पिलिपिया 4:18 - पवित्र पोल्‍ले

¹⁸ नहगा अन्‍नि मंतां, नाक बच्‍चोर अय्ते गावाले दानकन्‍ना एक्‍को मंतां. मिमेट इपपरदिसुनतोनि लोहता सहायम नाक दोर्कता. अवुनतोनि नावा अव्‍सराल्क अन्‍नि तीरतां. बल्हा अय्ते मोक्‍कु हीतारित्‍ते पेन दाना गब्‍बु एतंता, अल्‍हेने मिमेट लोहतवुन पेन कुसिते एतकुंता.

पिलिपिया 4:18 Cross References

प्रेरितुल्‍कुना कबाह्‍क 10:4

अस्‍के कुरनेलियुस वेर-वेरियसेक पेनदा दूताहेके हूळसि, “नीकु बतल गावाले वेहा,” इंचि इत्‍तोर. अस्‍के पेनदा दूता, “नीवा पारतनां पेन केंजता. गरिबोर्कुंक निमे कियना सहायमतुन पेन हूळता.

रोम सहरतोरहाटीं पौलुसना सिट्‍टि 12:1

अय्ते विस्वासुल्‍कुनिटा! पेन मनापोर्रो कीता दयातुन मति कीसि, नना मीकुन बतिमलाडसि विनंति कियानद बतल इत्‍ते, मिमेट मीवा पिस्वरतुन पवित्र इरसि, पेनदुक नच्‍चनसोंटा मोक्‍कु हीताप मी पिस्वरतुन जीवाते मननेंकेन अप्‍पजेप्‍पट. इल्‍हा कीतेन मिमेट पेनदा निजम सेवा कीसि तलस्कुत्‍ताप आंता.

2 कुरेंति 11:8

मीवा सेवा कियालय नना वेरे कलिसियानाहेंदाल मदत एतसि ओर्कुन लुटांचतन.

2 कुरेंति 9:12

मिमेट कियाना सहायमता सेवाहेंदाल पेनदा लोकुल्‍कुना अव्‍सराल्क पूरा आंतां, अचोने आयाका ओराहेंदाल पेनदुक वेल्‍ले दन्यवाद आसेक मनंता.

इपीसि 5:2

किरिस्‍तु मनाकुन पावरम कीसि मनाहाटीं पेनदा मुन्‍ने मोक्‍कु आसि, पेनदुक नच्‍चना गुगलेमलेसीं ओनद ओर बलि आतोर. अदे पावरमते मिमेटगुडा ताकट.

पिलिपिया 4:12

बतले हिलवस्के बल्हा पिस्सना, मत्‍तस्के बल्हा पिस्सना इद इंका नाक तेळियता. बसोंटा वेला वायिना, बसोंटा परिस्तिति वायिना, कर्वेस्‍सि मनिना, पीर निंडिस मनिना, वेल्‍ले मत्‍तस्के बल्हा मनना, तक्‍को मत्‍तस्के बल्हा मनना इव अन्‍नि नना करियतन.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

इब्रि 13:16

वेरेतोराहाटीं बेस कियमळतुन आनि मिहगा मत्‍तव्टेटाल ओर्कु तूस हियमळतुन होळ्‍समट. इल्‍हा कियमळगुडा उंदि मोक्‍के आंद. दीनहेंदाल पेन कूस मनंता.

1 पत्रु 2:5

मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.