

विस्वासम कियवोरगुडा इव गावाले इंचि तनलाळसेक मनांतुर. गानि मीकु इव अन्‍नि गावाले इंचि स्वर्गमते मनना मीवा पेनबाबांक एर्के मंता.

योहान 20:17

अस्‍के येसु, “इदवेरदाका नना बाबानगा होना हिल्‍लेन. निमे नाकुन इट्‍टुमा, गानि नावा तम्मुह्कुनगा होंचि इल्‍हा वेहा: नना नावा बाबाल आनि मीवा बाबाल, इंका नावा पेन आनि मीवा पेनदागा पोर्रो होंचंतन, इंचि ओर्क वेहा,” इंचि दानकु वेहतोर.

योहान 20:27

पजा येसु तोमान, “तोमा, नावा कय्‍दा पुनकुने नीवा वेलु इर्सि हूळा. नीवा कय हाह्‍चि, नावा पक्‍काक मनना गोर्का बर्राते नीवा कय इर्रा. निमे अनमानमते मन्‍मा, विस्वासम कीम,” इंचि वेहतोर.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

रोम सहरतोरहाटीं पौलुसना सिट्‍टि 11:33

ओहो, मावा पेनदा दनम, बुद्‍दि आनि तेल्वि बच्‍चोन पेद्‍देद आंद! अद बल्हा न्‍यायम कींता, बस्के कींता, इदुन बोरे एरपाट किया पर्रोर. दाना हर्रि बोर्के तेळियो.

रोम सहरतोरहाटीं पौलुसना सिट्‍टि 2:4

हिलाकोंटे दाना दया, ओप्के आनि मापितुन गम्मत इन्कुंचंतिरा? निजम बतले इत्‍ते, मिमेट मनसु मार्सकुनना इंचि पेने मीवापोर्रो दया हुपिस्‍ता, इद मीकु तेळियोना?

रोम सहरतोरहाटीं पौलुसना सिट्‍टि 8:18

नना मीकु इद बारि वेहचंतन इत्‍ते, मनाकु इंदके तकलिपकु, दुक्‍काल्क वांतंगे, गानि वायाना कालमते पेन दाना महिमाता वेलगुन हीसि बच्‍चोन मनाकु कदर हिय्यार, दाना मति कीते इंदकेटा तकलिपकु बग्‍गेन दल्‍गों इंचि नना इनकुंचंतन.

रोम सहरतोरहाटीं पौलुसना सिट्‍टि 9:23

पेन अल्हा ओप्के पीसि बारि मत्‍ता इत्‍ते, पेन दाना महिमा आनि दया बच्‍चोन बेसतद इंचि बोर लोकुल्‍कुंक अय्ते हुप्‍सना मत्‍ता, अद ओर्कुन मुन्‍नेन पेरता.

2 कुरेंति 12:21

अल्‍हेने नना मर्रा वाता पजा, इच्‍चुर विस्वासुल्‍क कराब कबाह्‍क, बोगमतनम, लंजेतनम इसोंटा पापाल्कुनाल मनसु मार्सकुनाकुंटे नाक वेल्‍ले दुक्‍कम आयार. अचोने आयाका पेनदा मुन्‍ने नावा सिग्गु होनना वेला वायारो बतल इंचिगुडा वेरियतन.

2 कुरेंति 4:17

बारित्‍ते, माकु गळसेमताहाटीं वायाना तकलिपकु, मावाहाटीं मोमोट विचारम किय्‍योम अच्‍चोर अव्‍सरम आतव आनि बस्‍केळ्‍क मंदना महिमातुन तयार कींतां.

इपीसि 1:18

अल्‍हेने, पेन मीकुन बद आसेताहाटीं केयता? दाना पवित्र लोकुल्‍कुंक अद हिय्याना वारसानहक्‍कताल दोर्काना महिमाता दनम बल्हा मंता? इदुना बारेमते तेळियानाहाटीं मीवा मनसुना वेळसि एल्‍गागोट्‍टि.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 2:7

इंका किरिस्‍तु येसुन मनाहाटीं लोहचि मनाकुन वेल्‍लेन पावरम कीता. इल्‍हा पेन मनापोर्रो लेक्‍का हिल्‍वच्‍चोन कुर्पा कीता, इदुन वायाना कालमते अंटोर्क हुप्‍सानाहाटीं पेन अल्हा कीता.

इपीसि 3:16

पेनबाबाल ओना वेल्‍लेन कदरगल्‍ला महिमाता दनमतुन पीसि, ओना आत्मातोनि मीवा पिस्वरतुन लोप्पोटाल इरगा गट्‍टिगा किय्‍यिर इंचि पारतना कीसंतन.

इपीसि 3:8

पवित्र लोकुल्‍कुना लोप्पो नना अंटोर्कन्‍ना सिन्‍नोन आंदुन. अयना पेन नापोर्रो कुर्पा कीता. अद बतल इत्‍ते, किरिस्‍तुनगा लेक्‍का हिलुवा आसिर्वादाल्‍क मंतां, अदुना बारेमते यहुदि आयवोरगा होंचि वेहना वरम पेन नाकु हीता.

पिलिपिया 4:7

अस्‍के बोरे अर्तम किया परवसोंटा सांतितुन पेन मीकु हींता. मिमेट येसुनोर आताहाटीं अद सांति मीवा मनसुन, विचाराल्कुन बेस कापाळसि इर्रंता.

कुलुसि 1:27

यहुदि आयवोरा लोप्पो इद मर्ममता महिमाता विलुवा बतल आंद मना लोकुल्‍कुंक तेळियाना इंचि पेन इनकुत्‍ता. मीवालोप्‍पो महिमाता आसे आसि मनना किरिस्‍ते आ मर्मम आंद.

कुलुसि 3:16

किरिस्‍तुना पोल्‍ले मीलोप्‍पो निंडिसि मन्‍निकांटी, मिमेट पूरा तेल्‍विते वरोंक-वरोर करहट, तेळियागोट्‍सि वेहाटु, पेनदुक दन्यवाद कीसेके मना मनसुनाल बजनकु, कीर्तनकु, पाटां पारसेके होंटु.

1 तिमोति 6:17

ई दुनियाते मनना सिरमंत लोकुल्‍क, गर्रा कियामन्‍नि. नासडेम आसि होनना दनम पोर्रो आसे इर्राकोंटा, जीवाते मनना पेनदापोर्रो विस्वासम इर्राना. आ पेने मना आनंदमहाटीं गावाले मत्‍तव आ अन्‍नि बेसतवुन इरगा हींता, इंचि ओर्क आदेस हीम.

पिलेमोन 1:4

पिलेमोन, सामि येसुना पोर्रोटा नीवा विस्वासम बारेमते, अल्‍हेने पेनदा लोकुल्‍कुनपोर्रो निमे हुप्‍सना पावरम बारेमते नना केंजतन. अदुनहाटीं नना पारतना कियनेंके बस्‍केळ्‍क नीकुन मति कीसि पेनदुक दन्यवाद वेहंतन.

1 पत्रु 5:1

मीलोप्‍पो बोर अय्ते पेद्‍दाल्क मंतुर, ओरालेसींगे ननागुडा पेद्‍दा मनकन, किरिस्‍तु बोगांचता तकलिपकुना गवाइतोन, ओर मल्सि वायानस्के ओना पेद्‍दातनमते कलियानोन आंदुन इंचि, नना आ पेद्‍दाल्कुंक वेहासेक मंतन.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.