पिलिपिया 3:20 - पवित्र पोल्‍ले

²⁰ गानि मनम अय्ते ई दुनियाता लोकुल्‍कुम आयोम, मनम स्वर्गमता लोकुल्‍कुम आंदुम. अगाटाले मनाकुन पिसागोटानोर सामि येसु किरिस्‍तु वांतोर इंचि मनम ओना एदुर हूळसेक मंतोम.

पिलिपिया 3:20 Cross References

मत्‍तयाल 19:21

अस्‍के येसु इत्‍तोर. “ओक्‍कला नीकु सत्‍तेमते पुरागा आयानद मत्‍ते, होन, निहगा बतल अय्ते मंता अदुन पूरा अम्मिसि, गरिबोर्कुंक तूसि हीम. अस्‍के नीकु स्वर्गमते दनम दोर्कार. पजा नहगा वासि ना पज्जो ताका,” इत्‍तोर.

लूकाल 12:21

बच्‍चोर पेद्‍दा सिरमंत मनकल अयना ओर पेनदा मुन्‍ने सिरमंतुड आयोर, बारित्‍ते ओर ओनाहाटींगें आस्‍ति जमा कींतोर इंचि. ई वेसुडिते ई मनकना गति गुडा अल्हेन आता.”

लूकाल 14:14

अस्‍के नीवा बाकि तीरसालय ओर नीकु बतल हिया पर्रुर. गानि पेनदा नदरते नीतिमंतुल्क मत्‍तोर हासि मर्रा जीवाते तेदतस्‍के पेनदाहेंदाल नीकु नीवा इनाम तप्‍पाकोंटा दोर्कंता.”

प्रेरितुल्‍कुना कबाह्‍क 1:11

“ए गालिल लोकुल्‍कुनिटा, मिमेट इल्‍हा नित्‍तिसि मब्बुनहेके उंदेतीर बारि हूळसेक मंतिर? येसुन मिहागटाल स्वर्गमते तेहकुंचि ओयमळ जर्गुता गदा! अय्ते बल्हा मिमेट ओन स्वर्गमते होननेंके हूळतिरो, अल्‍हेने ओर मर्रा तिरियसि वांतोर,” इंचि इत्‍तुर.

1 कुरेंति 1:7

अदुनहाटीं मिमेट पेनदा बद्‍दे आत्माता वरमते तक्‍को हिल्‍लिर, मिमेट मना सामि येसु किरिस्‍तु मर्रा वायानद एदुर हूळसेक मंतिर.

1 कुरेंति 15:48

तोळिताल तयार आतुर अंटोर मनकालोर्क, तोळिता मनकनलेसींगे आतुर. स्वर्गमता मनकालोर्क, स्वर्गमतालेसींगे मंतुर.

2 कुरेंति 4:18

अय्ते इंदके मोमोट दिस्‍साना वस्‍तुकुन पोर्रो आयो, गानि दिस्‍सुवा वस्‍तुकुन पोर्रो नदर वाटंतोम. दिस्‍सना वस्‍तुक गळसेम मनंतां, दिस्‍सुवा वस्‍तुक बारे बस्‍केळ्‍क मनंतां.

2 कुरेंति 5:8

मोमोट दैरनेमते मनंतोम, मेंदुल्तुन होळसिसि सामिनतोनि मनमळे बेस इनकुंतोम.

गलातिया 4:26

गानि स्वर्गमता येरुसलेम बारे मरमिना मुत्‍तो सारानालेसीं मंता, अद मना विस्वासुल्कुना तल्‍लुर आंदु.

इपीसि 2:19

अदुनहाटीं मिमेट इंदके परायतोर, वेरे देसेमतोर आयिर, गानि पवित्र लोकुल्‍कुनतोनि दंटाते कूळसि मननोर आनि पेनदा लोता लोकुल्‍क आंदिर.

इपीसि 2:6

अचोने आयाका किरिस्‍तु येसुनतोनि मनाकुन जीवाते तेहाचि, स्वर्गमते ओनतोनि मनाकुनगुडा उपिस्ता.

पिलिपिया 1:10

दीनहेंदाल मिमेट मंचि-सेड्‍डातुन एरपाट कीसि बेस पिस्वर पिसकिट. अस्‍के किरिस्‍तु वातस्के मिमेट अंटोरगुडा ओना मुन्‍ने नीतिमंतुल्क आनि दोसेम हिलवोर आसि निलकिट.

पिलिपिया 1:27

बद बतले आयि, मीवा पिस्वर मात्रम किरिस्‍तुना बेसता कबुरते मत्‍ताप मनना. अस्‍के बतल आंता इत्‍ते, नना मिहगा वायिना, वायाकोन्‍ना मिमेट अंटोर उंदे आत्माते गट्‍टिगा बेस मंतिर आनि बेसता कबुरहाटीं अंटोर कलियसि पिस्सेक मंतिर इंचि वेरेतोरा हेंदाल नना केंजना.

कुलुसि 1:5

मीवाहाटीं स्वर्गमते उंदि आसे इर्सि मंता इंचि, अदुना बारेमते मिमेट मुन्‍नेने बेसता कबुरता सत्‍तेम पोल्‍लेते केंजतिर.

1 तेसलोनि 1:10

पेन येसुन हातोरव्टेटाल तेहता. इंदके स्वर्गमताल दाना मर्रि येसु मल्सि वायानदुन एदुर हूळसेक मंतिर, इंचि इव पोल्‍लें अंटोर्क वेहासेक मंतुर. वायाना पेनदा होंगुनाल ओरे येसु मनाकुन पिसागोटंतोर.

1 तेसलोनि 4:16

बारित्‍ते सामि स्वर्गमताल हिळु रेयानुर अस्‍के पेद्‍दा आवाजते आदेस हियमळ, पेद्‍दा दूताता पोल्‍लेते आनि पेनदा तूताकोमता आवाज कियमळ जर्गंता. अस्‍के बोर अय्ते किरिस्‍तुनलोप्‍पो हातुर, ओर मुन्‍ने जीवाते तेदानुर.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

तीतु 2:13

अचोने आयका मना कदरगल्‍ला पेन आनि मनाकु मुक्‍ति हियना येसु किरिस्‍तु ओना महिमाते वांतोर इत्‍ता आ सक्‍कटा आसेतुन मनम एदुर हूळसेक मंदना इंचेकगुडा कराहंता.

इब्रि 12:22

गानि मिमेट अय्ते सियोन गुट्‍टातगा वातिट. जीवाते मनना पेनदा, स्वर्गमते मनना येरुसलेम सहर इदे आंद. कुसिते उंदगा जमा आता, लेक्‍का हिलुवच्‍चोन पेनदा दूतानगा मिमेट वातिट.

इब्रि 9:28

अल्हेन किरिस्‍तु, वेल्‍लेटोरा पापाल्कुन नासडेम कियानाहाटीं उंदे मल्का ओना सतता जीवातुन मोक्‍कु हीतोर. ओर मरुंदि मल्का मल्सि वायना मंतोर. अय्ते ई मल्का ओर पापमतुन नासडेम कियालय आयो, गानि ओनाहाटीं बच्‍चोनो ओप्‍केते बस्के वांतोर इंचेके एदुर हूळसेक मनानोर्कुन पिसागोटनाहाटीं वायानुर.

पेन हुपिस्‍ता पोल्‍लें 1:7

हुळाट, येसु किरिस्‍तु मब्बु तेर्पेनतोनि वासेक मंतोर. अंटोर ओन हूळानुर. ओरव्टे ओन कोह्‍कतोरगुडा मंदानुर. दुनियातोर अन्‍नि वंसाल्कुना लोकुल्‍क सातितुन तंचेके दुक्‍कम कियानुर. हो इल्हे आयार आमीन!