पिलिपिया 3:19 - पवित्र पोल्‍ले

¹⁹ आकिरते ओर नासडेम आयानुर, ओरा पिस्वर पीटाहाटींगे. सिग्गु होनना कबाह्‍क कीसेके ओर पेद्‍दातनम वेह्‍कुंतुर. दुनियाता पोल्‍लेन पोर्रेन ओरा मनसु मनंता.

पिलिपिया 3:19 Cross References

मत्‍तयाल 16:23

गानि येसु पत्रुनहेके तिरियसि हूळसि, “अरे देय्यम, नावा मुन्‍नेटाल पेय्सि होन. निमे मनकालोरा तेल्‍विते वळ्‍कसंतिन, पेनदा विचारमते वळ्कसेक हिल्‍लिन. निमे नावाहाटीं उंदि आपत आंदिन.” इंचि इत्‍तोर.

मत्‍तयाल 25:41

पजा ओना डेमा बाजुंक मत्‍तोर्कुन, “सापनेमते मनानोरिटा, नहागटाल पेय्सि होंट. देय्याल्कुना मुक्‍यानाहाटीं आनि अवुना दूतनहाटीं तयार कीता बस्‍केळ्‍क पोत्‍सेके मनना तडमिते होंचि अर्रट.

लूकाल 12:19

पजा नना नावा जीवक, नीकु वेल्‍लेन वर्सांनदाका हालानाल रुसि आता गाटो दोसतन, तिन्‍नु, उन्‍नु आनंदमते मन्‍नु, रंदि कियमा, इंचि वेहांतन,’ इंचि इत्‍तोर.

लूकाल 16:19

इंकुंदि पोल्‍ले केंजाट, वरोर सिरमंत मनकल मत्‍तोर. ओर, एक्‍को दराता नेडि पंडिना रंगुना मलमल कपडिं केर्सि रोज सुकमते, आनंदमते मनुंदुर.

लूकाल 18:4

ओर वेल्‍लेने रोजकुनदाका दाना पोल्‍लेन केंजाकोंटा मत्‍तोर. गानि उंदि रोज ओर इल्‍हा विचारम कीतोर. ‘नना पेनदुक वेरियानोन आयोन, मनकालोर्कुना पर्वा कियानोन आयोन.

रोम सहरतोरहाटीं पौलुसना सिट्‍टि 16:18

असंटोर मना सामि किरिस्‍तुना सेवा किय्युर, गानि ओरा पीटाहाटीं सेवा कींतुर. ओरा तिय्यटा पोल्‍लेनाहेंदाल सीदा-सादा लोकुल्‍कुन मुळहंतुर.

रोम सहरतोरहाटीं पौलुसना सिट्‍टि 6:21

अयना मिमेट कीता कबाह्कुनाहाटीं इंदके मीकु सिग्गु वासंता. मिमेट अव कीतस्‍के मीकु बतल इनाम दोर्कता? अव कबाह्‍कुनाहेंदाल सिराप हामुरे दोर्कुंदु.

1 कुरेंति 3:3

बारित्‍ते इंदकेगुडा मिमेट मेंदुल्ता इच्‍चा मत्‍तापे ताकसेक मंतिट. इंकावरोना पोर्रो कळ्‍क पोत्‍तना, जगडाल्‍क कियाना गुनम मंता. अय्ते मिमेट मनकना इच्‍चाते ताकानोर आयिरा? दुनियाता लोकुल्‍कुनालेसीं ताकसेक हिल्‍लिरा?

1 कुरेंति 5:2

इदुनाहाटीं मीक दुक्‍कम आया मत्‍ता, गानि मिमेट पेद्‍दिरकेम कीसेक मंतिर. असंटोन मीवा लोप्पोटाल पेचाहचि गेदुमगोम.

1 कुरेंति 5:6

मिमेट पेद्‍दिरकेम कियमळ बेस आयो, इच्‍चुर पुल्‍लाटा पिंडि वेल्‍लेन पिंडिते कल्‍पते, पूरा पिंडितुन पुल्‍लगा कींता अद मीक एरपाटे मंता.

2 कुरेंति 11:12

ओर बतलय्ते कीसेक मंतुर अदे कबळ मोमोट कीसेक मंतोम इंचि बोर अय्ते पेद्‍दिरकेम वेहकुंचेके मंतुर, ओर्कुन कमजोर कियानाहाटीं नना बतलय्ते कींतन, अदे कीसेक मनंतन.

2 कुरेंति 11:15

अदुनहाटीं देय्यमता सेवाकुल्कगुडा सत्‍तेमते ताकाना सेवाकुल्कुनलेसीं मारियते इद पेद्‍दा पोल्‍ले आयो, गानि आकिरते ओर कियाना कबळता इसाबते सिक्‍सा आयार.

गलातिया 6:13

बोर अय्ते कतना कीसि मंतुर, ओरगुडा मूसाना नियमते ताकुर. गानि ओर वेहताप मिमेट कतना कीते ओर्क पेद्‍दातनम दोर्कंता इंचि, ओर मीकु इल्‍हा वेहांतुर.

पिलिपिया 2:21

अंटोर ओर-ओरा कबाह्‍कुने मुळ्‍गिसि मंतुर, येसु किरिस्‍तुना बारेमते विचारम कियानोर बोरे हिल्‍लुर.

कुलुसि 3:2

इंदके मीवा पडाना पिस्वर हासि होत्‍ता आनि मीवा पूना पिस्वर किरिस्‍तुनतोनि पेनदा लोप्पो मक्‍किचि मंता. अदुनहाटीं मिमेट बूमिपोर्रोटा पोल्‍लेने आयो गानि स्वर्गमता पोल्‍लेने मनसु इर्रट.

2 तेसलोनि 1:9

ओर सामिना मुन्‍नेटाल आनि ओना ताकतता महिमाताल लक्‍कु आसि ओर्क बस्‍केळ्‍क मनना नासडेमता सिक्‍सा आयार.

2 तेसलोनि 2:12

बचुटुर अय्ते सत्‍तेम पोल्‍लेतुन विस्वासम कियवा, कराब कबाह्‍कुने कूस आंतुर, ओर अंटोर्क पेन सिक्‍साता आदेस हिय्यार.

2 तेसलोनि 2:8

बस्के अय्ते पेनदा पोल्‍लेतुन विरोद कियानोर दिस्‍सानुर, अस्‍के येसु सामि ओना तोळ्‍दा ऊपिरते ओन हव्‍किसि, ओर वायानेंके दिस्‍सना वेलगुने ओन नासडेम कियानुर.

1 तिमोति 6:5

आनि इसोंटोरा नड्‍डुम बस्‍केळ्‍क लोल्‍लिं-जगडाल्‍क आसेकेन मनंतां. इंका इसंटोरा बुद्‍दि हेळसोंचि, ओर निजमताल लक्‍कु आतोर आंद. अदुनहाटीं ओर पेनदा बक्‍तितुन कमाइ कियना उंदि हर्रि इनकुंतुर.

2 तिमोति 3:4

पसांचंतुर, मंचि-सेड्‍डा विचारम किय्युर, सतता बारेमते पोंगुडतनम पोंगंतुर, पेनदा पावरमकन्‍ना सुकमतुने एक्‍को पावरम कींतुर,

याकोब 4:16

गानि इंदके मीवा पोल्‍लेने मिमेट गर्राते मनंतिर, इसोंटा अन्‍नि तीरकुना गर्रा बेस आयो.

2 पत्रु 2:1

अस्‍के बल्हा लोकुल्‍कुना नड्‍डुम आबद्‍दम कबुरतोर मत्‍तुर, अल्‍हेने मीवा नड्‍डुमगुडा आबद्‍दम कराहनोर मंदानुर. नासडेम कियाना नियमकुन ओर मक्‍किस पीसि वांतुर आनि बोर सामि अय्ते ओर्कुन अस्तोर, ओनगुडा ओर ओप्‍कुन्‍नुर. इल्‍हा ओरद-ओरे नासडेमतुन बिराना ओरापोर्रो तरकुंतुर.

2 पत्रु 2:13

ओरा तप्‍पुड कबाह्‍कुन पीसि ओर्कु पलम दोर्कंता. पोद्‍दला तिनुळ-उनुळ कियमळतेन वेल्‍लेन कुसि मंता इनकुंतुर. ओर मीवातोनि कलियसि गाटो तिननेंकेगुडा अल्हेन कीसि ओर ओरा मजां येतसेके मनंतुर. अदुनहाटीं ओर मीवा नड्‍डुम उंदि डाग आनि कलंक आंदुर.

2 पत्रु 2:3

आबद्‍दम कराहनोर, आस्तिताहाटीं तिय्यटा पोल्‍लें वेह्‍चि मीकुन ओरा पायदाहाटीं वाळकुंतुर. ओर्क हीता सिक्‍साता आदेस मुन्‍नेटाल मंता, ओरा नासडेम कूर्कसेके हिल्‍ले.

यहुदा 1:10

ई लोकुल्‍कुंक बव पोल्‍लें अय्ते तेळियों अवुन हय्सुर, गानि बुद्‍दि हिल्वा जिवरासिनलेसीं बव पोल्‍लें अय्ते ओर्क तेळियंतां अवुनाहेंदाले ओर नासडेम आंतुर.

यहुदा 1:16

इसोंटा लोकुल्‍क गुल्‍गसेक मनानोर, नसीब बरोबर हिल्‍ले इनानोर, ओरा इच्‍चां मत्‍ताप ताकानोर, पेद्‍दिरकेम पोल्‍लें वळ्कानोर, सतता पाय्दाताहाटीं तिय्यटा पोल्‍लें वळकानोर आंदुर.

यहुदा 1:4

बारित्‍ते चुपचाप इच्‍चुर लोकुल्‍क मीलोप्‍पो होळियतुर, ओर पेनदा बक्‍तुल्क आयुर. ओर पेनदा कुर्पातुन बिगडांचि पापमता कबाह्‍क कियानाहाटीं मना वरोरे मालक सामि येसु किरिस्‍तुन ओप्‍कुन्‍नुर. असंटोर्क सिक्‍सा आंता इंचि मोदाटाले दर्मसास्‍त्रमते रासि मंता.

पेन हुपिस्‍ता पोल्‍लें 18:7

अद बल्हा अय्ते पेद्‍दिरकेमते, सुकमते मत्‍ता, अल्‍हेने दान्क तिप्‍पल्‍क, दुक्‍काल्क हीम्ट. बारित्‍ते अद दाना मनसुल्कुने, नना रानिन आंदुन, मुंडामोस्तादान आयोन, इंका नना बस्‍केने तिप्पल्कुने अर्रोन,” इंचि इनकुंता.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.