पिलिपिया 2:25 - पवित्र पोल्‍ले

^25-26 नाकु अव्‍सरम अरतस्के सहायम कियनाहाटीं मिमेट इपपरदिसुन नाहेके लोहतिर. बेसता कबुर वेहनेंके वरोर सिपाइन लेह्का ओर नावा तोळ मत्‍तोर आंदुर, ओर नावा तम्मुनसंटोर आंदुर. गानि ओन मर्रा मीहेके लोहना इंचि नावा मनसु मंता. मीकुन हूळालय ओर इरगा गाबर आसंतोर. ओर बिमार अरता संगति मिमेट केंजतिर इंचि ओन्क तेळियतस्के ओर वेल्‍लेन नाराज आतोर.

पिलिपिया 2:25 Cross References

योहान 17:18

बल्हा अय्ते निमे नाकुन ई दुनियाते लोहतिन, अल्हेन नना ईरकुन दुनियाते लोहंतन.

रोम सहरतोरहाटीं पौलुसना सिट्‍टि 16:3

पिरिसकिला आनि दाना मुय्दो अकविलांक नावाहेंदाल जोहार वेहाटु. ओर नावातोनि येसु किरिस्‍तुना सेवा कियानोर आंदुर.

रोम सहरतोरहाटीं पौलुसना सिट्‍टि 16:9

मावातोनि कलियसि किरिस्‍तुना सेवा कियानोर उरबानुसुंक नावा जोहार, अल्‍हेने नावा पावरमगल्‍ला इस्‍तुकुसुंकगुडा नावा जोहार वेहाट.

1 कुरेंति 3:9

मोमोट पेनतोनि कलियसि कबळ कियानोर्कुम आंदुम, मिमेट पेनदा नेलितसंटोर, पेनदा लोतसंटोर आंदिर.

2 कुरेंति 2:13

ना तम्मुर तीतु अगा कलिया हिल्‍लोर, अय्ते ना मनसुंक सांति दोर्काहिल्‍ले. अदुनहाटीं दांतन इंचि ओर्कु वेहचि, मेसिडोनिया एरियाते पेय्सि होत्‍तन.

पिलिपिया 4:18

नहगा अन्‍नि मंतां, नाक बच्‍चोर अय्ते गावाले दानकन्‍ना एक्‍को मंतां. मिमेट इपपरदिसुनतोनि लोहता सहायम नाक दोर्कता. अवुनतोनि नावा अव्‍सराल्क अन्‍नि तीरतां. बल्हा अय्ते मोक्‍कु हीतारित्‍ते पेन दाना गब्‍बु एतंता, अल्‍हेने मिमेट लोहतवुन पेन कुसिते एतकुंता.

पिलिपिया 4:3

नावा दंटातोना! अव रोंड मुर्ताह्क जगडाल्‍क होळसि उंदासि मनालय निमे सहायम कीम इंचि नीकु विनंति कीसेक मंतन. बारित्‍ते किलेमेन्‍स आनि नावातोनि कबळ कियानोरतोनि कलियसि अव रोंड मुर्ताह्क बेसता कबुर वेहालय वेल्‍ले कस्‍टपळतां. अल्हा कबळ कियानोरा पोरोल्क पेनदागा मनना बस्‍केळ्‍क पिस्सना पिस्वरता पुस्तकमते रासि मंता.

कुलुसि 1:7

आ बेसता कबुर मावा पावरमगल्‍ला इपप्रासुनाहेंदाल मिमेट करियतिर. ओर मावातोनि कलियसि कबळ कियानोर आनि मीवाहाटीं किरिस्‍तुना विस्वासमलायक सेवक आंदुर.

कुलुसि 4:11

युसतुस इनना येसुगुडा मीक जोहार वेहासेक मंतोर, कतना आतोराव्टेटाल सिराप ईर मुव्वुरे पेनदा राज्येमताहाटीं नावातोनि कबळ कीसेक मंतुर, ईराहेंदाल नावा जीवाक सांति दोर्कसेक मंता.

1 तेसलोनि 3:2

किरिस्‍तुना बेसता कबुरतुन मावातोनि कलियसि वेहानोर पेनदा दासुड तिमोति तम्मुन मिहगा लोहतोम. मीक बसोंटा तकलिप वायिनागानि पजोळ्क-मुन्‍नेळ्‍क आयाकोंटा विस्वासमते गट्‍टिगा मंदना इंचि ओर मीकु समजांचि वेहंतोर. बारित्‍ते इसोंटा तकलिपकु बोगांचालये पेन मनाकुन निलाहता इंचि मीक एरपाटे.

पिलेमोन 1:24

अल्‍हेने नातोनि कलियसि कबळ कियाना मरकुस, अरिसतरकुस, देमास, लूकाल ईरगुडा नीकु जोहार वेहासेक मंतुर.

इब्रि 3:1

अदुनहाटीं, पवित्र विस्वासुल्‍कुनिटा! मुक्‍तिता पालिगाह्क आयालय पेन मीकुन केयता. येसुन पेन पेद्‍दा पेर्मल आनि प्रेरित आयालय लोहचीता इंचि मनम ओप्कुत्‍तोम, अय्ते ओना बारेमते मिमेट विचारम कीम्‍टु.