पिलिपिया 4:11 - पवित्र पोल्‍ले

¹¹ नाकु बदुनदो अव्‍सरम मंता इंचि नना इल्‍हा इंचेक हिल्‍लेन. बारित्‍ते बसोंटा परिस्तिति वायिनागानि कुसितेन पिसमळ नना करियतन.

पिलिपिया 4:11 Cross References

लूकाल 3:14

अस्‍के इच्‍चुर सिपाइल्कगुडा ओनगा वासि, “अय्ते मोमोट बतल कीकोम मरि?” इंचि पूसकीतुर. अस्‍के योहान ओर्क, “मीकु दोर्कना पगारतेन मिमेट कूस मंटु, बोरहेकटाले आयि बेदरिच्‍चि हिलाकोंटे आबद्‍दम तप्पु दोस्‍सि कोत्‍तां येतमट,” इंचि वेहतोर.

2 कुरेंति 11:27

नना मेहनतते, कस्‍टमते मत्‍तन. बच्‍चुंगो मल्कां निद्र हिलाकोंटा मनमळते, कर्वुने-दूपाते, उपासम, पीनिते मत्‍तन, कपडिं हिलाका मत्‍तन.

2 कुरेंति 6:10

मोमोट दुक्‍कमतेगुडा बस्‍केळ्‍क आनंदमते मनंतोम, मोमोट गरिब मनिनागानि वेल्‍लेटोर्कुन पेनदा लोप्पो सिरमंतुल्‍क कींतोम. महगा बतल हिलाकोन्‍ना गानि अन्‍नि मत्‍तापे मंतोम.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

2 कुरेंति 9:8

मिमेट अन्‍नि बेसता कबाह्‍क कियालय, मीक अव्‍सरम मत्‍तव अन्‍नि मिहगा बस्‍केळ्‍क मंदालय, पेन दाना दयाते अव अन्‍निन हिया परांता.

पिलिपिया 3:8

अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

इब्रि 10:34

अचोने आयका बेसता कबुर वेहताहाटीं जेलने अर्सि दुक्‍कमते मत्‍तोरा दुक्‍कमते मिमेट कलियतिर. मीवा संपत्‍तितुन दोसकुंचि ओयिना गानि मिमेट कुसिते मत्‍तिट. बारित्‍ते दोसकुंचि ओतादानकन्‍ना बेसतद, बस्‍केळ्‍क मनानद संपत्‍ति पेन मीहाटीं इरता इंचि मिमेट तेल्‍पिचकुत्‍तिर.