पिलिपिया 2:8 - पवित्र पोल्‍ले

⁸ इल्‍हा मनकना रूपमते पुटसि ओनद ओर सिन्‍नगा कीकुत्‍तोर. इच्‍चोने आयका पेनबाबाना इच्‍चातुन पूरा कियालासि क्रुसुनपोर्रो जीवातुनगुडा हीतोर.

पिलिपिया 2:8 Cross References

मत्‍तयाल 17:2

अगा ओरा मुन्‍ने ओना रूपम मारिय्ता. ओना मोकम पोळ्‍दुनलेसीं मेर्सता, ओना कपडिं वेल्‍गुनलेसीं तेल्‍लगा आतां.

मत्‍तयाल 26:39

इच्‍चुर मुन्‍ने होंचि बोकबोर्लें अर्सि ओर इल्‍हा पारतना कियालय दल्‍गुतोर, “ए बाबा, ओक्‍कला कुदुरते, नावा इद गोसा तप्‍पिसि होन्‍नि, गानि इद नावा विचारम मत्‍ताप आयो, नीवा विचारम मत्‍तापे आयि.”

मत्‍तयाल 26:42

येसु मरुंदि मल्का होंचि, “नावा बाबा, नना इदुन उन्‍ने पींता इनानय्ते, नीवा विचारमे पूरा आयि,” इंचि पारतना कीतोर.

लूकाल 9:29

ओर पारतना कियानेंकेन ओना रूपम मारिय्ता. ओना कपडिं तेल्‍लगा मेर्सालय दल्‍गतां.

योहान 10:18

नावा जीवातुन नहगटाल बोरे तेंडकुन्‍नुर, नावा जीवातुन नना कुद्‍दे हींतन. नावा बाबाल नाकु आदेस हीताहेंका नावा जीवातुन हियनद, हीसि मर्रा मल्सि तेंडकुनना अदिकारम नाकु मंता,” इंचि येसु इत्‍तोर.

योहान 14:31

अयना, नना बाबान पावरम कींतन इत्‍ता पोल्‍ले, दुनियाक तेळियगोम इंचि, बाबाल नाकु हीता आदेस परकारमे नना कींतन. सरे तेदट! मनम इगेटाल दाकोम,” इंचि येसु इत्‍तोर.

योहान 15:10

नना नावा बाबाल वेहता आदेसकुनपोर्रो ताकसेके, ओना पावरमते निलसि मंतन. अल्हेन मिमेटगुडा नना वेहता आदेसकुनपोर्रो ताकतिरित्‍ते, नावा पावरमते निलसि मनंतिर.

योहान 4:34

अस्‍के येसु ओर्क इल्‍हा वेहतोर: “नाकुन लोहतोना इच्‍चा मत्‍ताप ताकमळ, ओर वेहता कबाह्‍कुन पूरा कियमळ, इदे नावा तिंडि आंद.

प्रेरितुल्‍कुना कबाह्‍क 8:33

ओना अपमानम कीसि ओनपोर्रो अन्‍यायम कीतुर, बूमिपोर्रोटाल ओना पिस्वरतुन तेंडतुर, ओना वंसमतोर बोरे हिल्‍लुर.” इल्‍हा रासि मत्‍ता.

रोम सहरतोरहाटीं पौलुसना सिट्‍टि 5:19

वरोर आदाम पेनदा पोल्‍ले केंजवाहेंका वेल्‍लेन लोकुल्‍क पापिर्क आतुर. अल्हेन इंकावरोर मनकल इत्‍ते येसु किरिस्‍तु पेनदा पोल्‍ले केंजताहेंका, वेल्‍लेन लोकुल्‍क नीतिमंतुल्क आंतुर.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

गलातिया 3:13

“मराकु वेलाड वाटता हरेक मनकल सापनेम दल्‍गतोरे,” इंचि दर्मसास्‍त्रमते रासतद मंता. अदुनहाटीं मूसाना नियमहेंका मनाकु दल्‍गता सापनेमतुन किरिस्‍तु कुद्‍दु येतकुत्‍तोर. इल्‍हा किरिस्‍तु सापनेम दल्‍गतोर आसि मनाकुन आ सापनेमताल कापाळतोर.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 12:2

वितनेंके मना नदर येसुनपोर्रेन इरकोम. मनालोप्‍पो विस्वासमतुन पुट्‍टिचानोर आनि दान पुरागा कियानोर ओरे आंदुर. मुन्‍ने दोर्काना आनंदमहाटीं येसु क्रुसुनपोर्रो जीवा हियालयगुडा तयार आतोर. अगा ओन्क जर्गता अपमानमतुनगुडा लेक्‍का किया हिल्‍लोर. इंदके ओर पेनदा राजगद्‍देता तिना बाजुंक उद्‍दिसि मंतोर.

इब्रि 12:4

मिमेट पापमतोनि लळांच्‍नेंके, उंदि पोल्‍ले मति इर्राना. अद बतल इत्‍ते, येसु बल्हा ओना जीवातुन हीतोर, अल्हा मीकु मीवा नेत्‍तुर पोंगागोट्‍टाना अव्‍सरम अर्राहिल्‍ले.

1 पत्रु 2:24

मनम पापाल्कुनाहाटीं हासि होंचि सत्‍तेमताहाटीं पिसागोम इंचि येसु ओना मेंदुल्तुन क्रुस पोर्रो हीतोर. ओर तित्‍ता देब्बाना हेंदाल मना बिमार्क बेस आतां.

1 पत्रु 3:18

बारित्‍ते अंटोरा पापाल्कुनाहाटीं किरिस्‍तु उंदे मल्का हातोर. मनाकुन पेनदागा ओयालय वरोर नीतिमंतुड अनीतिमंतुनाहाटीं हातोर. मेंदुलताल ओन हव्कतुर गानि आत्माते ओन जीवाते तेहमळ जर्गता.