पिलिपिया 3:8 - पवित्र पोल्‍ले

⁸ अचोने आयाका, नावा सामि येसु किरिस्‍तुन एरपाट कीतदे पेद्‍दा पोल्‍ले आंद. कळमतव अन्‍नि अट्‍टि पोल्‍लेंगें, येसु किरिस्‍तुन दोर्किच्‍कुनालय अव अन्‍निन नना लेक्‍का किय्योन कचरा इनकुंतन.

पिलिपिया 3:8 Cross References

लूकाल 1:43

नावा सामिना यावल नाकु कलियालय वायमळ इत्‍ते गम्मत पोल्‍ले आयो. इच्‍चोर वेल्‍ले कदर नाकु बगाटाल दोर्कुता?

लूकाल 11:20

गानि नना ओक्‍कला पेनदा बलमते देय्याल्कुन गेदमानय्ते, पेनदा राज्येम मीवा दग्गेर्क एव्ता इंचि एरपाट कीम्‍टु.”

योहान 14:20

अल्हा जर्गतस्के, नना बाबाना लोप्पो, मिमेट ना लोप्पो, नना मीलोप्‍पो मंतन इंचि मीकु तेळियार.

योहान 14:7

नना बोन आंदुन, इंचि मिमेट एरपाट कीसि मत्‍ते, नावा बाबान इंका मिमेट एरपाट कीसि मन्‍नेर. इंदकेटाल मिमेट ओन एरपाट कींतिर, ओन हूळतिरगुडा,” इंचि वेहतोर.

योहान 16:3

बाबाल आनि नना बोर आंदुम, ओर्क तेळियो, अदुनहाटीं ओर मीकुन अल्हा कींतुर.

योहान 17:8

बारित्‍ते बव पोल्‍लें अय्ते निमे नाकु हीतिनो, अवुन नना ओर्क एविच्‍तन. ओर अवुन ओप्‍कुत्‍तुर. नना निजम निहागटाले वातन, नाकुन निमेन लोहतिन इंचि ओर विस्वासम कीतुर.

योहान 20:13

आ दूतां, “बाई, निमे बारि अळसंतिन?” इंचि पूसकीतस्‍के, “नावा सामिना मेंदुलतुन बोंदाताल बोरो बेकेनो ओसि इरतुर, नाकु एरपाट हिल्‍ले,” इंचि मरियम इत्‍ता.

योहान 20:28

अस्‍के तोमल, “ना सामि, ना पेनदुना,” इंचि तोमल येसुंक जवाब हीतोर.

प्रेरितुल्‍कुना कबाह्‍क 20:24

नाकु नावा जीवाता पिकिर हिल्‍ले. नना अय्ते सिराप येसु सामिनहेंदाल नाकु दोर्कुता आ पंदेमतुन, सेवातुन पूरा कींतन. अद बतल इत्‍ते, पेनदा कुर्पाता बारेमते बेसता पोल्‍लेना गवाइ वेहामळ आंद.”

रोम सहरतोरहाटीं पौलुसना सिट्‍टि 8:18

नना मीकु इद बारि वेहचंतन इत्‍ते, मनाकु इंदके तकलिपकु, दुक्‍काल्क वांतंगे, गानि वायाना कालमते पेन दाना महिमाता वेलगुन हीसि बच्‍चोन मनाकु कदर हिय्यार, दाना मति कीते इंदकेटा तकलिपकु बग्‍गेन दल्‍गों इंचि नना इनकुंचंतन.

रोम सहरतोरहाटीं पौलुसना सिट्‍टि 8:39

बूमिता लोप्पोटव आयिं, बूमि पोर्रोटव आयिं. पेन पुट्‍टिस्‍तव बवे आयिं मना सामि येसु किरिस्‍तुनाहेंदाल मनापोर्रो मत्‍ता पेनदा पावरमताल लक्‍कु किया पर्रों.

1 कुरेंति 2:2

गानि नना मीवा नड्‍डुम मननेंके क्रुसुंक वेलाड वाटता येसु किरिस्‍तु आयाका इंका वेरे बद्‍दे पोल्‍ले वळ्‍कोन इंचि निरनायम कीसि मत्‍तन.

1 कुरेंति 9:10

मनाहाटींगुडा वेहता. बारित्‍ते ऊडानोर आसेतेन ऊडंतोर आनि बंति तिरहानोरगुडा पंटाते पाल गावाले इत्‍ता आसेतेन बंति तिरहंतोर.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

2 कुरेंति 4:6

बारित्‍ते, “हीकटताल वेल्‍गु आयि” इंचि पेने इत्‍ता. मनम येसु किरिस्‍तुना मोकमते दिस्‍सना पेनदा महिमाता तेल्‍वितुन एरपाट कियागोम इंचि मनाकुन इदे वेल्‍गुने मना मनसुने मेर्सागोटता.

गलातिया 1:16

अदुनहाटीं नना यहुदि आयवा लोकुल्‍कुन लोप्पो होंचि दाना मर्रिना बारेमता बेसता कबुरतुन वेहा परतन. इल्‍हा जर्गतस्के नना बोरे मनकंक होंचि कलिया हिल्‍लेन बोने बतल पूसकिया हिल्‍लेन.

इपीसि 4:13

दीनहेंदाल मनम अंटोरम पेनदा मर्रिना पोर्रोटा विस्वासम आनि ओना बारेमता जानकारिते उंदासि मनंतोम. इंका बद्‍दे पोल्‍लेते आयि किरिस्‍तु बल्हा अय्ते बतले तक्‍को हिलाकोंटा मत्‍तोर, अल्‍हेने मनमगुडा मना पर्रंतोम.

पिलिपिया 1:1

पिलिपिया सहरते येसु किरिस्‍तुना लोप्पो मनना पेनदा अंटोर पवित्र लोकुल्‍कुंक, पेद्‍दाल्कुंक आनि अदिकारिल्कुनाहाटीं नना पौलुस, नावा दंटातोर तिमोति, मोमोट येसु किरिस्‍तुना सेवाकुल्‍कुम इद सिट्‍टि रासेक मंतोम.

पिलिपिया 3:10

येसु किरिस्‍तुन आनि ओर हासि मर्रा जीवाते तेदता ताकततुन तेलपिचकुनना इंचि नाकु मंता. ओर बोगांच्‍ता तकलिपकु आनि हामुरतुनगुडा बोगांचि, ओनलेह्केन नाकु आयगोम. बल्हा अय्नागानि उंदि रोजु पेन नाकुन हामुरताल जीवाते तेहंता इंचि नावा आसे.

पिलिपिया 3:12

पोर्रो बव पोल्‍लें अय्ते रासतन, अव नावा पिस्वरते पूरा आतां इंचि वेहोन. अगा एवतन इंचि इनोन, गानि बगा एवालय अय्ते किरिस्‍तु नाकुन पीतोर, अगा एवालय नना वित्सेक मंतन.

पिलिपिया 3:7

इव अन्‍नि पोल्‍लें नाकु वेल्‍लेन पायदातव इंचि नना मुन्‍ने इनकुनुंदुन. गानि इंदके किरिस्‍तु नावाहाटीं कीतदुन मुन्‍ने, अव अन्‍नि एर्तमे इंचि नाक तेळियसोत्‍ता.

2 तिमोति 4:6

नना अय्ते पेनदुक मोक्‍कु हियना पट्‍टुनगड्‍क एवतन. दुनियातुन होळसि होनना नावा वेला दग्गेर्क एव्ता.

इब्रि 3:14

बारित्‍ते, सुरुवने मनम इर्ता बरोसातुन मना पिस्वरता आकिरदाका गट्‍टिगा पीसि मत्‍तेन, मनम किरिस्‍तुना पालिगाह्क आंतोम.

1 पत्रु 2:7

अदुनहाटीं मिमेट विस्वासम कीतिर इंचि अद बंडा मीक विलुवातद, गानि बोर अय्ते अदुन विस्वासम किय्युर, ओराहाटीं दर्मसास्‍त्रम इल्‍हा वेहता गदा: “बद बंडातुन दोहानोर बतक ओज्‍जो इत्‍तुर, अदे बंडा इंदके सेंकु मूलाता मोदोल बंडा आता.”

2 पत्रु 1:2

पेन आनि मना सामि येसुना तेल्विहेंदाल मीकु कुर्पा, सांति वेल्‍लेने बेर्स्‍सेके मन्‍निकांटी.

2 पत्रु 1:3

मना पिस्वर आनि बक्‍तिताहाटीं पेन दाना ताकतताहेंदाल मनाकु बतल गावाले अव अन्‍नि हीता. मनम अदुन एरपाट कीताहाटीं अव मनाकु दोर्कतां. अद मनाकुन दाना महिमा आनि बेसतनमहेंदाल केयता.

2 पत्रु 1:8

ओक्‍कला इव अन्‍नि पोल्‍लें मीलोप्‍पो मंचि बेर्स्‍सेके होनानय्ते, अव मीकुन मना सामि येसु किरिस्‍तुना तेल्‍विता बारेमते एक्‍को हुसार, बेस कबळलायक कींतां.

2 पत्रु 3:18

मना सामि मुक्‍ति हियना येसु किरिस्‍तुना कुर्पाते, तेल्‍विते मिमेट बेर्स्‍सेके होंटु. इंदके बस्‍केळ्‍क ओन्‍के पेद्‍दातनम दोर्किकांटी, आमीन.

1 योहान 1:3

मोमोट अय्ते पेनबाबानतोनि ओना मर्रि येसु किरिस्‍तुनतोनि कलियसि उंदासि पिस्सेक मंतोम, अदुनहाटीं मोमोट बतल अय्ते हूळतोम, केंजतोम, अदुना बारेमते मीकुगुडा वेहासेक मंतोम. दीनहेंदाल मिमेटगुडा मातोनि कलियसि मनम उंदासि मंदकोम.

1 योहान 2:19

ओर लोकुल्‍क मना लोप्पोटाले पेय्‍सतुर, गानि ओर मनोर्क आयुर. ओर निजमे मनोर्क आसि मत्‍ते मनातोनि मंचि मन्‍नेर. ओर बोरे मनोर्क आयुर इंचि मनाकु तेळियानाहाटीं ओर अल्हा पेय्सि होत्‍तुर.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.