पिलिपिया 2:29 - पवित्र पोल्‍ले

^29-30 मिमेट नावाहाटीं किया पर्वा सेवातुन ओर ओना जीवाक तेग्गिचि पूरा कीतोर. किरिस्‍तुना कबळतुन पूरा कियनाहाटीं ओर हायालय आसि मत्‍तोर. अदुनहाटीं ओर मिहगा वातस्के मावा दंटाता विस्वासि इंचि सामिना पोरोलते मिमेट ओन बेस कल्‍पकुंटु. ओनालेसीं सेवा कियना हरेक मनकना बेस कदर कीम्‍टु.

पिलिपिया 2:29 Cross References

लूकाल 9:5

बद नाटेना लोकुल्‍क मीकुन मना हिय्‍युरो, अद नाटेनाल पेय्सनेंके ओर कीता तप्पुन हुप्‍सालय उंदि गवाइ लेह्का मननाहाटीं, मिमेट मीवा काल्कुना दुम्मु दुल्‍पिसि पेय्‍सट” इंचि वेहतोर.

योहान 13:20

नना निजम-निजम वेहासेक, नना लोहतोन, बोर अय्ते स्विकार कींतोर, ओर नाकुन इंका स्विकार कींतोर. नाकुन स्विकार कियानोर, ओर नाकुन लोहचीतोनगुडा स्विकार कींतोर,” इंचि येसु इत्‍तोर.

प्रेरितुल्‍कुना कबाह्‍क 2:46

रोज गुळिते उंदि मनसुने जमा आयुंदुर. ओर लोन-लोन हारि उराहचि, आनंदमते पीटे बतले अन्‍समन्‍स हिलाकोंटा अंटोर कलियसि गाटो तिनुंदुर.

प्रेरितुल्‍कुना कबाह्‍क 28:10

ओर माकुन वेल्‍ले कदर कीतुर. मोमोट अगटाल पेय्सनेंके माकु बतल-बतल गावाले मत्‍ता अवन्‍नि डोंगाते तच्‍चि इरतुर.

प्रेरितुल्‍कुना कबाह्‍क 8:8

अदुनहाटीं अद सहरते आनंदमे आनंदम मत्‍ता.

रोम सहरतोरहाटीं पौलुसना सिट्‍टि 10:15

अल्‍हेने पेन बोर्कुने लोहाकोंटे ओरगा होंचि ओर बल्हा वेहा परांतोर? असले वेहा परोर. दीना बारेमते दर्मसास्‍त्रमते इल्‍हा रासतद मंता: “बेसता कबुरतुन पीसि वायना लोकुल्‍कुन हूळते बच्‍चोनो कुसि आंता!” इंचि रासि मंता.

रोम सहरतोरहाटीं पौलुसना सिट्‍टि 16:2

अद वेल्‍लेटोर्क सहायम कीता, अल्‍हेने नाकगुडा सहायम कीता. अद मिहगा वायानय्ते, पेनदा लोकुल्‍क ओप्‍पनालायक मिमेट दान बेस हूळकुंटु. अल्‍हेने दान्क बतलन्‍ना अव्‍सरम मत्‍ते सहायम कीम्‍टु.

1 कुरेंति 16:10

तिमोति मिहगा वातस्के ओर मीवा नड्‍डुम दैरनेमते मननाल हुळट. ओरगुडा नावालेसीं सामिना सेवा कीसेक मंतोर.

1 कुरेंति 16:18

ओर वातुर इंचि नावा जीवक आनि मीवा जीवक सांति दोर्कता. अदुनहाटीं इसंटोर्कुन कदर हीम्टु.

2 कुरेंति 10:18

बोर अय्ते ओनद-ओरे मेच्‍कुंतोर ओर कबळतोर आयोर, गानि सामि बोनय्ते मेच्‍कुंतोर ओर कबळतोर आंदुर.

2 कुरेंति 7:2

मीवा मनसुने मावाहाटीं जेगा हीम्टु. मोमोट बोनतोने अन्‍यायम किया हिल्‍लोम, बोने बोंकिच्‍चा हिल्‍लोम, बोनाहेंदाल गलत पायदा एता हिल्‍लोम.

पिलिपिया 2:28

अय्ते ओन मिहगा बल्हैना लोहना इंचि नना विचारम कीतन. ओर मिहगा वाते मिमेट ओन हूळसि कूस आकिट, अस्‍के नावा चिंतागुडा तक्‍को आंता.

कुलुसि 4:10

नावातोनि जेलने मनना अरिसतरकुस पोरोलतोर दादल मीक जोहार वेहासेक मंतोर, अल्‍हेने बरनाबासुना दग्‍गेटा दादाल मरकुस इनानोरगुडा मीक जोहार वेहासेक मंतोर. (नना मीक मुन्‍नेने वेहताप, मरकुस मिहगा वाते ओन बेस हुळाट.)

1 तेसलोनि 5:12

विस्वासुल्‍कुनिटा! बोर अय्ते मीवा नड्‍डुम कस्‍टपळसि, सामिना हर्दे मीकुन मुन्‍ने अर्सि ताकिचेके कराहंतुर, ओर्क मिमेट कदर हीम्टु. ओर कियाना बेसता कबाह्कुनाहाटीं पावरमते ओर्क एक्‍को मान-मर्यादा कीम्‍टु, वरोंक-वरोर बेस सांतिते मंटु, इंचि मीकु विनंति कींतन.

1 तिमोति 5:17

कलिसिया ताकसानोरव्टेटाल बोर अय्ते बेस कलिसिया ताकसंतोरो, ओन्क वेल्‍ले कदर हियगोम. विसेस कीसि बोर अय्ते प्रचार कियालय, कराहलय कस्‍टपळंतोरो ओन्क रोंड अंताल्‍क कदर दोर्कुगोम.

इब्रि 13:17

मीवा पेद्‍दाल्क वेहताप मिमेट ताकट. ओर्कु लोंगिस मंटु. मीवा जीवाता कावेल कियमळे ओरा जिम्मेदारि आंद. ओर्कु मीवा बारेमते, पेनदागा लेक्‍का हिय्या पींता. ओर वेहताप मिमेट ताकते, ओरा कबळ ओर कुसिते कींतुर, हिलाकोंटे ओर दुक्‍कमते कबळ कींतुर. ओर दुक्‍कमते कबळ कियानय्ते मीकु बतल पायदा वायो.

3 योहान 1:10

अचोने आयका, कलिसियाते पूनें वायाना विस्‍वासुल्‍कुन ओर अय्ते बेस हूळोर आनि हूळकुंतोम इनानोर्कुनगुडा बेस हूळा हिय्योर. इंका बोर अय्ते बेस हूळकुंतुरो ओर्कुन कलिसियाताल पलाते पेच्‍हांतोर. मावा बारेमते कराब-कराब पोल्‍लें वळ्कंतोर, अदुनहाटीं नना बस्के अय्ते वांतन, अस्‍के ओना बारेमते कलिसियाते अंटोर्क वेहांतन.