पिलिपिया 2:9 - पवित्र पोल्‍ले

⁹ अदुनहाटीं पेन ओन अन्‍निटवुंकन्‍ना पेद्‍दोड कीसि ओना पोरोल्तुन अन्‍नि पोरोलींकन्‍ना पेद्‍दा कीता.

पिलिपिया 2:9 Cross References

मत्‍तयाल 11:27

मर्रा येसु लोकुल्‍कुनतोनि इल्‍हा वळकुतोर. “नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर.”

मत्‍तयाल 28:18

अस्‍के येसु ओरा दग्‍गेर होंचि ओर्कुन इल्‍हा इत्‍तोर. “स्वर्गमते आनि बूमिपोर्रोटा अदिकारम अंता नाकु हीसि मंता.

लूकाल 10:22

नावा बाबाल नाकु अन्‍नि अप्पजेपतोर. बाबान तप्‍पा मर्रिन बोरे एरपाट किय्युर, मर्रिन तप्‍पा बाबान बोरे एरपाट किय्युर. मर्रि ओना इस्‍टमाताप बाबाना बारेमते बोर्क अय्ते तेळियानाल वेहांतोर ओरे बाबान एरपाट कींतुर,” इंचि इत्‍तोर.

योहान 13:3

पेनबाबाल अन्‍नि अदिकाराल्‍क येसुना कय्‍दुक हीतोर, इंका ओर पेनदागटाल वातोर, पेनदागेन मल्सि दांतोर इत्‍तद अन्‍नि ओन्क एरपाटे मत्‍ता.

योहान 17:11

इंदकेटाल नना इद दुनियाते मनोन. नना निहगा वासंतन. गानि ईर ई दुनियाते मनंतुर. पवित्र बाबा! इंदके मनम उंदि आसि मत्‍ताप, ईरगुडा उंदि आसि मनालय, निमे नाकु हीता नीवा पोरोलता ताकतते ईरकुन कापाळा.

योहान 17:12

नना ई दुनियाते ईरतोनि मननेंके, निमे नाकु हीता नीवा पोरोलता ताकतते ओर्कुन कापाळतन. सिराप, दर्मसास्‍त्रमते रासता पोल्‍ले पूरा आयनाहाटीं बोर अय्ते नासडेम आयना मत्‍ता ओन होळसि, वेरे बोरे नासडेम आया हिल्‍लुर, नना ओर्कुन कापाळतन.

योहान 17:5

बाबा, दुनिया पुट्‍टका मुन्‍ने नना नीतोनि मननेंके बसोंटा महिमा मत्‍तानो, असोंटा महिमा इंदकेगुडा नी मुन्‍ने हीम.”

प्रेरितुल्‍कुना कबाह्‍क 5:31

हामुरताल तेहचि ओने पेन, राजाल आनि पिसागोटनोर इंचि निलाहता. मावा इस्राएलता दादालोर्कुंक मनसु मार्सकुनालय, पापाल्कुनाल मापि कियालय पेनदा तिना बाजुंक ओन कदर हीसि उपिस्ता.

इपीसि 1:10

अद बतल इत्‍ते, पेन दाना पिलान परकारम इन्‍कुत्‍ता वेला एवतस्‍के, स्वर्गमते मत्‍तव, बूमिपोर्रो मत्‍तव अन्‍निगुडा उंदगा कीसि अवुन किरिस्‍तुना अदिकारम हिळु हियमळ गावाले.

कुलुसि 1:18

मेंदुललेसीं मंदना कलिसियाकु ओर तल्‍ला आंदुर. अन्‍नि पोल्‍लेने पेद्‍दोड आयागोम इंचि हातोरा लोप्पोटाल मोट्‍टा मोदाला तेदतोर ओरे आंदुर. ओरे मोदोल आंदुर.

2 तेसलोनि 1:12

इल्‍हा मना पेन आनि मना सामि येसु किरिस्‍तुना कुर्पातुन पीसि, मीवाहेंदाल मना येसु सामिना पोरोल्क कदर दोर्काना आनि ओनहेंदाल मीक कदर दोर्काना.

इब्रि 1:4

इल्‍हा ओर पेनदा दूतांकन्‍ना वेल्‍ले बेस पोरोल आनि कदर दक्‍किचकुत्‍तोर.

इब्रि 1:9

सत्‍तेमतुन निमे पावरम कीतिन, सत्‍तेम हिलुवादान निमे हय्सिन. अदुनहाटींगे नना, नीवा पेनबाबन, नीवा दंटातोरा लोप्पोटाल नीकुन पेरसि, वेल्‍ले आनंदमता निय होक्‍सि नीवा अबिसेकम कीतन,” इंचि पेन इत्‍ता.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 2:9

अयना जेरासेपताहाटीं पेनदा दूतांकन्‍ना सिन्‍नागासि मत्‍ता येसुन मनम हूळसंतोम. पेनदा कुर्पाहेंदाल अंटोर मनकालोरहाटीं ओर ओना जीवातुन हीसि हामुरता रुसि हूळतोर. हामुरतुन सहन कीताहाटीं पेन ओन्क पेद्‍दातनम आनि कदरता किरिटम केराहता.

1 पत्रु 3:22

इंदके येसु किरिस्‍तु स्वर्गमते होंचि पेनबाबाना तिना बाजुंक उद्तोर. अगा पेनदा दूतां, अदिकाराल्‍क, सक्‍तिं ओना कय हिळु मंतां.

2 पत्रु 1:17

बस्के अय्ते पेनबाबानाहेंदाल कदर आनि महिमा दोर्कता, अस्‍के आ स्वर्गमताल, “ईर नावा पावरमगल्‍ला मर्रि आंदुर, ईनतोनि नना आनंदमते मंतन,” इंचि उंदि अल्किर आ महिमाता वेल्‍गुनाल केंजावाता.

3 योहान 1:7

बारित्‍ते ओर किरिस्‍तुना सेवाहाटीं पेय्‍स्‍तुर आंद. विस्वासम कियावोराहेंदाल ओर बतले सहायम येतुर.

पेन हुपिस्‍ता पोल्‍लें 11:15

एडुंगो दूता तूताकोम उह्कता, अस्‍के स्वर्गमते पेद्‍दा आवाज केंजावाता. अद आवाज, “दुनियाता पूरा राज्येम मना सामिनद आनि ओना किरिस्‍तुनद आता. युगा-युगाल्‍कुनदाका ओरे राज्येम कींतोर,” इंचि इत्‍ता.

पेन हुपिस्‍ता पोल्‍लें 19:16

ओना कपडि आनि तोडापोर्रो, “राजालोर्कुना राजाल, सामिल्‍कुना सामि,” इंचि रासि मंता.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.

पेन हुपिस्‍ता पोल्‍लें 5:12

“मन्कालोर इद गोर्रे पोरिन हव्‍किस मत्‍तुर गानि, संपत्‍ति, बुद्‍दि, बलम, कदर, महिमा आनि स्‍तुतिता लायक इदे आंद,” इल्‍हा अव अन्‍नि दूतां पेद्‍दा आवाजते इंचेके मत्‍तां.