पिलिपिया 4:1 - पवित्र पोल्‍ले

¹ अदुनहाटीं विस्वासुल्‍कुनिटा! मिमेट सामिना विस्वासमते गट्‍टिगा मंटु. मीकुन हूळागोम इंचि नावा जीवा बच्‍चोरो तनलाळसेक मंता. नावा पावरमतोर मिमेटे आंदिर. किरिस्‍तु वातस्के, नना नावा कबळ महतन इंचि हुप्‍सानोर मिमेटे आंदिर.

पिलिपिया 4:1 Cross References

मत्‍तयाल 10:22

नावा पोरोलताहेंका अंटोर लोकुल्‍क मीकुन हय्सुर. गानि बोर अय्ते आकिरदाका ओर्सकुंचेके ओप्के पीसि मनंतुर, ओर्के मुक्‍ति दोर्कंता.

योहान 8:31

पजा येसु, ओनपोर्रो विस्वासम कीता यहुदिल्कुनतोनि, “मिमेट नना कराहता पोल्‍लें पीसि ताकानय्ते निजमे नावा सिस्युल्क आंतिर.

प्रेरितुल्‍कुना कबाह्‍क 11:23

ओर अगा होंचि अगाटा लोकुल्‍कुनपोर्रो पेनदा कुर्पा हूळसि इरगा कूस आतोर, सामिनतोनि बस्‍केळ्‍ताहाटीं पूरा मनसुनाल बेस विस्वासमते नित्‍तिसि मनना, इंचि ओर्क अंटोर्क दैरनेम हीतोर.

प्रेरितुल्‍कुना कबाह्‍क 14:22

अगा होंचि, “पेनदा राज्येमते होनना इत्‍ते तिप्‍पल्‍क वांतां, दानाहाटीं विस्वासमते गट्‍टिगासि मंटु,” इंचि वेहचि दैरनेम हीतोर.

प्रेरितुल्‍कुना कबाह्‍क 2:42

ओर अंटोर, प्रेरितुल्कुना कराहमळते, कूळमळते, हारि उरुहमळते आनि पारतना कियमळते उंदि आसि मनुंदुर.

रोम सहरतोरहाटीं पौलुसना सिट्‍टि 2:7

बोर अय्ते बस्‍केळ्‍क बेसता कबाह्‍क कीसेके, पेनदाहेंदाल कदर, दोसेम हिल्वा पिस्वरतुन दोर्किच्‍कुनालय हूळांतुरो पेन ओर्क बस्‍केळ्‍क पिस्सना पिस्वर हींता.

1 कुरेंति 15:58

नावा पावरमगल्‍ला विस्वासुल्‍कुनिटा! सामिना लोप्पो मीवा कस्‍टम एर्तम होन्‍नो इंचि मीक एरपाटे मंता. अदुनहाटीं मिमेट विस्वासमते हीके-हेके आयाकुंटा, गट्‍टिगा निल्‍सि मंटु, सामिना कबळते इंका एक्‍को बेर्स्‍सेके होंटु.

1 कुरेंति 16:13

इंदके मिमेट उसारते मंटु, विस्वासमते गट्‍टिगा मंटु, दैरनेमते मंटु, बलमगल्‍लोर्क आसि मंटु.

गलातिया 5:1

मनम नियमकुना लोप्पो दासुनलेसीं मनामन्‍नि इंचि किरिस्‍तु मनाकुन अव्टेटाल इळबळिस्तोर. अदुनहाटीं विस्वासमते गट्‍टिगा मंटु, मिमेट नियमकुना बर्वु दासुल्‍कुनलेसीं मर्रा कांजमटु.

पिलिपिया 1:27

बद बतले आयि, मीवा पिस्वर मात्रम किरिस्‍तुना बेसता कबुरते मत्‍ताप मनना. अस्‍के बतल आंता इत्‍ते, नना मिहगा वायिना, वायाकोन्‍ना मिमेट अंटोर उंदे आत्माते गट्‍टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.

पिलिपिया 1:8

किरिस्‍तु येसुनलेसीं ननागुडा मीकुन पावरम कींतन, इंचि नावा जीवा मीकुन हूळानाहाटीं बस्‍केळ्‍क तनलाळंता. दीनकु कुद्‍दु पेने गवाइ मंता.

पिलिपिया 2:16

पिस्वर हियना पेनदा पोल्‍लेतुन गट्‍टिगा पीसि ताकट. इदुना हेंदाल किरिस्‍तु वायाना रोजुने, मीवाहाटीं नना कीता कस्‍टम, वितलाटा एर्तम आयाहिल्‍ले इंचि कुसिते वेहंतन.

कुलुसि 4:12

किरिस्‍तु येसुना दासुड इपप्रास ईर मीवा लोप्पोटोरे आंदुर, मीक जोहार वेहासेक मंतोर. मिमेट पेनदा इच्‍चा मत्‍ताप पुरागा आसि, विस्वासमते गट्‍टिगा निल्‍सि मनागोम इंचि ओर बस्‍केळ्‍क मीवाहाटीं जोर हीसि पारतना कीसेके मंतोर.

1 तेसलोनि 3:13

बस्के अय्ते मना सामि येसु ओना अंटोर पवित्र लोकुल्‍कुनतोनि वांतोरो, अस्‍के मनम पेनबाबाना मुन्‍ने पवित्रते दोसेम हिलाकोंटा मनालय मना मनसुकुन गट्‍टिगा कियिरकांटी, आमीन.

2 तेसलोनि 2:15

अदुनहाटीं विस्वासुल्‍कुनिटा! गट्‍टिगा निल्‍सि मंटु, मावा तोळ्‍दाल पेय्सता पोल्‍लेहेंदाल, सिट्‍टिताल बव रीति-रिवाजकु अय्ते मीक कराहतोम अवुन पीसि ताकट.

2 तिमोति 2:1

ना मर्रि तिमोति, किरिस्‍तु येसुनगा मनना कुर्पाते निमे बेस ताकतवर आम.

इब्रि 10:23

मनाकु बद पेन अय्ते पोल्‍ले हीतानो अद विस्वासमगल्‍लद आंद. अदुनहाटीं मनम वेरेतोरा मुन्‍ने ओप्‍कुत्‍ता आसेताल पजोळ्क आयाकोंटा, गट्‍टि दैरनेमते मंदकोम.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

इब्रि 4:14

अंटोर्कन्‍ना पेद्‍दा पेर्मल, स्वर्गमते होत्‍ता पेनदा मर्रि येसु, मनातोनि मंतोर. अदुनहाटीं अंटोरा मुन्‍ने ओप्‍कुत्‍ता मना विस्वासमतुन मनम गट्‍टिगा पीसि मंदकोम.

2 पत्रु 3:17

अदुनहाटीं पावरमगल्‍लोरिटा! मीक इव पोल्‍लें मुन्‍नेटाले एरपाट मंतां, नीति हिल्वा लोकुल्‍कुना तप्पुकुने हिरकिसि, मीवा गट्‍टिगा निल्‍सि मत्‍ता हरदाल तप्‍पिसि होनाकोंटा हुसारते मंटु.